आदेश- नि. 1 वर -

( दि. 20-06-2018)

द्वारा : मा. श्री. व्‍ही. ए. जाधव, अध्‍यक्ष.

            1)     यातील तक्रारदार यांनी सामनेवाला 1 व 2 यांचेविरुध्‍द तुकडी व जिल्‍हा रत्‍नागिरी पोट तुकडी ता. चिपळूण पैकी मौजे चिपळूण नगरपरिषदेचे हद्दीतील भुमापन क्र.94 अ, उविभाग (2अ3)16, क्षेत्र 0.07.50 या मिळकतीच्‍या चतु:सिमा पुर्वेस-वहाळ, पश्चिमेस-सडक, दक्षिणेस- सर्व्‍हे नं.94 ड व उत्‍तरेस हिस्‍सा नं.1 ही मिळकत तक्रारदारांनी सामनेवालाकडून दि.15-03-1996 रोजी रजिस्‍टर्ड खरेदीखताने विकत घेतली आहे.  सदरची     "साई सुमन"  या इमारतीतील दुस-या मजल्‍यावरील सदनिका  क्र.203 क्षेत्र 731 चौ.फु. दि. 18-02-2013 रोजी रजि. दस्‍त नं. 565/2013 ने  एकूण रक्‍कम रु.13,51,000/- इतक्‍या रक्‍कमेस ठरली होती. सामनेवाला यांनी तक्रारदार यांना द्यावयाचे सेवेत त्रुटी ठेवलेने तक्रारदारांनी सामनेवाला विरुध्‍द कलम 9 मध्‍ये नमूद केलेप्रमाणे नुकसानभरपाई मिळणेसाठी प्रस्‍तुतचा तक्रार अर्ज दाखल केला आहे.   

      2)  दरम्‍यानचे काळात तक्रारदार व सामनेवाला यांचेमध्‍ये तडजोड होऊन नि.61 वर संयुक्‍त पुरसीस दाखल करुन तक्रारदार व सामनेवाला यांच्‍यामध्‍ये  तडजोडीच्‍या अटी व शर्ती  ठरलेल्‍या होत्‍या. नि.61 वरील तडजोड पुरसीसप्रमाणे सदर वादातीत निवासी सदनिकेचे खरेदीखत सामनेवाला यांनी तक्रारदार यांना करुन द्यावयाचे होते.  त्‍याप्रमाणे नि.63 वर तक्रारदार यांनी पुरसीस दाखल करुन त्‍याप्रमाणे सामनेवाला यांनी तक्रारदार यांच्‍या लाभात वादातीत सदनिकेचे खरेदीखत करुन दिले आहे. तसेच नि.63 वरील पुरसीससोबत दस्‍त क्रमांक 1066/2018 दि.15-03-2018 रोजीच्‍या नोंदणीकृत खरेदीखताची प्रत दाखल केली आहे.

     3)  तक्रारदार यांची दि.20/06/2018 रोजी नि. 63 वरील पुरसीसला अनुसरुन मंच खालील आदेश पारीत करीत आहे. सबब, आदेश खालीलप्रमाणे.

                                                                              - आदेश -

      1) तक्रार अर्ज निकाली करणेत येतो.
      2) तक्रारदार व सामनेवाला यांचे दि. 15-03-2018 रोजी नि. 61 वरील संयुक्‍त तडजोड पुरशिस व नि.63 वरील तक्रारदाराची पुरसीस ही या आदेशाचा एक भाग समजणेत येऊन प्रस्‍तुत अर्ज निकाली करणेत येतो. 

      3) उभय पक्षकांराना सदरच्‍या आदेशाच्‍या प्रती विनामुल्‍य देण्‍यात याव्‍यात.