(मा. अध्‍यक्ष, श्री. विजय सी. प्रेमचंदानी यांच्‍या आदेशान्‍वये)

निशाणी क्रं. 1 वर आदेश पारित

     तक्रारकर्त्‍या तर्फे तक्रार दाखल युक्तिवाद ऐकून घेण्‍यात आला. तक्रारकर्त्‍याच्‍या तक्रारीची पडताळणी करतांना असे दिसून आले की, तक्रारकर्त्‍याने तक्रारीत असे कथन केले की, वादातीत मोबाईल अॅमेझॉन डॉट.कॉम. द्वारे खरेदी करण्‍यात आला होता व तो मोबाईल तक्रारकर्त्‍याने   ति-हाईत व्‍यक्‍तीकडून खरेदी केला असे युक्तिवादा वेळी सांगितले. नि.क्रं.7 वर ही बाब नमूद करण्‍याकरिता दुरुस्‍तीचा अर्ज सादर केला.  सदर अर्ज नामंजूर करण्‍यात आला. तक्रारकर्त्‍याने असे ही नमूद केले की, वादातील मोबाईल वॉरन्‍टी (मुदतीत) असतांना सुध्‍दा विरुध्‍द पक्षाने त्‍यावर सेवा दिलेली नसल्‍याने प्रस्‍तुत तक्रार दाखल केलेली आहे. तक्रारकर्त्‍याने दाखल केलेले सदर मोबाईलचे देयक हे तक्रारकर्त्‍याच्‍या नावांने नाही असे दस्‍ताऐवज क्रं. 1 वरुन दिसून येते. सबब तक्रारकर्ता प्राथमिक दृष्‍टीने ग्राहक असल्‍याचे सिध्‍द करु शकला नाही. तक्रारकर्त्‍याने विरुध्‍द पक्षाकडून मोबाईल खरेदी न केल्‍याने तो ग्राहक संरक्षण कायदा 1986 च्‍या कलम 2 (1) (डी) अंतर्गत ग्राहक या संज्ञेत मोडत नाही.  

          सबब खालीलप्रमाणे आदेश पारित .

अंतिम आदेश

1. तक्रारकर्ता हे ग्राहक संरक्षण कायदा 1986 च्‍या कलम 2 (1) (डी) अंतर्गत ग्राहक या संज्ञेत मोडत नसल्‍याने सदर तक्रार अस्‍वीकृत करुन नस्‍तीबध्‍द करण्‍यात येते.
2. तक्रारकर्त्‍याने तक्रारीचा खर्च स्‍वतः सहन करावा .
3. तक्रारकर्त्‍याला आदेशाची प्रथम प्रत निःशुल्‍क देण्‍यात यावी.
4. तक्रारीची ब व क प्रत तक्रारकर्त्यास परत करण्‍यात यावी.