तक्रारदार वकिलांसह गैरहजर.

सदर प्रकरणात तक्रारदार दिनांक 18/09/2019 पासून सतत गैरहजर असल्‍याचे रोजनाम्‍यांचे अवलोकन केले असता दिसून येते. सदर प्रकरण तक्रारदाराने पुराव्‍याचे प्रतिज्ञापत्र दाखल करणेकामी नेमण्‍यात आलेले असून त्‍यांना वारंवार संधी देऊन सुध्‍दा त्‍यांनी पुराव्‍याचे प्रतिज्ञापत्र दाखल केलेले नाही. तसेच आज सुध्‍दा ते गैरहजर आहेत. यावरुन तक्रारदारांना सदरची तक्रार पुढे चालविण्‍याचे स्‍वारस्‍य दिसून येत नाही. मंचाने तक्रार व  दाखल कागदपत्रांचे अवलोकन केले असता तक्रारीचा निकाल गुणवत्‍तेवर लावणेकामी आवश्‍यक असलेले कागदपत्र तक्रारदारांनी दाखल केलेले नाहीत असे दिसून येते. त्‍यामुळे प्रकरण त्‍याच टप्‍प्‍यावर प्रलंबित ठेवणे योग्‍य व न्‍यायोचित नाही, या निष्‍कर्षाप्रत मंच आलेले असून प्रस्‍तुत तक्रार ग्राहक संरक्षण कायद्याचे कलम 13(2)(क) प्रमाणे खारीज करणे आवश्‍यक असल्‍याने ती खारीज  (Dismissed in Default) करण्‍यात आली.