प्रस्तुतची तक्रार दाखल करणेकामी दीर्घ कालावधीपासून प्रलंबित आहे.  तसेच तक्रारदार व त्‍यांचे वकील दिनांक 7 नोव्‍हेंबर, 2022 पासून सतत गैरहजर असून ते आजसुध्‍दा गैरहजर आहेत. 

तक्रार व त्‍यासोबत जोडलेल्‍या कागदपत्रांचे आयोगाद्वारे अवलोकन करण्‍यात आले.

तक्रारदारांच्या तक्रारीतील कथनानुसार त्यांनी सामनेवाले यांच्या “रुणवाल फॉरेस्‍ट” या गृहप्रकल्पातील “मगनोलीया” या इमारतीत सदनिका विकत घेण्‍यासाठी सामनेवाले यांना रक्कम रु.1,64,02,362/- अदा केली होती.  सदरची बाब तक्रारदार यांनी तक्रारीतील परिच्‍छेद क्र.5 मध्‍ये नमुद केलेली आहे.  सामनेवाले यांना सदनिकेचा ताबा उशिरा दिल्‍याने व सदनिकेतील इतर त्रुटींसाठी नुकसानभरपाई मि‍ळणेबाबत प्रस्‍तुतची तक्रार दाखल केली आहे.

ग्राहक संरक्षण अधिनियम, 2019 च्या कलम 34 (1) मधील तरतुदीनुसार जिल्हा ग्राहक तक्रार निवारण आयोगास वस्तु किंवा सेवा विकत घेण्यासाठी सेवा प्रदाता यांना रक्कम रुपये 50,00,000/- पर्यंतच्या कमाल मर्यादेपर्यंत एकूण मोबदला अदा केलेल्या ग्राहक तक्रारी चालविण्याचे आर्थिक कार्यक्षेत्र आहे.  प्रस्तुतच्या तक्रारीतील तक्रारदार यांनी सदनिका खरेदीसाठी सामनेवाले यांना अदा केलेला मोबदला रु.1,64,02,362/- इतका म्हणजेच या आयोगाच्या आर्थिक कार्यक्षेत्राच्या कमाल मर्यादेपेक्षा अधिक आहे.  सबब, प्रस्तुतची तक्रार चालविण्याचा या आयोगास अधिकार नसल्याने, तक्रारदारांना योग्य त्या न्यायालय / आयोगासमोर तक्रार दाखल करण्याची मुभा देऊन प्रस्तुतची तक्रार दाखल टप्प्यावर खारीज करण्यात येते.

प्रकरण समाप्त.