Maharashtra

Sangli

EA/08/247

PRAKASH RAMCHANDRA SALGAR - Complainant(s)

Versus

VITTHAL NAGARI SAHAKARI PAT SANST MARY MIRAJ & OTHERS - Opp.Party(s)

RM SHINDE

02 May 2013

ORDER

Execution Application No. EA/08/247   1. PRAKASH RAMCHANDRA SALGAR VAKARBHAG MIRAJ DIST SANGLI ...........Appellant(s) Versus 1. VITTHAL NAGARI SAHAKARI PAT SANST MARY MIRAJ & OTHERS NADI VES MIRAJ ...........Respondent(s)

BEFORE:     A.V. Deshpande PRESIDENT   K.D. Kubal MEMBER

PRESENT:

ORDER   जिल्‍हा ग्राहक तक्रार निवारण मंच, सांगली यांचेसमोर फिर्याद क्र.247/2008     प्रकाश रामचंद्र सलगर                         ...                      अर्जदार   विरुध्‍द   विठ्ठल नागरी सह.पत.मर्या.                         ...                जाबदार     नि.1 खालील आदेश        अर्जदार व तर्फे वकिल पुकारता गैरहजर. रोजनाम्‍याप्रमाणे गेल्‍या ब-याच तारखांना ते सातत्‍याने गैरहजर. जाबदार क्र.2 वगळता इतर जाबदार गैरहजर.        जाबदार क्र.2 यांनी नि.81 सोबत उपनिबंधक, सहकारी संस्‍था मिरज यांचे दि.31/07/11 चे पत्र दाखल केले. त्‍या पत्रान्‍वये जाबदार क्र.2 दि.18/03/07 पासून, संस्‍थेने ठराव क्र.13 मंजूर करुन त्‍यांचा राजीनामा मंजूर केल्‍याने संस्‍थेचे संचालक नाहीत असे दिसते. त्‍याचबरोबर जाबदार क्र.2 यांनी प्रस्‍तुत अर्जदार व जाबदार क्र.1 संस्‍था यांच्‍यातर्फे चेअरमन, शिलाताई सुर्यवंशी यांच्‍यात झालेल्‍या दि.18/03/09 च्‍या तडजोडीचे तडजोडपत्राची प्रत नि.81 सोबत दाखल केलेली आहे. त्‍याचबरोबर ती प्रत संस्‍थेच्‍या चेअरमन, सौ.शिलाताई सुर्यवंशी त्‍यास दिल्‍याचे शपथेवर नमूद केलेले आहे. त्‍या शपथपत्रावरुन सदरच्‍या तडजोडनाम्‍याची प्रत जाबदार क्र.2 ने प्रॉपर कस्‍टडीतून हजर केल्‍याचे दिसते.       तडजोडपत्राचे अवलोकन करता असे दिसते की, दि.18/03/09 रोजी मूळ अर्जदार व जाबदार क्र.1 संस्‍था हयामध्‍ये रकमेबाबत तडजोड होवून अर्जदारास तडजोडीप्रमाणे संपूर्ण रकमा संस्‍थेने दिलेल्‍या आहेत आणि त्‍यावरुन अर्जदाराने प्रस्‍तुतचे प्रकरण काढून घेणेचे कबूल केलेले आहे. सदर तडजोड पत्रावर तक्रारदाराची तीन साक्षीदारांसमोर केलेली सही दिसून येत आहे. सदर तडजोडीअन्‍वये आजतागायत अर्जदाराने प्रस्‍तुतची तक्रार का काढून घेतली नाही हयाचा खुलासा होत नाही. तथापी, सदर तडजोड पत्रास आव्‍हान देण्‍याकरीता अर्जदार आज हजर नाहीत. त्‍यामुळे सदर तडजोडपत्र हे विचारात घ्‍यावे लागेल आणि त्‍या तडजोडपत्रावरुन असे दिसते की, अर्जदारास तडजोडीप्रमाणे संपूर्ण रकमा मिळालेल्‍या आहेत. त्‍या तडजोडीच्‍या तारखेपासून अर्जदार हा सातत्‍याने गैरहजर असल्‍याचे रोजनाम्‍याप्रमाणे दिसते. याचा स्‍पष्‍ट अर्थ असा की, अर्जदाराची अर्जातील मागणी ही मंचाबाहेर मिटलेली आहे आणि म्‍हणून तो गैरहजर रहात आहे. अशा परिस्थितीत प्रस्‍तुतची फिर्याद अर्जदार गैरहजर असल्‍याने काढून टाकण्‍याशिवाय दुसरा पर्याय दिसत नाही. तसेही पहाता प्रस्‍तुतची फिर्याद ही फार जूनी आहे. या सर्व गोष्‍टींचा विचार करता आज प्रस्‍तुतची फिर्याद तक्रारदार गैरहजर या कारणाकरीता काढून टाकणेत येते व फिर्यादीतील सर्व आरोपींना सोडून देण्‍यात येत आहे. ती दफतर दाखल करावी.      दि.02/05/13. ठिकाण – सांगली.                             (के.डी.कुबल)                      (ए.व्‍ही.देशपांडे)                            सदस्‍य                         अध्‍यक्ष

[ A.V. Deshpande] PRESIDENT   [ K.D. Kubal] MEMBER