जिल्‍हा ग्राहक तक्रार निवारण न्‍याय मंच,जळगाव यांचे समोर.
तक्रार क्रमांक 1581/2009
तक्रार पंजीबध्‍द करण्‍यात आले तारीखः- 23/10/2009
तक्रार निकाली काढणेत आली तारीखः- 04/12/2012
श्री.संजय दगडु चौधरी,
वय- 46,धंदा- खाजगी नोकरी, .......... तक्रारदार
रा. हरणखेडे ता.बोदवड जि.जळगांव.
विरुध्‍द
1. श्री.विठठल रखुमाई अर्बन को.ऑप.क्रे.सोसायटी लि.भुसावळ,
मुख्‍य शाखा - लहान मारोती मंदीराजवळ, विठठल मंदीर वॉर्ड, भुसावळ,
ता.भुसावळ,जि.जळगांव. (समन्‍स शाखा व्‍यवस्‍थापक यांचेवर बजवावे)
2. श्री.संजय पृथ्‍वीराज फालक,चेअरमन, .......... विरुध्‍दपक्ष
रा. श्री.महेश देवीदास फालक,उपाध्‍यक्ष.
रा.जामनेर रोड, म्‍यनिसीपल कॉलनी, भुसावळ.
3. श्री.महेश देवीदास फालक,उपाध्‍यक्ष.
रा.जामनेर रोड, म्‍यनिसीपल कॉलनी, भुसावळ.
4. सौ.चेतना संजय फालक, संचालीका,
रा.विठठल मंदिर वार्ड, भुसावळ.
5. प्रदीप पी नेहते,संचालक,
श्री.विठठल रखुमाई अर्बन को.ऑप.क्रे.सोसायटी लि.भुसावळ,
6. ललीता के.महाजन,संचालक,
श्री.विठठल रखुमाई अर्बन को.ऑप.क्रे.सोसायटी लि.भुसावळ,
7. श्री.विजय एम.फालक,
रा.विठठल मंदीर वॉर्ड, भुसावळ,ता.भुसावळ,जि.जळगांव.
8. श्री.राहुल पुरुषोत्‍तम .ब-हाटे,संचालक,
रा.विठठल मंदीर वॉर्ड, भुसावळ,ता.भुसावळ,जि.जळगांव.
9. श्री.जगदीश चौधरी,रा.मैथाजी मळा,वसंत टॉकीजवळ, भुसावळ जि.जळगांव.
10. रुपचंद बुधो तळेले,
रा. नशिराबाद,खालची आळी,ता.जि.जळगांव.
11. सौ.सुजाता प्र.विसपुते,
कॉलनी नर्सिंग होम, नवीपेठ, दांडेकर चौक, पुणे.
कोरम –
श्री. डी.डी.मडके अध्‍यक्ष.
सौ.एस.एस.जैन सदस्‍य.
--------------------------------------------------
तक्रारदार तर्फे अड.एस.डी.देशवंडीकर.
विरुध्‍दपक्ष क्र.1 व 2 कविता जगपती.
विरुध्‍दपक्ष क्र.11 तर्फे सुनिल तायडे.
विरुध्‍दपक्ष क्र.3 ते 10 एकतर्फा.
नि का ल प त्र
श्री.डी.डी.मडके,अध्‍यक्ष ः तक्रारदार यांनी विरुध्‍द पक्ष पतसंस्‍थेत मुदतठेव/बचत खात्‍यामध्‍ये गुंतवलेली रक्‍कम मागणी करुन ही परत दिली नाही म्‍हणुन त्‍यांनी प्रस्‍तुत तक्रार या मंचात दाखल केली आहे.
2. तक्रारदार यांची थोडक्‍यात अशी तक्रार आहे की, तक्रारदार यांनी विरुध्‍द पक्ष श्री.विठठल रखुमाई अर्बन को.ऑप.क्रे.सोसायटी लि.भुसावळ, (यापुढे संक्षीप्‍तेसाठी पतसंस्‍था असे संबोधण्‍यात येईल) या पतसंस्‍थेत शाखा भुसावळ व बोदवड येथे मुदत ठेव पावतीत रक्‍कम गुंतविली होती त्‍याचा तपशिल खालील प्रमाणे.
पावती क्र. | जमा रक्‍कम | ठेव तारीख | देय तारीख | देय रक्‍कम |
भुसावळ 17669 | 4,000 | 21/07/07 | 21/01/08 | 4,140 |
17670 | 4,917 | 21/07/07 | 21/07/08 | 5,360 |
89 बोदवड | 10,000 | 17/06/06 | 17/06/12 | 20,000 |
105 | 10,000 | 27/09/06 | 27/09/12 | 20,000 |
106 | 28,000 | 27/09/06 | 27/09/12 | 56,000 |
110 | 2,000 | 27/10/06 | 27/10/12 | 4,000 |
07 अष्‍टचक्रठेव | 30,000 | 27/10/06 | 12/12/06 | 30,368 |
3. तक्रारदार यांनी बचत खात्‍यातील रक्‍कमेची मागणी विरुध्‍द पक्ष पतसंस्‍थेत केली असता त्‍यांनी सदर रक्‍कम देण्‍यास नकार दिला अशी तक्रारदार यांची तक्रार आहे. सबब विरुध्‍द पक्ष यांचेकडुन मुदत ठेव पावतीतील व्‍याजासह होणारी संपुर्ण रक्‍कम तसेच मानसिक त्रास व अर्जाच्‍या खर्चापोटी भरपाई मिळावी अशी विनंती तक्रारदार यांनी केली आहे.
4. विरुध्‍द पक्ष क्र.2 व यांनी खुलासा दाखल करुन तक्रारदाराची तक्रार बेकायदेशिर आहे. संस्‍थेने सेवेत त्रुटी केलेली नाही. जळगांव जिल्‍हयातील सहकारक्षेत्र पुर्णपणे कोलमडलेले आहे. संस्‍थेने जें कर्ज वाटप केले आहे ते एकाच वेळी वसुल होऊ शकत नाही त्‍यामुळे सहायक निबंधक भुसावळ यांचे आदेशानुसार वसुलीनुसार रक्‍कम ठेवीदाराना देण्‍यात येत आहे. सदर संस्‍थेचे जळगांव जनता बँकेत असलेले खाते स्‍थगीत करण्‍यात आले आहे त्‍यामुळे रक्‍कम देण्‍यास विलंब होत आहे. सदर तक्रार रद्य करावी अशी त्‍यांनी विनंती केली आहे. विरुध्‍दपक्ष क्र. 11 यांनी आपल्‍या खुलाशात त्‍या संस्‍थेच्‍या मानद सचिव होत्‍या परंतु दि.05/11/07 रोजी त्‍यांनी राजीनामा दिलेला आहे त्‍यामुळे सदर रक्‍कम देण्‍यास त्‍यांना जबाबदार ठरवण्‍यात येऊ व तक्रार रद्य करावी अशी विनंती केली आहे. विरुध्‍दपक्ष क्र. 3 ते 10 यांनी नोटीसची बजावणी होऊनही हजर होऊन म्‍हणणे दाखल केले नाही त्‍यामुळे त्‍यांचे विरुध्‍द प्रकरण एकतर्फा चालवण्‍याचा आदेश करण्‍यात आला.
5. तक्रारदार यांची तक्रार पाहता तक्रारीच्‍या न्‍यायनिर्णयासाठी आमच्‍या समोर खालील मुद्ये उपस्थित होतात व त्‍याची उत्‍तरे आम्‍ही सकारण खालील प्रमाणे देत आहोत.
मुद्ये. उत्‍तर.
1. विरुध्‍द पक्ष यांनी तक्रारदार यांना द्यावयाच्‍या सेवेत त्रुटी
केली आहे काय? होय.
2 आदेश काय? खालीलप्रमाणे.
विवेचन
6. मुद्या क्र.1 – प्रस्‍तुत प्रकरणांत तक्रारदार यांनी तक्रारीचे अनुषंगाने दाखल केलेली कागदपत्रे पाहता त्‍यांनी पतसंस्‍थेमध्‍ये बचत खात्‍यात रक्‍कम गुंतवली होती ही बाब सिध्‍द होते. तक्रारदार यांनी सदरची रक्‍कम मिळणेसाठी मागणी केली असता, सदर रक्‍कम त्‍यांना देण्‍यात आली नाही. वास्‍तविक तक्रारदार यांनी मागणी केल्‍यानंतर तात्‍काळ विरुध्‍द पक्ष यांच्‍याकडील जमा असलेली रक्‍कम त्‍यांना परत करणे पतसंस्‍थेचे कर्तव्‍य होते. तक्रारदार यांनी मागणी करुनही संस्‍थेने रक्‍कम न देऊन सेवेत त्रुटी केली आहे या मतास आम्‍ही आलो आहोत. म्‍हणून मुद्या क्र. 1 चे उत्‍तर आम्‍ही होकारार्थी देत आहोत.
7. मुद्या क्र. 2 –– तक्रारदार यांनी त्‍यांच्‍या बचत खात्‍यामधील व्‍याजासह होणारीरक्‍कम श्री.विठठल रखुमाई अर्बन को.ऑप.क्रे.सोसायटी लि.भुसावळ,व संचालक मंडळ यांचेकडुन वैयक्तिक व संयुक्‍तीकरित्‍या मिळावी अशी मागणी केलेली आहे. परंतू मा.मुंबई उच्‍च न्‍यायालय खंडपिठ औरंगाबाद यांनी रिट याचिका क्र.5223/09 सौ.वर्षा रविंद्र ईसाइ विरुध्‍द राजश्री राजकुमार चौधरी या न्‍यायिक दृष्‍टांतामध्‍ये पुढील प्रमाणे मत व्‍यक्‍त केले आहे.
As has been recorded above, I am of the view that a society registered under the provision of Maharashtra Co-operative Societies Act 1960, although can be proceeded against and a complaint under the provision of Consumer Protection Act is entertain able against the society, the Directors of members of the managing committee cannot be held responsible in view of the scheme of Maharashtra Co-operative Societies Act. To hold the Directors of the banks/members of the managing committee of the societies responsible, without observing the procedure prescribed under the Act, would also be against the principles of co-operation, which is the very foundation of establishment of the co-operative societies.
8. वरील न्‍यायिक दृष्‍टांतामध्‍ये संचालकांना रक्‍कम देण्‍यासाठी वैयक्‍तीकरित्‍या
जबाबदार ठरविता येणार नाही असे तत्‍व विषद करण्‍यात आले आहे. त्‍यामुळे त्‍यांना वैयक्तिकरित्‍या रक्‍कम देण्‍यास जबाबदार ठरविता येणार नाही. तक्रारदार हे विरुध्‍द पक्ष श्री.विठठल रखुमाई अर्बन को.ऑप.क्रे.सोसायटी लि.भुसावळ,यांचेकडुन पतसंस्‍थेत जमा असलेली व्‍याजासह होणारी रक्‍कम मिळण्‍यास पात्र आहेत. ज्‍या ठेवीची मुदत 2017 मध्‍ये संपत आहे त्‍याबाबत ठेव पावतीवर नमुद असलेल्‍या दराने व्‍याज मिळणेस तक्रारदार पात्र आहे. तसेच पतसंस्‍थेच्‍या कृतीमुळे तक्रारदारास निश्चितच मानसिक व शारिरीक त्रास झाला आहे व मंचात तक्रारही दाखल करावी लागली आहे. तसेच त्‍यांना मानसिक त्रास होणे साहजिक आहे. त्‍यामुळे तक्रारदार अर्जाच्‍या खर्चापोटी रक्‍कम रु.1,000/- व मानसिक त्रासापोटी रु.500/- मिळण्‍यास पात्र आहेत असे आम्‍हास वाटते.
9. वरिल विवेचनावरुन आम्‍ही खालील प्रमाणे आदेश देत आहोत.
आ दे श
(1) तक्रारदार यांचा तक्रार अर्ज अंशतः मंजुर करण्‍यात येत आहे.
(2) विरुध्‍द पक्ष श्री.विठठल रखुमाई अर्बन को.ऑप.क्रे.सोसायटी लि.भुसावळ,यांनी तक्रारदार यांना वरील आदेश कलम 2 मध्‍ये नमुद केलेल्‍या बचत खात्‍यातील रक्‍कमेवर देय तारखेनंतर एकत्रित रक्‍कमेवर द.सा.द.शे. 6 टक्‍के व्‍याजासह तक्रारदार यांना या आदेशाच्‍या प्राप्‍तीपासुन 30 दिवसांचे आंत अदा करावेत तसेच दावा खर्चापोटी रु.1,000/- व मानसिक त्रासापोटी रु.500/- अदा करावेत.
(3) वर नमुद आदेश क्र.2 मधील रक्‍कमेपैकी काही रक्‍कम अगर व्‍याज दिले असल्‍यास त्‍यावर कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.
(सौ.एस.एस.जैन ) ( श्री.डी.डी.मडके )
सदस्‍य अध्‍यक्ष
जिल्‍हा ग्राहक तक्रार निवारण न्‍याय मंच,जळगाव
