तक्रारदार पुकारले असता गैरहजर. सामनेवाला 1 व 2 एकतर्फा. दि. 08/06/2016 रोजी तक्रारदारांनी सदर प्रकरणामध्‍ये पुरावा शपथपत्र  दाखल केले आहे. त्‍यानंतर मागील रोजनाम्‍यांचे अवलोकन केले असता, तक्रारदारांनी लेखी युक्तिवाद दाखल करण्‍यासाठी व तक्रारदाराच्‍या तोंडी युक्तिवादासाठी प्रकरण तक्रारदारांना अनेकवेळा संधी देण्‍यात येऊन नेमण्‍यात आल्‍याचे दिसून येते. तक्रारीमधील कागदपत्रांचे अवलोकन केले असता, प्रस्‍तूत तक्रार तक्रारदारांनी प्रस्‍तूत तक्रार श्रीमती. चित्रा बलसे यांनी खरेदी केलेल्‍या रक्‍कम रु. 9,999/- चा मोबाईल सदोष असल्‍याबाबत तक्रारीत त्‍यानुसार निवेदन करुन दाखल केली आहे. परंतु तक्रारदार सन 2016 पासून सदर प्रकरणात गैरहजर असल्‍याने तक्रारदार व सामनेवाला यांच्‍यात सदर मोबाईलबाबत दाखल केलेल्‍या तक्रारीविषयी तडजोड झाली किंवा कसे? अथवा तक्रारदारांना तक्रार पुढे चालवायची आहे किंवा कसे? याबाबत निवेदन करण्‍यासाठी व लेखी युक्तिवाद व तोंडी युक्तिवादासाठी तक्रारदारांनी मंचासमक्ष हजर राहणे आवश्‍यक होते. परंतु तक्रारदार दि. 05/07/2016, 18/08/2016, 10/01/2017, 03/05/2017, 07/08/2017, 11/12/2017, 21/02/2018, 19/04/2018, 04/07/2018, 29/08/2018, 08/10/2018, 05/01/2019, 22/02/2019, 18/06/2019 तसेच  आज दि. 23/09/2019 रोजी सातत्‍याने गैरहजर आहेत. सबब तक्रारदारांना प्रस्‍तूत तक्रार पुढे चालविण्‍यात स्‍वारस्‍य असल्‍याचे दिसून येत नाही.  सबब तक्रारदाराच्‍या सततच्‍या गैरहजरीमुळे प्रस्‍तूत तक्रार ग्रासंका कलम 13 (2) (क) नुसार खारीज करुन निकाली काढण्‍यात येते. प्रकरण निकाली.