दवाराः- श्रीमती.एस.एस.म्‍हात्रे, अध्‍यक्षा  

        तक्रारदारातर्फे वकील श्री.कृतज्ञ राऊत हजर. सामनेवाले 1 व 2 पुकारले असता गैरहजर. सदर प्रकरणामध्ये तक्रारदार यांना रक्‍कम रुपये 2,00,000/-, सामनेवाले 1 यांनी, दिनांक 07/12/2022 रोजीच्‍या  तक्रार खारीज करण्‍याबाबतच्‍या अर्जात नमुद, केलेल्‍या तपशिलानुसार दिली असल्‍याचे नमुद करुन सामनेवाले 1 यांनी प्रस्‍तूत तक्रार खारीज करण्‍याचा अर्ज दिला आहे. तक्रारदार यांचे वकीलांनी आजरोजी तक्रारदार यांना सामनेवाले 1 यांचे कडून रक्‍कम रुपये 2,00,000/- दि. 21/05/2022 रोजी तक्रारदाराच्‍या आयडीबीआय बॅंकेतील खाते क्रं. 544104000005517 मध्‍ये प्राप्‍त झाली असून तक्रारदार यांना सामनेवाले 1 व 2 विरुध्‍द दाखल केलेली प्रस्‍तुत तक्रार मागे घ्‍यावयाची असल्‍याबाबत नमुद करुन तक्रारदाराच्‍या वकीलांनी तक्रारदार यांच्‍या डाव्‍या  हाताच्‍या   अंगठयाच्‍या ठसा असलेला प्रस्‍तुत तक्रार मागे घेण्‍याचा अर्ज दाखल केला. सदर अर्जावर तक्रारदार यांच्‍या   वकीलांची स्‍वाक्षरी दिसून येते तसेच त्‍यासह तक्रारदार यांच्‍या आघार कार्डाची छायाकिंत प्रत जोडली आहे. प्रस्‍तुत तक्रार मागे घेणार असल्‍याबाबत सामनेवाले 1 यांचे वकीलांना तोंडी कळविले असल्‍याचे निवदेन तक्रारदार यांचे वकीलांनी केले तसेच सदर प्रकरणामध्ये नमुद अर्जावर योग्‍य ते आदेश पारीत करावेत अशी विनंती केली वर नमुद कारणास्‍तव व वर नमुद तपशिलानुसार तक्रारदार यांना सामनेवाले 1 यांचेकडून विमा दाव्‍याची रक्‍कम रुपये 2,00,000/-  प्राप्‍त झाली असल्‍याने, तक्रारदार यांना सामनेवाले 1 व 2 यांचेविरुध्‍द  दाखल केलेली तक्रार मागे घेण्‍यास परवानगी देण्‍यात येते. सामनेवाले 1 यांनी प्रस्‍तुत तक्रार खारीज करणेकामी दि.07/12/2022 रोजी दिलेला अर्ज सद्यस्थितीला निष्‍प्रभ ठरत असल्‍याने नामंजूर करुन निकाली काढण्‍यात येतो. सबब प्रस्‍तुत तक्रार तक्रारदाराने मागे घेतल्‍याने निकाली काढण्‍यात येते. खर्चाबाबत आदेश नाही.