निकालपत्र तक्रार दाखल दिनांकः- 11/11/2010 तक्रार नोदणी दिनांकः- 18/11/2010 तक्रार निकाल दिनांकः- 19/04/2010 कालावधी 05 महिने 01 दिवस. जिल्‍हा ग्राहक तक्रार निवारण न्‍यायमंच, परभणी अध्‍यक्ष - श्री.चंद्रकांत बी. पांढरपट्टे, B.Com.LL.B. सदस्‍या सदस्‍या सुजाता जोशी B.Sc.LL.B. सौ.अनिता ओस्‍तवाल M.Sc. नामदेव पिता गंगाराम पवळे. अर्जदार वय 35 वर्षे.धंदा व्‍यापार. अड.जे.बी.गीरी. रा.आंबेटाकळी.ता.जि.परभणी. विरुध्‍द युनायटेड इंडिया इन्‍शुरन्‍स कंपनी लि. गैरअर्जदार. मार्फत शाखा व्‍यवस्‍थापक. अड.जी.एच.दोडीया. शाखा दयावान कॉम्‍प्‍लेक्‍स,स्‍टेशन रोड.परभणी. ------------------------------------------------------------------------------------- कोरम - 1) श्री.सी.बी.पांढरपट्टे. अध्‍यक्ष. 2) सौ.सुजाता जोशी. सदस्‍या. 3) सौ.अनिता ओस्‍तवाल. सदस्‍या. ------------------------------------------------------------------------------------------------------- ( निकालपत्र पारित व्‍दारा श्री.सी.बी.पांढरपट्टे.अध्‍यक्ष. ) अर्जदाराच्‍या इन्‍शुअर्ड ऑटो रिक्षाची अपघातात झालेली नुकसान भरपाई गैरअर्जदार विमा कंपनीने देण्‍याचे नाकारले म्‍हणून प्रस्‍तुतची तक्रार आहे. अर्जदाराची थोडक्‍यात तक्रार अशी आहे की, अर्जदाराचे मालकीची आटॉ रजि. नं.एम.एच. 22 एच. 3256 चा गैरअर्जदार विमा कंपनीकडून तारीख 29/10/2009 ते 28/10/2010 या कालावधीचा विमा उतरविलेला होता.तारीख 21/11/2009 रोजी परभणी ते पोखर्णी रोडवर रिक्षाला अपघात झाला अपघाताची नोंद दैठणा पोलिस स्‍टेशनला अपघात क्रमांक 95/2009 प्रमाणे तारीख 22/11/2009 रोजी झाली होती.अर्जदाराने त्‍यानंतर गैरअर्जदारास वाहन अपघातात झालेल्‍या नुकसानी बाबत कळवले होते.त्‍यानुसार विमा कंपनीच्‍या सर्व्‍हेअरने घटनास्‍थळी भेट देवुन सर्व्‍हे केला.अर्जदाराने त्‍यानंतर नुकसान भरपाई मिळणेसाठी आवश्‍यक त्‍या कागदपत्रासह गैरअर्जदाराकडे क्‍लेम केला.होता परंतु गैरअर्जदारानी अपघाताच्‍या वेळी ड्रायव्‍हरकडे कायदेशिर लायसेन्‍स नव्‍हते.असे कारण नमुद करुन नुकसान भरपाई नामंजूर केल्‍याचे कळवले अर्जदाराचे म्‍हणणे असे की, ड्रायव्‍हरकडे असलेल्‍या लायसेंन्‍सची मुदत दिनांक 15/06/2012 अखेर असतांनाही गैरअर्जदाराने बेकायदेशिररित्‍या क्‍लेम नामंजूर करुन सेवात्रुटी केली.त्‍यामुळे अर्जदाराने तारीख 02/08/2010 रोजी वकिला मार्फत गैरअर्जदारास नोटीस पाठवुन नुकसान भरपाई रु.1,00,000/- देण्‍याबाबत कळवले होते परंतु नोटीस स्‍वीकारुनही दखल घेतली नाही म्‍हणून ग्राहक मंचात प्रस्‍तुतचा तक्रार अर्ज दाखल करुन रिक्षाची अपघातात झालेली नुकसान रु.1,00,000/- 18 टक्‍के व्‍याजासह मिळावी मानसिकत्रासापोटी रु.5000/- व अर्जाचा खर्च रु.5000/- गैरअर्जदाराकडून मिळावा अशी मागणी केली आहे. तक्रार अर्जातील पुष्‍टयर्थ अर्जदाराचे शपथपत्र (नि.2) आणि पुराव्‍यातील कागदपत्रात नि.5 लगत एकुण 7 कागदपत्रे दाखल केली आहेत. तक्रार अर्जावर लेखी म्‍हणणे सादर करणेसाठी गैरअर्जदारास मंचातर्फे नोटीस पाठविल्‍यावर त्‍याने तारीख 05/02/2010 रोजी प्रकरणात लेखी जबाब ( नि.11) दाखल केला आहे. लेखी जबाबामध्‍ये विमा पॉलिसी संबंधीचा मजकूर वगळता तक्रार अर्जातील बाकीची सर्व विधाने त्‍यांनी साफ नाकारली आहेत.त्‍यांचे म्‍हणणे असे की, अर्जदाराच्‍या वाहनाचा तारीख 21/11/2009 रोजी अपघात झाल्‍यानंतर ड्रायव्‍हरने तारीख 25/11/2009 रोजी त्‍याचे लायसेन्‍सचे नुतनीकरण करण्‍यासाठी आर.टी.ओ. कडे अर्ज केला होता. लायसेन्‍सचे नुतनीकरण 30211/2009 रोजी झाले असले तरी अपघाताच्‍या वेळी ते कायदेशिर मुदतीत नसल्‍यामुळे पॉलिसीचा भंग झाला असल्‍यामुळे गैरअर्जदारानी अर्जदाराचा विमा क्‍लेम नियमा प्रमाणे नामंजूर केलेला आहे.अपघाताच्‍या वेळी वाहन चालवणा-या ड्रायव्‍हरकडे कायदेशिर मुदतीचे लायसेन्‍स असणे ही अट बंधनकारक आहे.अर्जदाराच्‍या ड्रायव्‍हरच्‍या लायसेन्‍सची मुदत 16/06/2006 ते 16/06/2009 पर्यंत होती.त्‍यानंतर 21/11/2009 रोजी अपघात झालेला आहे.त्‍या मुदतीत लायसेन्‍सचे नुतनी करण झालेले नव्‍हते.ते नंतर केलेले असले तरी नुकसान भरपाई मंजूर करण्‍याच्‍या बाबतीत कायदेशिर होवु शकत नाही.त्‍यामुळेच क्‍लेम नामंजूर केलेला आहे. सबब तक्रार अर्ज खर्चासहीत फेटाळण्‍यात यावा अशी शेवटी विनंती केलेली आहे. गैरअर्जदाराने लेखी निवेदना सोबत शपथपत्र (नि.12) व पुराव्‍यातील कागदपत्र नि.14 लगत एकुण 8 कागदपत्रे मंचासमोर दाखल केली आहेत. दोन्‍ही पक्षांच्‍या कैफियतीवरुन खालील मुद्दे उपस्थित होतात. मुद्दे. उत्‍तर. 1 गैरअर्जदाराने तारीख 11/05/2010 च्‍या पत्राव्‍दारे अपघाताच्‍या वेळी ऑटो रिक्षाच्‍या ड्रायव्‍हरकडे कायदेशिर मुदतीचे ड्रायव्‍हींग लायसेन्‍स नव्‍हते या कारणास्‍तव क्‍लेम नामंजूर करुन सेवात्रुटी केली काय ? नाही. 2 अर्जदार नुकसान भरपाई मिळणेस पात्र आहे.? अंतिम आदेशा प्रमाणे. कारणे. मुद्दा क्रमांक 1 अर्जदाराच्‍या मालकीची ऑटो रिक्षा रजि.क्रमांक एम.एच. 22 एच. 3256 चा गैरअर्जदाराकडून 29/10/2009 ते 28/10/2010 या कालावधीसाठी विमा घेतलेला होता ही अडमिटेड फॅक्‍ट आहे.अर्जदाराने पुराव्‍यात वाहनाच्‍या आर.सी.बुकाची छायाप्रत (नि.5/5) आणि विमा पॉलिसीची छायाप्रत ( नि.4/4) दाखल केलेली आहे.अर्जदाराच्‍या वाहनाचा तारीख 21/11/2009 रोजी परभणी पोखर्णी रोडवर अपघात झाला होता एवढेच त्रोटकपणे अर्जदाराने तक्रार अर्जात म्‍हंटलेले आहे. तसेच अपघाताची नोंद दैठणा पोलिस स्‍टेशनला गुन्‍हा क्रमांक 95/09 प्रमाणे झाल्‍याचे त्रोटकपणे नमुद केले आहे मात्र अपघाताच्‍या घटने संबंधीचा स्‍पष्‍ट खुलासा अथवा पोलिस पेपर्स पुराव्‍यात दाखल केलेले नसल्‍यामुळे अपघाताची घटनेची खरी वस्‍तुस्थिती नेमकी काय होती व अपघात कशामुळे झाला हे अर्जदाराने अथवा गैरअर्जदाराने यापैकी कोणीही सांगितलेली नाही अपघाताच्‍या दिवशी अर्जदाराच्‍या ड्रायव्‍हरकडे कायदेशिर ड्रायव्‍हींग लायसेन्‍स नव्‍हते म्‍हणून गैरअर्जदाराने पॉलिसी नियमांचे उल्‍लंघन झाले या कारणास्‍तव अर्जदाराचा क्‍लेम नामंजूर केलेला आहे.ते क्‍लेम नामंजूरीचे पत्र पुराव्‍यात ( नि.5/7) दाखल केलेले आहे.अर्जदाराने ड्रायव्‍हींग लायसेन्‍सची कॉपी तक्रार अर्जासोबत ( नि.5/6) दाखल केलेली आहे.त्‍याचे बारकाईने अवलोकन केले असता त्‍याची व्‍हॅलिडीटी तारीख 15/06/2012 पर्यंत असल्‍याचे नमुद केलेले असले तरी सदरचे लायसेन्‍स ड्रायव्‍हरने 30/11/2009 रोजी प्रत्‍यक्षात नुतनीकरण केलेले असल्‍याचे लायसेन्‍स वरील तारखे वरुन लक्षात येते म्‍हणजेच अपघाताच्‍या तारखे दिवशी ड्रायव्‍हरचे लायसेन्‍स कायदेशिर मुदतीत नव्‍हते हे स्‍पष्‍ट होते.याखेरीज गैरअर्जदारांने नि.14/2 व नि.14/4 वर अड.कोकड एन.व्‍ही. यांचा इनव्‍हेस्‍टीगेशन रिपोर्ट व ड्रायव्‍हींग लायसेन्‍स बाबत आर.टी.ओ.चा तपशिल दाखल केलेला आहे त्‍यामध्‍येही चौकशी अधिका-याने लायसेन्‍सच्‍या वैधते बद्दल सविस्‍तर खुलासा दिलेला आहे.त्‍यामुळे अपघाताच्‍या वेळी ड्रायव्‍हरकडे कायदेशिर मुदतीचे ड्रायव्‍हींग लायसेन्‍स नव्‍हते हे सिध्‍द झाले आहे.व पॉलिसी नियमाचा अर्जदाराकडून भंग झालेला आहे. या बद्दल कोणतीही शंका उरत नाही.या संदर्भात गैरअर्जदारातर्फे मंचासमोर संदर्भ दिलेली रिपोर्टेड केस 2008 ( 4) टी.ए.सी.पान 378 (सुप्रिमकोर्ट ) मध्‍येही मा.सर्वोच्‍च न्‍यायालयाने असे मत व्‍यक्‍त केले आहे की, ड्रायव्‍हरकडे अपघाताच्‍या वेळी कायदेशिर मुदतीचे लायसेन्‍स नसेल, परंतु लायसेन्‍सचे नंतर जरी नुतनीकरण करुन घेतले असले तरी नुकसान भरपाई मिळणेस लायसेन्‍स वैध ठरत नाही.हे मत प्रस्‍तुत केसला ही लागु पडते.सबब मुद्दा क्रमांक 1 चे उत्‍तर नकारार्थी देवुन आम्‍ही खालील प्रमाणे आदेश पारीत करीत आहोंत. आदेश 1 अर्जदाराचा तक्रार अर्ज फेटाळण्‍यात येत आहे. 2 तक्रारीचा खर्च संबंधीतांनी आपआपला सोसावा. 4 संबंधीतांना आदेशाच्‍या प्रती मोफत पुरवाव्‍यात. श्रीमती अनिता ओस्‍तवाल. सौ.सुजाता जोशी. श्री.सी.बी.पांढरपट्टे. सदस्‍या. सदस्‍या. अध्‍यक्ष.
| | [HONABLE MRS. Sujata Joshi] Member[HONABLE MR. JUSTICE C. B. Pandharpatte] PRESIDENT[HONABLE MRS. Anita Ostwal] Member | | 
