तक्रारकर्त्‍यातर्फे वकील हजर. त्‍यांचे म्‍हणणे ऐकले. गैरअर्जदार गैरहजर. मा. राज्‍य आयोगाच्‍या आदेशाप्रमाणे गैरअर्जदारांनी रु.10,000/- ची रक्‍कम जमा केलेली आहे. सदर बाब तक्रारकर्त्‍यांनी मान्‍य केलेली आहे. मा. राज्‍य आयोगाच्‍या आदेशाप्रमाणे तिसरा भाग असा की, बँकेने रु.2,50,000/- एवढी रक्‍कम म्‍हणजे श्री. साहेबराव यांचा हिस्‍सा श्रीमती संध्‍या सालनकर म्‍हणजेच अर्जदार यांचेकडून वसुल करु नये. बँकेने अशी कोणतीही कारवाई केल्‍याचे दिसून येत नाही. बँकेतर्फे या दरम्‍यान वकील हजर झाले. अशी रु.2,50,000/- ची रक्‍कम वसुल करण्‍याचा कोणताही विचार बँकेचा नाही. अशा प्रकारचे प्रकरण पुढे चालविणे निरर्थक आहे. त्‍यामुळे प्रकरण पुढे चालविण्‍याचे प्रयोजन नाही.  सदर प्रकरण मा. राज्‍य आयोगाचे आदेशाचे विरोधात काहीही कारवाई केल्‍यास तक्रारकर्ता नव्‍याने अवमानना तक्रार दाखल करु शकतील. यास्‍तव सदर आदेशांन्‍वये अर्ज निकाली काढण्‍यात येतो.