तक्रारदारांची तक्रार, त्‍यासोबत त्‍यांनी दाखल केलेली कागदपत्र यांचे अवलोकन केले. तक्रारदारांचा तोंडी युक्‍तीवाद एैकला. त्‍यावरुन असे दिसते की, तक्रारदारांनी सा.वाले बँकेच्‍या ए.टी.एम. केंद्रातुन आपल्‍या ए.टी.एम. केंद्राचा वापर करुन प्रथम रु.10,000/- काढले व दुस-यांदा सदर कार्डाने पैसे काढत असताना तक्रारदारांना सदर व्‍यवहार रद्द बातल ठरवून पैसे काढता आले नाही. तक्रारदार   यांच्‍या म्‍हणण्‍या प्रमाणे काही वेळाने त्‍याच ए.टी.एम. मशिन मधुन त्रयस्‍त व्‍यक्‍तीने रु.11,000/- तक्रारदारांच्‍या खात्‍यातुन काढले. संबंधित प्रकरणात सदर ए.टी.एम. मशिनमध्‍ये तांत्रिक बिघाड असल्‍या बद्दल कोणतेही तज्ञाचे मत तक्रारदारांनी दाखल केलेले नाही. तसेच तक्रारदार यांच्‍यात म्‍हणण्‍या प्रमाणे त्‍यांनी दुस-यांना पैसे काढण्‍याचा प्रयत्‍न केल्‍यावर व्‍यवहार फेल असा शेरा आला. या वरुन ए.टी.एम. संबंधी पैसे काढताना पूर्ण करण्‍याची कार्यवाही त्‍यांचे कडून राहील्‍याचे उघड आहे. या पार्श्‍वभुमिवर त्रयस्‍त  व्‍यक्‍तीने त्‍यांच्‍या खात्‍यातुन जरी पैसे काढले तरी त्‍यात प्रथम दर्शनी बँकेची सेवा सुविधा पुरविण्‍यात कसुर कशी याचे कारण ते देऊ शकत नाही. सबब तक्रारदारांची तक्रार दाखल न करता रद्द करण्‍यात येते. प्रकरण समाप्‍त. प्रकरणात हाच आदेश समजण्‍यात यावा.

   आदेशाची प्रत तक्रारदारांना पाठविण्‍यात यावी.

साधाप/(9.2.2016)