तक्रारदार व त्यांच्या वकीलासह गैरहजर.

तक्रारदार  स्‍वीकृतीपुर्वी युक्‍तीवादासाठी ०८/०५/२०१९ पासून प्रलंबित आहे.

 तक्रारीतील परिच्‍छेद  क्र. ३ चे अवलोकन केले असता तक्रारदाराने स्‍वतः व तीची अज्ञात मुलगी रिक्षीता यांच्‍या साठी सामनेवाला यांच्‍या व्‍यायाम शाळेत प्रत्येकी रक्कम रू ८६००/-  पावती क्र. २३९/२४० नुसार पैसे भरून प्रवेश घेतला. सामनेवाले तर्फे प्रवेशाच्‍या वेळी व्यायाम शाळेतील सर्व साहित्य चांगले व उच्च पतिचे असल्याचे आश्वासन  देण्‍यात आले होते. परंतु व्‍यायाम करण्‍याचे साहित्‍य, उपकरणे चांगल्‍या स्थितीत नसल्याने व  प्रशिक्षित शिक्षित  नसल्‍याने त्‍यामुळे प्रवेशाच्या वेळी जमा केलेली रक्‍कम रु.  १७२५०/- व तक्रारीचा खर्च रू. १०००/- परत मागितले.

सामनेवाले यांच्या व्यायाम शाळेतील उपकरणे चांगल्या स्थितीत आहे किंवा नाही  या बाबतीत तक्रारदाराच्या वर नमुद केलेल्या कथनाशिवाय दुसरा कोणताही पुरावा तक्रारदाराने दाखल केलेला नसल्याने प्रथम दर्शनी दिसून येते. तसेच व्यायाम शाळेत प्रवेश घेण्यापुर्वी तक्रारदाराने व्यायाम शाळेतील साहित्य व उपकरणे सामनेवाला यांना केलेल्या जाहिराती प्रमाणे सुस्थितीत आहेत किंवा नाही, त्यांची पडताळणी करणे गरजेचे होते परंतु त्यांनी तसे केलेले नाही. शिवाय तक्रारदारास प्रत्यक्षात उपकरणे/ साहित्य प्रवेशाच्या वेळी वेगळे दाखवले व प्रत्येक्षात वेगळी उपकरणे/ साहित्य होते अशीही तक्रार नाही.

सबब प्रस्तुतची तक्रार दाखल करुन घेण्यास तक्रारदाराच्या कथना व्यतिरिक्त प्रथम दर्शनी कोणताही पुरावा दाखल नसल्याने तक्रार स्विकृतीपुर्वी रद्द करण्यात आली . प्रकरण समाप्त. तक्रारीचे कागदपत्र अभिलेखकक्षात पाठविण्यात यावेत. सुची क्र. 2 त 3 तक्रारदारास परत करण्यात यावे.