द्वारा – श्रीमती. स्‍नेहा म्‍हात्रे, अध्‍यक्षा    

    मा. अध्‍यक्षा यांचेकडे मध्‍य मुंबई जिल्‍हा ग्राहक तक्रार निवारण आयोगाचा अतिरिक्‍त  कार्यभार सोपविण्‍यात आला असल्‍याने, मा. अध्‍यक्षा मध्‍य मुंबई जिल्‍हा ग्राहक तक्रार निवारण आयोग येथे कार्यरत आहेत.

 (2)   दुपारच्‍या सत्रात दुपारी 3.30 वाजता तक्रारदारातर्फे वकील श्री. दुर्गेश जयस्‍वाल यांचेतर्फे प्रतिनिधी वकील श्रीमती. काजल रजक हजर.  त्‍यांनी प्राधिकारपत्र दाखल केले. तसेच सदर प्रकरणामध्ये तक्रारदार या 83 वर्षांच्‍या ज्‍येष्‍ठ नागरिक असून तक्रारदारांना प्रस्‍तूत तक्रार सामनेवाले विरुध्‍द चालवायची नसल्‍याचे नमूद करुन त्‍याकामी तक्रार मागे घेण्‍याचा अर्ज देण्‍यासाठी प्रस्‍तूत तक्रार आजच्‍या वादसूचीवर घेण्‍याची विनंती केली. त्‍याकामी दिलेल्‍या विनंती अर्जानुसार प्रकरण आजच्‍या वादसूचीवर घेण्‍यात येते. तक्रारीमधील कागदपत्रे तपासली असता प्रस्‍तूत प्रकरण अदयाप सामनेवाले 1 यांच्‍या नोटीस बजावणीबाबत स्‍टेप्‍स घेण्‍यासाठी असून सामनेवाले 2 यांना पाठविलेल्‍या नोटीसची पोहोचपावती उपलब्‍ध झाली आहे.  तक्रारदाराचे वय विचारात घेऊन व प्रस्‍तूत तक्रार अदयाप प्राथमिक टप्‍प्‍यावर असल्‍याने व तक्रारदार प्रस्‍तूत तक्रार सामनेवाले विरुध्‍द विनाशर्त मागे घेत असल्‍याने तक्रारदारांनी त्‍याकामी दिलेला अर्ज अभिलेखावर घेऊन मंजूर करण्‍यात येतो व प्रस्‍तूत तक्रार सामनेवाले 1 व 2 यांचेविरुध्‍द मागे घेण्‍यास तक्रारदारास परवानगी देण्‍यात येते. खर्चाबाबत आदेश नाहीत.