द्वारा – श्रीमती. स्‍नेहा एस. म्‍हात्रे, अध्‍यक्षा

         तक्रारदार पुकारले असता गैरहजर. सामनेवाला 6 व 7 तर्फे Y & A Legal यांचेतर्फे वकील श्रीमती. नेव्‍हीला माजरा यांचेतर्फे प्रतिनिधी  वकील श्रीमती. पंक्‍ती देढीया  हजर. त्‍यांनी प्राधिकारपत्र दाखल केले. तसेच प्रस्‍तूत प्रकरणामध्‍ये तक्रारदारांनी प्रस्‍तूत तक्रार मागे घेण्‍याकामी त्‍यांची लेखी ना हरकत नोंदवून योग्‍य ते आदेश पारीत करावेत असे नमूद केले. सदर प्रकरणामधील इतर सामनेवाला यांना पाठविलेल्‍या नोटीसा लेफ्ट या     शे-यासह परत आल्‍या असून त्‍यापैकी अशोक उपाध्‍याय तसेच Trillion Capital Ltd. यांना पाठविलेल्‍या नोटीसा Intimation Given  या शे-याने परत आल्‍या आहेत. तक्रारदारांनी दि. 13/09/2021 रोजी एनएसई यांचेकडून रक्‍कम रु. 23,14,041.25 तक्रारदारांना प्राप्‍त झाली असल्‍याबाबत नमूद करुन नॅशनल स्‍टॉक एक्‍सचेंज यांचेकडून त्‍याबाबत त्‍यांना प्राप्‍त झालेल्‍या ईमेलची प्रत सदर अर्जासह जोडली आहे व त्‍यामुळे तक्रारदारांना सामनेवाला यांचेविरुध्‍द प्रस्‍तूत तक्रार पुढे चालवायची नाही असे नमूद केलेला  तक्रारदाराच्‍या वकीलांच्‍या स्‍वाक्षरीचा अर्ज त्‍यांनी दि. 25/10/2021 रोजी दाखल केला आहे. तसेच सदर अर्जासह तक्रारदार सुंदीप देसाई यांचा ईमेल तसेच सदर रक्‍कम तक्रारदाराच्‍या खात्‍यात जमा झाल्‍याबाबतचा Standard Chartered Bank NEFT Credit Advice ची प्रत जोडली आहे. सबब प्रस्‍तूत तक्रार मागे घेण्‍यास तक्रारदारांना न्‍यायहिताच्‍या दृष्‍टीने परवानगी देण्‍यात येते. प्रस्‍तूत तक्रार सर्व सामनेवाला यांचेविरुध्‍द मागे घेतली असल्‍याने प्रकरण निकाली. खर्चाबाबत आदेश नाही.