तक्रारदार गैरहजर. सामनेवाले इंडिया लॉ कडून वकील श्रीमती आयुशी शाह हजर. वकील श्रीमती आयुशी शाह यांचा युक्‍तीवाद ऐकून घेतला. तक्रारदार हे ता.29.09.2017 पासुन गैरहजर आहे. सामनेवाले यांनी त्‍यांचा लेखी जबाब, लेखी पुरावा,तसेच लेखी युक्‍तीवाद प्रकरणात दाखल केलेला आहे. परंतु तक्रारदार यांनी त्‍यांचे पुरावा शपथपत्र व लेखी युक्‍तीवाद दाखल केलेला नाही.  तक्रारदार यांना वेळोवेळी पुरेपुर संधी देऊन देखील त्‍यांनी आपले पुरावा शपथपत्र दाखल केले नाही, व मंचासमोर हजर देखील झालेले नाहीत. सामनेवाले क्र.1 व 2 यांचे वकील यांनी असा योग्‍य युक्‍तीवाद केला की, तक्रारीतील मजकूरास पुरावा शपथपत्र न दिल्‍यामुळे तक्रारीतील मजकूर ग्राहय धरु नये, व तक्रारदाराची कोणतीही मागणी मान्‍य करण्‍यात येऊ नये. वरील परिस्थितीनुसार तक्रार खारीज करण्‍यात येते.