आ दे श

द्वारा – मा. सौ सविता प्र. भोसले, अध्‍यक्षा

       आजरोजी पुकारता फिर्यादी व तर्फे वकील गैरहजर. प्रस्‍तुतकामी दि.18/4/18 रोजी फिर्यादीतर्फे त्‍यांचे वकीलांनी पुरसीस दाखल केली असून सदर पुरसीसनुसार फिर्यादी व आरोपी यांचेदरम्‍यान आपसांत तडजोड होवून आरोपी यांनी अपार्टमेंट इमारतीचे घोषणापत्र (डीड ऑफ डिक्‍लेरेशन) नोंद केलेले असून डीड ऑफ अपार्टमेंट लिहून दिलेले आहे.  सबब, प्रस्‍तुत प्रकरण निकाली काढणेत यावे अशी विनंती फिर्यादीने केली आहे.  परंतु सदर दिवशी फिर्यादी हे मे.मंचासमोर उपस्थित नसल्‍याने सदर पुरसीसचे पडताळणीसाठी प्रस्‍तुतचे प्रकरण पुढील तारखेस नेमण्‍यात आले.  परंतु तदनंतर नेमलेल्‍या दि.15/5/18 व 29/5/18 या तारखांना तसेच आज रोजीही फिर्यादी हे मे.मंचासमोर हजर राहिलेले नाही तसेच त्‍यांचे वकीलही हजर राहिले नाहीत.  सबब, फिर्यादी गैरहजर असलेने वर नमूद तडजोड पुरशीसच्‍या अनुषंगाने प्रस्‍तुतची फिर्याद निकाली काढण्‍यात येते.  ती दफ्तर दाखल करावी.