द्वारा – श्रीमती. स्‍नेहा म्‍हात्रे, अध्‍यक्षा

     तक्रारदारातर्फे वकील श्री. अभयकुमार जाधव हजर. सामनेवाला 1 तर्फे वकील श्री. सचिन राजे हजर. सदर प्रकरणामध्‍ये तक्रारदारांना सामनेवाला 1 यांचेकडून प्रस्‍तूत प्रकरणात नमूद विमा दाव्‍याची रक्‍कम मिळाली असल्‍याचे नमूद करुन तक्रारदाराच्‍या वकीलांनी सदर प्रकरणामध्‍ये आजरोजी तक्रारदाराची स्‍वाक्षरी तसेच तक्रारदाराचे आधार कार्डची छायांकित प्रत जोडलेला तक्रार मागे घेण्‍याचा अर्ज दाखल केला. त्‍याखाली तक्रारदाराच्‍या वकीलांची स्‍वाक्षरी दिसून येते. सदर अर्जावर सामनेवाला 1 यांच्‍या वकीलांनी सदर अर्जाची प्रत मिळाल्‍याबाबत नमूद करुन आयोगाने योग्‍य ते आदेश पारीत करावे असे लिहून स्‍वाक्षरी केली. सामनेवाला 2 यांच्‍याविरुध्‍द पुढील स्‍टेप्‍स घेण्‍यासाठी प्रकरण नेमण्‍यात आले होते. परंतु वर नमूद केल्‍याप्रमाणे तक्रारदारांना विमा दाव्‍याची रक्‍कम प्राप्‍त झाली असल्‍याने दोन्‍ही सामनेवाला यांचेविरुध्‍द प्रकरण मागे घेत असल्‍याचे तक्रारदाराच्‍या वकीलांनी निवेदन केले. वर नमूद कारणास्‍तव तक्रारदारांना प्रस्‍तूत प्रकरण मागे घेण्‍यास परवानगी देण्‍यात येते. खर्चाबा‍बत आदेश नाहीत. प्रकरण निकाली.