द्वारा – श्रीमती. स्‍नेहा म्‍हात्रे, अध्‍यक्षा

      एमए/21/126 तक्रार क्रमांक सीसी/21/261 यामध्‍ये दि. 23/08/2021 रोजी रोजनाम्‍यामध्‍ये नोंदविण्‍यात आलेल्‍या तक्रारदाराच्‍या वकीलांचा विलंब माफीच्‍या अर्जावर युक्तिवाद ऐकण्‍यात आला असे अनवधानाने नमूद झाल्‍याचे दिसून येते. परंतु आजरोजी तक्रारदाराच्‍या वकीलांनी सदर प्रकरण आजच्‍या वादसूचीवर घेण्‍याबाबत अर्ज देऊन प्रस्‍तूत तक्रारीमधील वादाचे कारण अदयाप कायम असून सदर तक्रारीमध्‍ये त्‍यांनी विलंब माफीचा अर्ज दाखल केलेला नाही. परंतु किरकोळ अर्ज क्रमांक एमए/21/126 विलंब माफीच्‍या अर्जाबाबत प्रस्‍तूत प्रकरणात अनवधानाने नमूद करण्‍यात आल्‍याचे दिसून येत असल्‍याने सदर क्रमांक रद्द करण्‍यात यावा असा अर्ज तक्रारदाराच्‍या वकीलांनी देण्‍याकामी प्रकरण आजच्‍या वादसूचीवर घेण्‍याकामी अर्ज दिला. वर नमूद कारणास्‍तव प्रकरण आजच्‍या वादसूचीवर घेण्‍यात येते. तसेच तक्रारीमधील कारण कायम असल्‍याने विलंब माफीच्‍या अर्जाबाबत अनवधानाने सदर प्रकरणामध्‍ये देण्‍यात आलेला किरकोळ अर्ज क्रमांक एमए/21/126 रद्द करण्‍यात येतो. त्‍याबाबत कन्‍फोनेट प्रणालीमध्‍ये सदर क्रमांक रद्द करण्‍याबाबत आवश्‍यक ती कार्यवाही करावी. दि. 23/08/2021 रोजीचा रोजनामा तक्रारदारातर्फे वकील श्री. अभयकुमार जाधव हजर. तक्रार दाखल करणेकामी त्‍यांनी युक्तिवाद केला. सामनेवाला 1 पुणे येथील असल्‍यामुळे ते आयोगाच्या भौगोलिक कार्यक्षेत्राबाहेरील असल्‍याने तक्रारदारांनी ग्राहक संरक्षण कायदा 2019 च्‍या कलम 34 (2) (ब) अन्‍वये दिलेला अर्ज मंजूर करण्‍यात येतो. तक्रार दाखल करुन घेण्‍यात येते. सामनेवाला 1 व 2 यांना कैफियत दाखल करण्‍याकामी नोटीस पाठविण्‍यात यावी असा रोजनामा वाचण्‍यात यावा. सामनेवाला 1 व 2 यांच्‍या कैफियतीसाठी पूर्ववत पु.ने.ता. 01/10/2021.