तक्रारदाराचे विलंब माफीचे अर्जावर आदेश

(द्वारा श्री.एम.जी.रहाटगावकर,मा.अध्‍यक्ष)  

        विरुध्‍द पक्षाकडून घेतलेल्‍या विमा पॉलिसीअन्‍वये दावा रक्‍कम विरुध्‍द पक्षाने न दिल्‍याबाबत तक्रारदाराने सदर प्रकरण सादर केलेले आहे. तक्रार दाखल करण्‍यासाठी 3230 दिवसांचा विलंब झाला असल्‍याने तो मंचाने माफ करावा व प्रकरण दाखल करुन घ्‍यावे असे प्रतिज्ञापत्र दाखल केलेल्‍या सदर अर्जात तक्रारदाराने केलेले आहे. 

        मंचाचे असे निदर्शनास येते की, विरुध्‍द पक्षाकडून वाहनाचा विमा काढण्‍यात आलेला होता. दि.2/3/2003 रोजी वागळे इस्‍टेट पोलिस ठाण्‍यात दाखल केलेल्‍या प्रथम खबरीनुसार तक्रारदाराने वाहन क्र.एम.एच.04-ए.एल.27 चोरी गेल्‍याबदद्ल फिर्याद नोंदविण्‍यात आली व विरुध्‍द पक्षाकडे दि.20/3/2003रोजी विमा नुकसानीसाठी दावा दाखल करण्‍यात आला. या दाव्‍यासंदर्भात विरुध्‍दपक्षाने दि.13/09/2004रोजी तक्रारदाराचा दावा नामंजूर केला. 2004साली दावा नामंजूर केल्‍यानंतर जवळपास दोन वर्षांनंतरतक्रारदाराने विरुध्‍द पक्षाला 2006 साली नोटीस पाठविली व 2006 सालाचे नोटीसनंतर पाच वर्षांचे दीर्घ कालावधीनंतर 2011 साली सदर प्रकरण दाखल केले.प्रकरण दाखल करण्‍यासाठी 3230 दिवस विलंब झाल्‍याचे तक्रारदाराने आपले अर्जात नमूद केले आहे. अर्जदाराला मधुमेह, रक्‍तदाब व हृदयविकार यासारखे आजार असल्‍याने तसेच आर्थिक परिस्थिती खराब झाल्‍याने तो तक्रार दाखल करु शकला नाही असे त्‍याने आपले अर्जात नमूद केले आहे. 

                                                                                                             सदस्‍या                        अध्‍यक्ष