जिल्‍हा ग्राहक तक्रार निवारण मंच, सोलापूर. तक्रार निर्णय दि.28/06/2011. ग्राहक तक्रार क्रमांक : 36/2011. तक्रार दाखल दि.03/02/2011. श्री. भाऊ शिवाजी जाधव, वय 38 वर्षे, व्‍यवसाय : शेती, मु.पो. मळोली, ता. माळशिरस, जि. सोलापूर. तक्रारदार ग्राहक तक्रार क्रमांक : 37/2011. तक्रार दाखल दि.03/02/2011. श्री. दत्‍तात्रय भानुदास वाघमोडे, वय 38 वर्षे, व्‍यवसाय : शेती, मु.पो. शेंडगेवाडी (सातपुतेवाडी), ता. पंढरपूर. जि. सोलापूर. तक्रारदार ग्राहक तक्रार क्रमांक : 38/2011. तक्रार दाखल दि.07/02/2011. श्री. बंडू दादा करे, वय 30 वर्षे, व्‍यवसाय : शेती, मु.पो. नंदेश्‍वर, ता. मंगळवेढा. जि. सोलापूर. तक्रारदार ग्राहक तक्रार क्रमांक : 39/2011. तक्रार दाखल दि.07/02/2011. श्री. समाधान भीमराव बंडगर, वय 30 वर्षे, व्‍यवसाय : शेती, मु.पो. खुपसंगी, ता. मंगळवेढा. जि. सोलापूर. तक्रारदार ग्राहक तक्रार क्रमांक : 66/2011. तक्रार दाखल दि.23/02/2011. 1. श्री. आबासाहेब अंबादास पाटील, वय सज्ञान, व्‍यवसाय : शेती, रा. मु.पो. जांबूड, ता. माळशिरस, जि. सोलापूर. 2. शिवामृत दुध उत्‍पादक सह. संघ मर्या., अकलूज, ता. माळशिरस, जि. सोलापूर तर्फे श्री. पंकज जनार्धन साळुंखे, वय सज्ञान, व्‍यवसाय : नोकरी, रा. सदर. तक्रारदार विरुध्‍द 1. दी ओरिएन्‍टल इन्‍शुरन्‍स कंपनी लि., विभागीय कार्यालय क्र.1, ए.डी. कॉम्‍प्‍लेक्‍स, माऊंट रोड, सदर, नागपूर - 01. (समन्‍स/नोटीस डिव्‍हीजनल मॅनेजर यांचेवर बजावण्‍यात यावी.) 2. दी ओरिएन्‍टल इन्‍शुरन्‍स कंपनी लि., रा. 442, पश्चिम मंगळवार पेठ, टेलिफोन भवन समोर, चाटी गल्‍ली, सोलापूर. (समन्‍स/नोटीस डिव्‍हीजनल मॅनेजर यांचेवर बजावण्‍यात यावी.) विरुध्‍द पक्ष गणपुर्ती :- सौ. संगिता एस. धायगुडे, अध्‍यक्ष सौ. प्रतिभा प्र. जहागिरदार, सदस्‍य तक्रारदार यांचेतर्फे विधिज्ञ : श्री. पी.पी. कुलकर्णी विरुध्‍द पक्ष यांचेतर्फे विधिज्ञ : सौ. व्‍ही.डी. देशमुख आदेश सौ. संगिता एस. धायगुडे, अध्‍यक्ष यांचे द्वारा :- 1. प्रस्‍तुत सर्व तक्रारीतील तक्रारदार, विरुध्‍द पक्ष, तक्रारींचा विषय व उपस्थित झालेले सर्व प्रश्‍न इ. मध्‍ये साम्‍य असल्‍यामुळे एकत्रितरित्‍या निर्णय देण्‍यात येत आहे.
2. तक्रारदार यांची थोडक्‍यात अशी तक्रार आहे की, पशुधन विमा योजनेंतर्गत त्‍यांच्‍या म्‍हैस/गाईंचा विरुध्‍द पक्ष (संक्षीप्‍त रुपामध्‍ये 'विमा कंपनी') यांच्‍याकडे विमा उतरविलेला असून त्‍याचा तपशील खालीलप्रमाणे आहे. ग्राहक तक्रार क्रमांक | विमा पॉलिसी क्रमांक | विमा रक्‍कम (रुपयामध्‍ये) | म्‍हैस/गाईचा मृत्‍यू दिनांक | 36/2011 | एस.ओ.एल.पी.100414 | 20,000 | 13/5/2008 | 37/2011 | एस.ओ.एल.पी.102607 | 25,000 | 19/3/2009 | 38/2011 | एस.ओ.एल.पी.109762 | 20,000 | 7/5/2008 | 39/2011 | एस.ओ.एल.पी.108149 | 28,000 | 7/6/2008 | 66/2011 | एस.ओ.एल.पी.113469 | 28,000 | 26/5/2008 |
3. तक्रारदार यांची गाय/म्‍हैस आजारी पडली आणि उपचार करुनही तिचा उपरोक्‍त नमूद तारखेस मृत्‍यू झाला. म्‍हैस/गाईच्‍या मृत्‍यूनंतर तक्रारदार यांनी विमा कंपनीकडे दावा प्रपत्र व पोस्‍टमार्टेम रिपोर्टसह आवश्‍यक कागदपत्रांची पुर्तता केलेली आहे. तक्रारदार यांनी वारंवार पाठपुरावा करुनही त्‍यांना विमा रक्‍कम दिलेली नाही आणि त्‍यांचा क्‍लेम प्रलंबीत ठेवून अप्रत्‍यक्षरित्‍या नाकारला आहे. त्‍यामुळे तक्रारदार यांनी प्रस्‍तुत तक्रारींद्वारे विरुध्‍द पक्ष यांच्‍याकडून विमा रक्‍कम व्‍याजासह मिळावी आणि मानसिक त्रासापोटी रु.10,000/- व तक्रार खर्चापोटी प्रत्‍येकी रु.5,000/- मिळावेत, अशी विनंती केलेली आहे. 4. विरुध्‍द पक्ष विमा कंपनीने रेकॉर्डवर म्‍हणणे दाखल केले असून तक्रार अमान्‍य केली आहे. त्‍यांच्‍या म्‍हणण्‍यानुसार विमापत्रातील अटी व शर्ती स्‍वंयस्‍पष्‍ट असून त्‍या दोन्‍ही पक्षांवर बंधनकारक आहेत. कराराच्‍या अटी व शर्तीनुसार कोणताही वाद लवादाकडे सोपविला पाहिजे आणि त्‍याची कार्यकक्षा अकोला येथील दिवाणी न्‍यायालयास असल्‍यामुळे तक्रार मंचासमोर चालू शकत नाही, असे त्‍यांनी नमूद केले आहे. तसेच महाराष्‍ट्र पशुधन विकास महामंडळ व जायका इन्‍शुरन्‍स ब्रोकरेज कंपनी यांना पक्षकार म्‍हणून समाविष्‍ट न केल्‍याने तक्रार चालू शकत नाही. तक्रारदार यांनी विमापत्रातील अटी व शर्तींचे पालन न केल्‍यामुळे अटींचा भंग झाला आहे. तक्रारदार यांनी मागणीप्रमाणे कागदपत्रांची पुर्तता केलेली नाही. तक्रारदार यांचा क्‍लेम नाकारण्‍यात आला आहे. ते नुकसान भरपाई देण्‍यास जबाबदार नाहीत. शेवटी त्‍यांनी तक्रारी-अर्ज खर्चासह रद्द करण्‍याची विनंती केली आहे. 5. तक्रारदार यांची तक्रार, विरुध्‍द पक्ष यांचे म्‍हणणे व दाखल कागदपत्रांचे अवलोकन करता, तसेच युक्तिवाद ऐकल्‍यानंतर निष्‍कर्षासाठी खालील मुद्दे उपस्थित होतात. मुद्दे उत्‍तर 1. तक्रार चालविण्‍यास मंचाला अधिकारक्षेत्र प्राप्‍त होते काय ? होय. 2. विरुध्‍द पक्ष यांनी तक्रारदार यांना त्रुटीयुक्‍त सेवा दिली आहे काय ? होय. 3. तक्रारदार विमा रक्‍कम मिळविण्‍यास पात्र आहेत काय ? होय. 4. काय आदेश ? शेवटी दिल्‍याप्रमाणे. निष्‍कर्ष 6. मुद्दा क्र. 1:- विमा कंपनीने तक्रारदार यांच्‍या गाईस विमा संरक्षण दिल्‍याविषयी विवाद नाही. विमा कालावधीमध्‍ये तक्रारदार यांची गाय मृत्‍यू पावल्‍याविषयी विवाद नाही. प्रामुख्‍याने, विमा कंपनीने कोणतेही कारण नसताना त्‍यांचा क्‍लेम प्रलंबीत ठेवल्‍यामुळे व नाकाल्‍यामुळे तक्रारदार यांनी प्रस्‍तुत तक्रारी मंचासमोर दाखल केलेल्‍या आहेत. 7. तत्‍पूर्वी, विमा कंपनीने सर्वप्रथम पॉलिसी अग्रीमेंटमधील क्‍लॉजचा आधार घेत अधिकारक्षेत्र केवळ अकोला कोर्टास असतील, असे नमूद केले आहे. ग्राहक संरक्षण कायदा, 1986 अंतर्गत 'विमा' हा 'सेवा' या तरतुदीमध्‍ये अंतर्भुत आहे. तक्रारदार यांच्‍या गाईस विमा कंपनीने विमा संरक्षण दिलेले असल्‍यामुळे निश्चितच त्‍यांची तक्रार या मंचाच्‍या कार्यकक्षेत येते. तसेच मा.राष्‍ट्रीय आयोगाने 'मॅग्‍मा फिनकॉप लि. /विरुध्‍द/ पंडीत ईश्‍वर देव ठाकूर', 2010 सी.टी.जे. 913 (सीपी) (एनसीडीआरसी) या निवाडयामध्‍ये असे न्‍यायिक तत्‍व प्रस्‍थापित केले आहे की, Para. 3 : As regards submissions referable to arbitration, it may be stated that the provisions of Section 3 of the Consumer Protection Act, 1986 is in addition and not in derogation of the proceedings of any other law for the time being in force. Thus, even if the Hire Purchase agreement contained arbitration clause, the complaint by the respondent under the Act was legally maintainable under the Act. 8. वरील न्‍यायिक तत्‍वानुसार लवादाच्‍या क्‍लॉजमुळे जिल्‍हा मंचाचे कार्यक्षेत्रास बाधा पोहोचत नाही, हे स्‍पष्‍ट होते. त्‍यामुळे विमा कंपनीने उपस्थित केलेला सदर मुद्दा निरर्थक व तथ्‍यहीन ठरतो आणि या मंचाला तक्रारदार यांची तक्रार चालविण्‍यास अधिकारक्षेत्र प्राप्‍त होते, या मतास आम्‍ही आलो आहोत. त्‍यानंतर विमा कंपनीने महाराष्‍ट्र पशुधन विकास महामंडळ व जायका इन्‍शुरन्‍स ब्रोकरेज कंपनी यांना पक्षकार म्‍हणून समाविष्‍ट न केल्‍याने तक्रार चालू शकत नाही, असा मुद्दा उपस्थित केला आहे. प्रामुख्‍याने, विमा कंपनीने तक्रारदार यांच्‍या गाईस विमा संरक्षण दिलेले असल्‍यामुळे व तक्रारदार हे विमा लाभार्थी असल्‍यामुळे महाराष्‍ट्र पशुधन विकास महामंडळास पक्षकार अत्‍यावश्‍यक का ठरते ? हे स्‍पष्‍ट करण्‍यात आलेले नाही. महाराष्‍ट्र पशुधन विकास महामंडळ व जायका इन्‍शुरन्‍स ब्रोकरेज कंपनी यांच्‍या उपस्थितीशिवाय तक्रारीत उदभवलेले विविध प्रश्‍न निर्णयीत करण्‍यास कोणतीही बाधा पोहोचत नाही. त्‍यामुळे विमा कंपनीचा सदर मुद्दा निरर्थक व तथ्‍यहीन आहे. सबब, आम्‍ही मुद्दा क्र.1 चे उत्‍तर होकारार्थी दिले आहे. 9. मुद्दा क्र. 2 ते 4 :- तक्रारदार यांनी रेकॉर्डवर विमा प्रमाणपत्र, विमा दावा प्रपत्र, पोस्‍टमार्टेम रिपोर्ट, कॅटल व्‍हॅल्‍युऐशन रिपोर्ट, कॅटल डेथ सर्टिफिकेट, वेटर्नरी सर्टिफिकेट, ट्रीटमेंट सर्टिफिकेट व इतर पुरक कागदपत्रे दाखल केलेली आहे. सदर कागदपत्रांचे सुक्ष्‍मपणे अवलोकन करता, विमा संरक्षीत गाय/म्‍हैस मृत्‍यू पावल्‍याचे स्‍पष्‍टपणे निदर्शनास येते. आमच्‍या मते, रेकॉर्डवर दाखल कागदपत्रे तक्रारदार यांची विमा संरक्षीत गाय/म्‍हैस मृत्‍यू पावल्‍याचे सिध्‍द करण्‍यास पुरेशी आहेत. वरील सर्व विवेचनावरुन विमा कंपनीने तक्रारदार यांचा विमा क्‍लेम अयोग्‍य व अनुचित कारणास्‍तव प्रलंबीत ठेवून व नाकारुन सेवेत त्रुटी केली आहे. त्‍यामुळे तक्रारदार हे गाईच्‍या विम्‍याची रक्‍कम क्‍लेम नाकारल्‍याच्‍या तारखेपासून / तक्रार दाखल तारखेपासून द.सा.द.शे. 9 टक्‍के व्‍यास दरासह मिळविण्‍यास पात्र ठरतात. 10. शेवटी आम्‍ही खालील आदेश देत आहोत. आदेश 1. विरुध्‍द पक्ष क्र.1 व 2 विमा कंपनीने तक्रारदार यांना विमा रक्‍कम खालील नमूद तारखेपासून द.सा.द.शे. 9 टक्‍के व्‍याज दराने या आदेशाच्‍या प्राप्‍तीपासून तीस दिवसाचे आत द्यावी. ग्राहक तक्रार क्रमांक | विमा पॉलिसी क्रमांक | विमा रक्‍कम (रुपयामध्‍ये) | व्‍याज द्यावयाचा दिनांक | 36/2011 | एस.ओ.एल.पी.100414 | 20,000 | 28/3/2009 | 37/2011 | एस.ओ.एल.पी.102607 | 25,000 | 1/2/2010 | 38/2011 | एस.ओ.एल.पी.109762 | 20,000 | 21/1/2009 | 39/2011 | एस.ओ.एल.पी.108149 | 28,000 | 11/2/2010 | 66/2011 | एस.ओ.एल.पी.113469 | 28,000 | 23/2/2011 |
2. विरुध्‍द पक्ष क्र. 1 व 2 विमा कंपनीने तक्रारदार यांना तक्रार खर्चापोटी प्रत्‍येकी रु.1,000/- या आदेशाच्‍या प्राप्‍तीपासून तीस दिवसाचे आत द्यावेत. 3. विरुध्‍द पक्ष क्र.1 व 2 विमा कंपनीने उपरोक्‍त आदेशाची अंमलबजावणी नमूद मुदतीत न केल्‍यास मुदतीनंतर एकूण देय रक्‍कम द.सा.द.शे. 12 टक्‍के व्‍याज दराने अदा करावी. (सौ. प्रतिभा प्र. जहागिरदार) (सौ. संगिता एस. धायगुडे÷) सदस्‍य अध्‍यक्ष जिल्‍हा ग्राहक तक्रार निवारण मंच, सोलापूर. ----00---- (संविक/स्‍व/15611)
| | [HONABLE MRS. Pratibha P. Jahagirdar] MEMBER[HONABLE MRS. Sangeeta S. Dhaygude] PRESIDENT | | 
