नि.२०
जिल्‍हा ग्राहक तक्रार निवारण मंच, सांगली यांचेसमोर
मा.अध्‍यक्ष –अनिल य.गोडसे
मा.सदस्‍या -श्रीमती सुरेखा बिचकर
ग्राहक तक्रार अर्ज क्र. १८७३/२००९
---------------------------------------
तक्रार अर्ज नोंद तारीख – १/६/२००९
तक्रार दाखल तारीखः – १५/०६/२००९
निकाल तारीखः - २७/०९/२०११
----------------------------------------
श्री मुकुंद ईश्‍वर पवार
वय वर्षे – ३०, धंदा – शेती,
रा.झुरेवाडी, ता.कवठेमहांकाळ, जि.सांगली ...... तक्रारदार
विरुध्‍द
१. शाखाधिकारी
दि ओरिएंटल इन्‍श्‍युरन्‍स कंपनी लि.
नागपूर क्षेत्रीय कार्यालय क्र.१, ए.डी.कॉम्‍प्‍लेक्‍स,
१ ला मजला, माऊंट रोड, सदर, नागपूर-४४०००१
२. एजन्‍सी जैका इन्‍शुरन्‍स ब्रोकरेज प्रा.लि.
जैका बिल्‍डींग, सिव्‍हील लाईन्‍स,
नागपूर – ०१
३. रजि.ऑफिस, ओरिएन्‍टल हाऊस,
ए-२५/२७, आसफ अली रोड,
नवी दिल्‍ली – ११०००२ ...... जाबदार
तक्रारदार तर्फे : +ìb÷. श्री के.के.कोळी
जाबदार क्र. १ व ३ तर्फे : +ìb÷. सौ एम.एम.दुबे
जाबदार क्र. २ : एकतर्फा
नि का ल प त्र
द्वारा- मा. अध्‍यक्ष, श्री.अनिल य.गोडसे
१. तक्रारदाराने सदरचा तक्रार अर्ज आपल्‍या पशु विमा दाव्‍याबाबत दाखल केला आहे.
२. सदर तक्रार अर्जाचा थोडक्‍यात तपशील पुढीलप्रमाणे –
तक्रारदार हा शेतकरी असून तो शेतीस पूरक म्‍हणून दुग्‍धव्‍यवसाय करतो व त्‍यासाठी त्‍याने गायी व म्‍हैशी सांभाळल्‍या आहेत. तक्रारदाराने त्‍याच्‍या गायीचा विमा जाबदार यांचेकडे उतरवला आहे. तक्रारदार यांना जाबदार यांच्‍याकडून विमा पॉलिसी ही देण्‍यात आली आहे. तक्रारदार यांची विमा उतरवलेली गाय आजारी पडून दि.९/१२/२००८ रोजी मयत झाली. तक्रारदार याचे गायीचे शासनाचे डॉक्‍टरांनी शवविच्‍छेदन केले. सर्व कागदपत्रांची पूर्तता करुन जाबदार यांच्‍याकडे विमा प्रस्‍ताव दाखल केला. परंतु जाबदार यांनी तक्रारदारांना विम्‍याची रक्‍कम दिली नाही अथवा जाबदार यांनी त्‍याबाबत काहीही कळविलेले नाही. त्‍यामुळे तक्रारदार यांनी सदरचा तक्रार अर्ज विमा दाव्‍याची रक्‍कम मिळणेसाठी तसेच इतर अन्‍य मागण्‍यासाठी या मंचात दाखल केला आहे. तक्रारदार यांनी तक्रार अर्जासोबत नि.३ ला शपथपत्र व नि.५ च्‍या यादीने ११ कागदपञे दाखल केली आहेत.
३. जाबदार क्र.१ व ३ यांनी या कामी हजर होवून नि.१० वर आपले म्‍हणणे दाखल केले आहे. जाबदार यांनी आपल्‍या म्‍हणण्‍यामध्‍ये तक्रारदाराचा बहुतांश मजकूर नाकारला आहे. जाबदार यांनी आपल्‍या म्‍हणण्‍यामध्‍ये विमा पॉलिसीबाबतचा मजकूर मान्‍य केला आहे. तक्रारदार व जाबदार यांचेतील विमा पॉलिसीनुसार गाय मयत झालेनंतर गायीच्‍या कानातील बिल्‍ला हा कानाच्‍या तुकडयासह जाबदार कंपनीकडे क्‍लेमफॉर्मसोबत दाखल करणे आवश्‍यक आहे. तक्रारदार यांनी कराराप्रमाणे कानाचा तुकडा पाठविला नाही. तक्रारदार यांनी केवळ बिल्‍ला सादर केला आहे. त्‍यामुळे पॉलिसीतील अटी व शर्तीचा भंग केला आहे. विमाधारकाची कव्‍हरनोटवरील स्‍वाक्षरी व क्‍लेमफॉर्मवरील स्‍वाक्षरी यामध्‍ये फरक असलेने अर्जदार यांना विमारक्‍कम देण्‍याचे नाकारले आहे असे आपल्‍या म्‍हणण्‍यामध्‍ये नमूद केले आहे. त्‍यामुळे जाबदार यांनी तक्रारदार यांचा विमादावा नाकारला आहे. जाबदार यांनी तक्रारदार यांना कोणतीही सदोष सेवा दिलेली नाही. तक्रारदार कोणतीही नुकसान भरपाई मिळण्‍यास पाञ नाही सबब तक्रारदार यांचा तक्रार अर्ज फेटाळण्‍यात यावा असे जाबदार यांनी त्‍यांचे म्‍हणण्‍यामध्‍ये नमूद केले आहे. जाबदार यांनी नि.११ ला शपथपत्र व नि.१२ च्‍या यादीने एक कागद दाखल केले आहेत. तसेच जाबदार यांनी नि.१७ च्‍या यादीने एक कागद दाखल केला आहे.
४. जाबदार क्र.२ यांना या मंचाचे नोटीसची बजावणी होवूनही ते याकामी उपस्थित राहिले नाहीत. त्‍यामुळे त्‍यांचेविरुध्‍द एकतर्फा आदेश नि.१ वर करण्‍यात आला. तक्रारदार यांनी नि.१८ वर प्रतिउत्‍तर दाखल केले. त्‍यामध्‍ये त्‍यांनी जाबदार यांचे म्‍हणण्‍यातील मजकूर नाकारला आहे. तक्रारदार यांनी नि.१९ ला लेखी युक्तिवाद दाखल केला आहे.
५. तक्रारदार यांचा तक्रार अर्ज, जाबदार यांनी दिलेले म्‍हणणे, दाखल कागदपञे, तक्रारदार यांचे प्रतिउत्‍तर, दाखल लेखी युक्‍तीवाद यांचे अवलोकन केले. तक्रारदार याने याकामी नि.५/१ वर विमा पॉलिसीची प्रत दाखल केली आहे. सदर पॉलिसीवरुन तक्रारदार यांनी त्‍यांचे गायीचा दि.२६/२/२००८ रोजी रक्‍कम रु.२५,०००/- चा विमा उतरविला आहे. त्‍यामध्‍ये विमा पॉलीसीचा कालावधी नमूद नाही. तक्रारदार यांनी गाय दि.९/१२/२००८ रोजी मयत झाली आहे. तसेच जाबदार यांनीही आपल्‍या म्‍हणण्‍यामध्‍ये विमा पॉलिसीबाबतचा मजकूर मान्‍य केला आहे. पॉलिसी उतरविलेपासून एक वर्षाचे आत तक्रारदार यांचे गायीचा मृत्‍यू झालेला आहे. म्‍हणजेच तक्रारदार यांचे गायीचा विमा कालावधीत मृत्‍यू झाला आहे ही बाब स्‍पष्‍ट होते. प्रस्‍तुत प्रकरणी विमा नाकारलेचे पत्र दाखल नाही. तसेच जाबदार यांनी आपल्‍या म्‍हणण्‍यामध्‍ये विमा नाकारलेबाबत कोणताही उल्‍लेख केलेला नाही. केवळ कानाचा बिल्‍ला कानाच्‍या तुकडयासह पाठविला नाही व कव्‍हर नोटवरील स्‍वाक्षरी व क्‍लेमफॉर्मवरील स्‍वाक्षरी यामध्‍ये तफावत आहे असे नमूद करुन विमा रक्‍कम देणेचे नाकारले आहे. परंतु सदर विमादावा किती तारखेला नाकारला, याबाबत कोणताही उल्‍लेख म्‍हणण्‍यामध्‍ये नमूद केला नाही. तसेच विमा दावा नाकारलेचे पत्रही दाखल केलेले नाही. जाबदार यांनी विमा दावा नाकारल्‍याचे पत्र याकामी त्‍यांना संधी असूनही दाखल केले नाही. त्‍यामुळे जाबदार यांनी विमा कोणत्‍या कारणास्‍तव नाकारला ही कारणे स्‍पष्‍ट होत नाहीत. जाबदार यांनी म्‍हणण्‍यामध्‍ये विमादावा नाकारण्‍याच्‍या कारणांचा उल्‍लेख केला आहे. त्‍यामध्‍ये त्‍यांनी विमा पॉलिसीच्‍या अटी व शर्तींचा भंग केला असे नमूद केले आहे. परंतु सदरच्‍या अटी व शर्ती काय आहेत हे दर्शविण्‍यासाठी कोणताही पुरावा मंचासमोर आणला नाही. त्‍यामुळे जाबदार यांनी तक्रारदार यांचा विमा दावा योग्‍य कारणास्‍तव नाकारला हे जाबदार यांनी पुराव्‍यानिशी शाबीत केले नाही.
५. जाबदार यांनी म्‍हणण्‍यामध्‍ये कानाचा बिल्‍ला कानाच्‍या तुकडयासह पाठविला नाही, या कारणास्‍तव तक्रारदार यांचे विमा दावा नाकारलेचे नमूद केले आहे. परंतु कानाचा बिल्‍ला कानाच्‍या तुकडयासह पाठविण्‍याची जबाबदारी ही संबंधीत डॉक्‍टरांची आहे. तक्रारदार यांना विमा पॉलिसी ही जाबदार यांच्‍या डॉक्‍टरांच्‍या सहीने देण्‍यात आली आहे. त्‍यामुळे संबंधीत डॉक्‍टर हे जाबदार यांचे प्रतिनिधी आहेत. त्‍यांनी कानाचा बिल्‍ला तुकडयासह जाबदार यांच्‍याकडे पाठविला नसेल तर त्‍याबाबत तक्रारदार यांना दोष देता येणार नाही असे या मंचाचे मत आहे. जाबदार यांनी म्‍हणण्‍यामध्‍ये स्‍वाक्षरीमध्‍ये तफावत आहे असे नमूद केले आहे. परंतु नेमकी काय तफावत आहे याबाबतचा स्‍पष्‍ट पुरावा मंचासमोर आणलेला नाही. त्‍यामुळे जाबदार यांनी त्‍यांच्‍या म्‍हणण्‍यामध्‍ये तक्रारदार यांचा विमादावा नाकारण्‍यासाठी जी कारणे नमूद केली आहेत, ती कारणे संयुक्तिक वाटत नाहीत. तक्रारदार यांनी तक्रारअर्जासोबत पशुवैद्यकीय अधिकारी यांनी दिलेला मृत्‍यूचा दाखला, शवविच्‍छेदन अहवाल इ. कागदपत्रे सादर केली आहेत, त्‍यामुळे तक्रारदार यांचा विमा दावा अयोग्‍य कारणास्‍तव नाकारुन जाबदार यांनी तक्रारदार यांना सदोष सेवा दिली आहे त्‍यामुळे तक्रारदार हे विमा दाव्‍याची रक्‍कम रु.२५,०००/- मिळणेस पाञ आहेत असे या मंचाचे मत आहे. जाबदार यांनी तक्रारदार यांचा विमादावा नेमका किती तारखेला नाकारला याबाबत कोणताही स्‍पष्‍ट पुरावा मंचासमोर आणलेला नाही. त्‍यामुळे सदरची रक्‍कम गाय मयत झाले तारखेपासून व्‍याजासह मंजूर करणेत येत आहे. तक्रारदार यांनी त्‍यांच्‍या तक्रारअर्जामध्‍ये जाबदार क्र.३ याबाबत अपूर्ण पत्‍ता दिला आहे तसेच जाबदार क्र.२ यांचा सदर विमादाव्‍याशी काय संबंध आहे हे तक्रारअर्जात कोठेही नमूद केलेले नाही. विमादाव्‍याबाबतचा करार हा जाबदार क्र.१ यांचेबरोबर झालेला दिसून येतो. त्‍यामुळे सदरचा आदेश जाबदार क्र.१ यांचेविरुध्‍द करण्‍यात येतो.
५. तक्रारदार यांनी शारीरिक मानसिक ञासापोटी नुकसानभरपाई व तक्रार अर्जाच्‍या खर्चाची मागणी केली आहे. जाबदार यांनी तक्रारदार यांचा विमादावा अयोग्‍य कारणास्‍तव नाकारुन तक्रारदार यांना सदोष सेवा दिली आहे ही गोष्‍ट निश्चितच तक्रारदार यांना शारीरिक मानसिक ञास देणारी ठरते. त्‍यामुळे सदरची मागणी व तक्रार अर्जाच्‍या खर्चाची मागणी अंशत: मंजूर करणेत येत आहे.
वरील सर्व विवेचनावरुन सदरचा मंच खालीलप्रमाणे आदेश पारीत करीत आहे.
आदेश
१. तक्रारदार यांचा तक्रार अर्ज अंशत: मंजूर करणेत येत आहे.
२. जाबदार क्र.१ यांनी तक्रारदार यांना गायीच्‍या विमा दाव्‍यापोटी रक्‍कम रु.२५,०००/-
(अक्षरी रुपये पंचवीस हजार फक्‍त) दि.९/१२/२००८ पासून द.सा.द.शे. ९
टक्‍के दराने व्‍याजासह अदा करावेत.
३. जाबदार क्र.१ यांनी तक्रारदार यांना शारीरिक, मानसिक ञासापोटी नुकसानभरपाई व
तक्रार अर्जाच्‍या खर्चापोटी रक्‍कम रु.२,०००/-( अक्षरी रुपये दोन हजार फक्‍त ) अदा
करावेत.
४. वर नमूद आदेशाची पूर्तता जाबदार क्र.१ यांनी दि.१२/११/२०११ पर्यंत करणेची आहे.
५. जाबदार क्र.१ यांनी विहित मुदतीत आदेशाची पूर्तता न केल्‍यास तक्रारदार
त्‍यांचेविरुध्‍द ग्राहक संरक्षण कायद्यातील तरतुदीनुसार दाद मागू शकतील.
सांगली
दि. २७/०९/२०११
(सुरेखा बिचकर) (अनिल य.गोडसे÷)
सदस्‍या अध्‍यक्ष
जिल्‍हा मंच, सांगली. जिल्‍हा मंच, सांगली.
प्रत : तक्रारदार यांना हातपोहोच/रजि. पोस्‍टाने दि. / /२०११.
जाबदार यांना हातपोहोच/रजि. पोस्‍टाने दि. / /२०११.
