द्वारा – श्रीमती. स्‍नेहा म्‍हात्रे, अध्‍यक्षा

     तक्रारदार व त्‍यांचे वकील पुकारले असता गैरहजर.  सामनेवाले 1 यांचेतर्फे वकील श्री. उदय म्‍हात्रे हजर. सदर प्रकरणामध्‍ये तक्रारदार दि. 13/11/2019 पासून प्रस्‍तूत प्रकरणाच्‍या सुनावणीसाठी गैरहजर राहत असल्‍याने सामनेवाले 1 यांच्‍या वकीलांनी दि. 24/12/2021 रोजी प्रस्‍तूत तक्रार खारीज करण्‍यात यावी असा अर्ज दिला आहे. सामनेवाले 1 यांनी सदर प्रकरणामध्‍ये दि.16/10/2019 रोजी कैफियत दाखल केली असून, सामनेवाले 2 यांच्‍याबाबत तक्रारदारांनी पुढील स्‍टेप्‍स घेण्‍यासाठी व सर्व्‍हीस अॅफीडेव्‍हीट  दाखल करण्‍यासाठी पकरण प्रलंबित असून तक्रारदार सदर प्रकरणामध्‍ये दि. 13/11/2019, दि.30/12/2019, दि.10/02/2021, दि.19/07/2021, दि.01/09/2021, दि.14/10/2021, दि.24/12/2021 यादिवशी सातत्‍याने गैरहजर असल्‍याचे मागील रोजनाम्‍यांवरुन दिसून येते. तसेच तक्रारदार व त्‍यांचे वकील सदर प्रकरणामध्‍ये आजही गैरहजर आहेत. तक्रारदारांना प्रस्‍तूत तक्रार चालविण्‍याबाबत स्‍वारस्‍य दिसून येत नाही. सबब तक्रारदाराच्‍या सततच्‍या गैरहजरीमुळे प्रस्‍तूत तक्रार खारीज करण्‍याकामीचा सामनेवाले 1 यांचा दि. 24/12/2021 रोजीचा अर्ज मंजूर करण्‍यात येतो व ग्राहक संरक्षण कायदा, 1986 च्‍या कलम 13 (2) (क) नुसार तक्रारदाराच्‍या सततच्‍या गैरहजेरीमुळे प्रस्‍तूत तक्रार खारीज करुन निकाली काढण्‍यात येते.  खर्चाबाबत आदेश नाहीत.