जिल्हा ग्राहक तक्रार निवारण मंच, सोलापूर. ग्राहक तक्रार क्रमांक : 24/2011. तक्रार दाखल दिनांक: 27/01/2011. तक्रार आदेश दिनांक : 14/06/2011. सौ. यशोदा अरुण ढेरे, वय 45 वर्षे, व्यवसाय : घरकाम व शेती, रा. मु.पो. श्रीपूर (ढेरे वस्ती), ता. माळशिरस, जि. सोलापूर. तक्रारदार विरुध्द 1. दी ओरिएन्टल इन्शुरन्स कंपनी लि., विभागीय कार्यालय क्र.1, ए.डी. कॉम्प्लेक्स, माऊंट रोड, सदर, नागपूर - 01. (समन्स/नोटीस डिव्हीजनल मॅनेजर यांचेवर बजावण्यात यावी.) 2. दी ओरिएन्टल इन्शुरन्स कंपनी लि., रा. 442, पश्चिम मंगळवार पेठ, टेलिफोन भवन समोर, चाटी गल्ली, सोलापूर. (समन्स/नोटीस डिव्हीजनल मॅनेजर यांचेवर बजावण्यात यावी.) विरुध्द पक्ष गणपुर्ती :- सौ. संगिता एस. धायगुडे, अध्यक्ष सौ. प्रतिभा प्र. जहागिरदार, सदस्य तक्रारदार यांचेतर्फे विधिज्ञ : पी.पी. कुलकर्णी विरुध्द पक्ष यांचेतर्फे विधिज्ञ : व्ही.एन. देशपांडे आदेश सौ. संगिता एस. धायगुडे, अध्यक्ष यांचे द्वारा :- 1. तक्रारदार यांची थोडक्यात अशी तक्रार आहे की, ते व्यवसायाने शेतकरी असून त्यांच्या घरगुती म्हशीचा विरुध्द पक्ष (संक्षीप्त रुपामध्ये 'विमा कंपनी') यांच्याकडे रु.20,000/- रकमेचा विमा उतरविण्यात आलेला आहे. गाईचा पॉलिसी नं.एस.ओ.एल.पी. 100419 असून टॅग नं.एस.ओ.एल.पी. 100419 देण्यात आला. तक्रारदार यांची गाय आजारी पडली आणि उपचारादरम्यान दि.28/4/2008 रोजी तिचा मृत्यू झाला आहे. गाईच्या मृत्यूनंतर सर्व कागदपत्रे विमा कंपनीकडे पाठविण्यात आली. परंतु विमा कंपनीने विमा दावा प्रलंबीत ठेवून विमा दावा अप्रत्यक्षरित्या नाकारला आहे. त्यामुळे तक्रारदार यांनी प्रस्तुत तक्रारीद्वारे विरुध्द पक्ष यांच्याकडून विमा रक्कम रु.20,000/- व्याजासह मिळावी आणि मानसिक त्रासापोटी रु.10,000/- व तक्रार खर्चापोटी रु.5,000/- मिळावेत, अशी विनंती केलेली आहे. 2. विमा कंपनीने रेकॉर्डवर म्हणणे दाखल करुन तक्रार अमान्य केली आहे. त्यांच्या म्हणण्यानुसार महाराष्ट्र पशुधन विकास मंडळ व मे. जायका इन्शुरन्स ब्रोकरेज प्रा.लि. यांना आवश्यक पक्षकार केले नसल्यामुळे तक्रारदार यांच्या तक्रारीस बाधा पोहोचते. त्यांच्यातील करारानुसार मयत जनावरांचे विमा दावे सेटल करण्याची विशिष्ट पध्दती आहे. तक्रारदार यांनी क्लेम सेटलमेंट पध्दतीचा भंग केला आहे. त्यांच्या सेवेमध्ये त्रुटी नाही आणि तक्रार खर्चासह रद्द करण्याची त्यांनी विनंती केली आहे. 3. तक्रारदार यांची तक्रार, विरुध्द पक्ष यांचे म्हणणे व त्यांनी दाखल केलेल्या कागदपत्रांचे अवलोकन करता निष्कर्षासाठी खालील मुद्दे उपस्थित होतात. मुद्दे उत्तर 1. विरुध्द पक्ष यांनी तक्रारदार यांना त्रुटीयुक्त सेवा दिली आहे काय ? होय. 2. तक्रारदार विमा रक्कम मिळविण्यास पात्र आहेत काय ? होय. 3. काय आदेश ? शेवटी दिल्याप्रमाणे. निष्कर्ष 4. मुद्दा क्र. 1 ते 3 :- तक्रारदार यांच्या गाईचा विमा कंपनीकडे विमा उतरविण्यात आलेला असून विमा संरक्षीत गाईच्या मृत्यूनंतर तक्रारदार यांनी क्लेम सादर केला असता, त्यांना विमा रक्कम देण्यात आलेली नाही, अशी त्यांची प्रमुख तक्रार आहे. उलटपक्षी, विमा कंपनीच्या म्हणण्यानुसार करारानुसार मयत जनावरांचे विमा दावे सेटल करण्याची विशिष्ट पध्दती असून तक्रारदार यांनी त्याचा भंग केल्यामुळे त्यांच्या सेवेमध्ये त्रुटी नाही. 5. तक्रारदार यांनी रेकॉर्डवर विमा कंपनीचे कागदपत्रांची मागणी करणारे पत्र दाखल केले आहे. तसेच पशुवैद्यकीय अधिकारी श्री. अनिल दत्तात्रय लावंड यांचे शपथपत्र दाखल करण्यात आले असून त्यांनी विमाकृत गाईवर उपचार केल्याचे व तिच्या मृत्यूनंतर शवविच्छेदन करुन पी.एम. रिपोर्ट, डेथ सर्टिफिकेट व ट्रीटमेंट सर्टिफिकेट व इतर कागदपत्रे विमा कंपनीस पाठवून दिल्याचे नमूद केले आहे. यावरुन तक्रारदार यांची विमा संरक्षीत गाय मृत्यू पावल्याचे स्पष्टपणे निदर्शनास येते. तक्रारदार यांची विमा संरक्षीत गाय मृत्यू पावलेली असतानाही विमा कंपनीने तक्रारदार यांच्या क्लेमबाबत कोणताही निर्णय घेतलेला नाही. तक्रारदार यांनी दाखल केलेल्या कागदपत्रांवरुन विमा क्लेम सेटल करण्यास विमा कंपनी कशी असमर्थ ठरते ? याचे उचित स्पष्टीकरण देण्यात आलेले नाही. आमच्या मते, तक्रारदार यांनी पाठविलेली कागदपत्रे त्यांची विमा संरक्षीत गाय मृत्यू पावल्याचे सिध्द करण्यास पुरेशी आहेत. वरील सर्व विवेचनावरुन विमा कंपनीने तक्रारदार यांचा विमा क्लेम कोणत्याही उचित व सबळ कारणाशिवाय प्रलंबीत ठेवून सेवेत त्रुटी केल्यामुळे तक्रारदार हे विमा रक्कम रु.20,000/- तक्रार दाखल तारखेपासून द.सा.द.शे. 9 टक्के व्याज दराने मिळविण्यास पात्र ठरतात, या निर्णयाप्रत आम्ही आलो आहोत. 6. शेवटी आम्ही खालील आदेश देत आहोत. आदेश 1. विरुध्द पक्ष यांनी तक्रारदार यांना विमा रक्कम रु.20,000/- तक्रार दाखल दि.27/1/2011 पासून द.सा.द.शे. 9 टक्के व्याज दराने या आदेशाच्या प्राप्तीपासून तीस दिवसाचे आत द्यावी. 2. विरुध्द पक्ष यांनी तक्रारदार यांना तक्रार खर्चापोटी रु.1,000/- या आदेशाच्या प्राप्तीपासून तीस दिवसाचे आत द्यावेत. 3. विरुध्द पक्ष यांनी नमूद मुदतीच्या आत उपरोक्त आदेशाची अंमलबजावणी न केल्यास तेथून पुढे देय रक्कम द.सा.द.शे. 12 टक्के व्याज दराने द्यावी. (सौ. प्रतिभा प्र. जहागिरदार) (सौ. संगिता एस. धायगुडे÷) सदस्य अध्यक्ष जिल्हा ग्राहक तक्रार निवारण मंच, सोलापूर. ----00---- (संविक/स्व/8611)
| [HONABLE MRS. Pratibha P. Jahagirdar] MEMBER[HONABLE MRS. Sangeeta S. Dhaygude] PRESIDENT | |