द्वारा – श्रीमती. स्‍नेहा म्‍हात्रे, अध्‍यक्षा

     तक्रारदार पुकारले असता गैरहजर. सदर प्रकरणामध्‍ये तक्रारदाराच्‍या वकीलांनी, दि. 04/03/2021 रोजी नोंदविलेल्‍या रोजनाम्‍यानुसार प्रस्‍तूत तक्रार मागे घेणार असल्‍याबाबत मुदतीची विनंती केली असल्‍याचे नमूद आहे. परंतु त्‍याकामी तक्रारदाराच्‍या स्‍वाक्षरीचा अर्ज दाखल करण्‍यासाठी तक्रारदारांना वारंवार संधी देऊनही प्रस्‍तूत प्रकरणामध्‍ये तक्रारदारांनी त्‍याबाबत हजर राहून पूर्तता केल्‍याचे दिसून येत नाही. प्रस्‍तूत तक्रार तक्रारदारांनी ग्राहक संरक्षण कायदा, 1986 नुसार दाखल केली असून आयोगाच्‍या प्रबंधकांनी सदर प्रकरणामध्‍ये तक्रारदाराच्‍या स्‍वाक्षरीचा अर्ज दाखल करण्‍याकामी व तक्रार मागे घेण्‍याबाबत योग्‍य त्‍या स्‍टेप्‍स घेण्‍याकामी तक्रारदारांचे नावे तसेच तक्रारदारांच्‍या वकीलांचे नावे पत्र पाठविले  आहे. परंतु तक्रारदार व त्‍यांचे वकील तक्रार मागे घेण्‍याकामी वारंवार संधी देऊनही हजर राहत नाहीत. तक्रारदार दि.20/07/2021, दि.18/08/2021, दि.30/08/2021, दि.11/10/2021, दि.10/11/2021, दि.01/12/2021, दि.27/12/2021, दि.24/01/2022, दि.31/01/2022 तसेच आज दि. 23/02/2022 रोजी सातत्‍याने गैरहजर आहेत. तक्रारदाराच्‍या सततच्‍या गैरहजेरीमुळे तक्रारदारांना प्रस्‍तूत तक्रार चालविण्‍यात स्‍वारस्‍य नसल्‍याचे दिसून येत असल्‍याने ग्राहक संरक्षण कायदा, 1986 च्‍या कलम 13 (2) (क) नुसार प्रस्‍तूत तक्रार खारीज करुन निकाली काढण्‍यात येते. खचाबाबत आदेश नाहीत. प्रकरण निकाली.