द्वारा – श्रीमती. स्‍नेहा म्‍हात्रे, अध्‍यक्षा      

      उभय पक्ष पुकारले असता गैरहजर. सदर प्रकरणामध्ये तक्रारदार सातत्‍याने गैरहजर राहत असल्‍याचे नमूद करुन व तक्रारदारांनी अदयाप पुरावा शपथपत्र दाखल केले नसल्‍याने प्रस्‍तूत तक्रार तक्रारदाराच्‍या गैरहजरीमुळे खारीज करण्‍यात यावी असा अर्ज सामनेवाले यांनी दि.09.06.2022 रोजी दाखल केला आहे. प्रस्‍तूत तक्रार ग्राहक संरक्षण कायदा 1986 नुसार कलम दाखल करण्‍यात आली असून, सामनेवाले यांनी दि.15.02.2020 रोजी त्‍यांची लेखी कैफियत दाखल केल्‍याचे दिसून येते त्‍याची प्रत तक्रारदारांनी त्‍याच दिवशी स्विकारल्‍या बाबतची पोहच लेखी कैफियतीवर दिसून येते. परंतु तक्रारदार सदर प्रकरणाचे सुनावणीसाठी दि.02.02.21, 27.07.21, 29.09.21, 30.12.21, 17.03.22, 09.06.22 व आज दि.01.08.22 रोजी सातत्‍याने गैरहजर असल्‍याचे मागील रोजनाम्‍यांवरुन दिसून येते  तसेच तक्रारदारांनी सदर प्रकरणात वारंवार संधी देऊनही पुरावा शपथपत्र दाखल केलेले नाही. सबब, प्रस्‍तूत तक्रार तक्रारदाराच्‍या सततच्‍या गैरहजरीमुळे खारीज करण्‍यात यावी याबाबतचा सामनेवाले यांचा दि.09.06.2022 रोजीचा अर्ज मंजूर करण्‍यात येतो. प्रस्‍तूत तक्रार ग्राहक संरक्षण कायदा 1986 च्‍या  कलम 13 (2) (क) नुसार तक्रारदाराच्‍या सततच्‍या गैरहजरीमुळे खारीज करुन निकाली काढण्‍यात येते. खर्चाबाबत आदेश नाहीत. प्रकरण निकाली. विलंबाने सामनेवाले यांचेतर्फे वकील श्रीमती.सपना भुपतानी यांचे प्रतिनिधी वकील श्रीमती.शायिस्‍ता ठाकूर हजर. प्रस्‍तूत तक्रार ग्राहक संरक्षण कायदा 1986 च्‍या  कलम 13 (2) (क) नुसार तक्रारदाराच्‍या सततच्‍या गैरहजरीमुळे खारीज करुन निकाली काढण्‍यात येते. खर्चाबाबत आदेश नाहीत. प्रकरण निकाली.