द्वारा – श्रीमती. स्‍नेहा म्‍हात्रे, अध्‍यक्षा

         तक्रारदारातर्फे वकील श्री. अभयकुमार जाधव हजर.  सामनेवालातर्फे वकील श्रीमती. ज्‍योती पांडे हजर.  सदर  प्रकरणामध्‍ये सामनेवाला यांनी कैफियत दाखल करणेकामी मुदतीचा अर्ज दिला असून, त्‍याकामी प्रकरण आज नेमण्‍यात आले असता, तक्रारदाराच्‍या वकीलांनी आजरोजी प्रस्‍तूत तक्रार न्‍यू इंडिया अॅश्‍यूरन्‍स कंपनी लिमीटेड यांच्‍या पुणे येथील शाखेशी संबंधित असून, अनवधानाने मुंबई येथील शाखेविरुध्‍द दाखल केली असल्‍याने, प्रस्‍तूत तक्रार मागे घेऊन योग्‍य त्‍या मंचामध्‍ये त्‍याबाबत नवीन तक्रार दाखल करण्‍याची मुभा दयावी असा अर्ज तक्रारदाराच्‍या वकीलांनी दिला, त्‍यावर सामनेवाला यांच्‍या वकीलांनी त्‍यांची लेखी ना हरकत नोंदविली. प्रस्‍तूत प्रकरणामध्‍ये भौगोलिक कार्यक्षेत्राबाबत मुद्दा उपस्थित झाला असल्‍याने, न्‍यायहिताचे दृष्‍टीने  तक्रारदारांना प्रस्‍तूत तक्रारीत नमूद विषयाबाबत भौगोलिक कार्यक्षेत्र असलेल्‍या योग्‍य त्‍या न्‍यायालयात नवीन तक्रार दाखल करण्‍याची मुभा देऊन प्रस्‍तूत तक्रार मागे घेण्‍यास परवानगी देण्‍यात येते.  खर्चाबाबत आदेश नाहीत. प्रकरण निकाली.