द्वारा- श्रीमती. स्‍नेहा म्‍हात्रे,  अध्‍यक्षा    

     तक्रारदार स्‍वत: हजर. तक्रारदारातर्फे वकील श्री.किशोर जेधे हजर. सामनेवाले 1 तर्फे वकील श्री.आकाश मेनन हजर. तसेच सामनेवाले 1 यांचेतर्फे प्राधिकृत प्रतिनिधी श्री.रविंद्रकुमार श्रीवास्‍तव हजर. सामनेवाले 4 गैरहजर. सामनेवाले 2 व 3 एकतर्फा. सदर प्रकरणामध्ये तक्रारदार व सामनेवाले 1 यांच्‍यामध्‍ये अंतिम तडजोड होऊन त्‍याबाबत उभय पक्षात दि.30.06.2022 रोजी कन्‍सेंट टर्मस स्‍वाक्षरीत करण्‍यात आल्‍या असून सदर कन्‍सेंट टर्मची प्रत आज तक्रारदाराचे वकील श्री.जेधे यांनी सामनेवाले 1 यांचे वकीलांच्‍या उपस्थितीत तसेच तक्रारदाराच्‍या उपस्थितीत दाखल केली. सदर कन्‍सेंट टर्मसवर तक्रारदाराची स्‍वाक्षरी तसेच डाव्‍या हाताच्‍या अंगठयाचा ठसा तसेच तक्रारदाराचे वकील श्री.जेधे यांची स्‍वाक्षरी तसेच सामनेवाले 1 यांचेतर्फे श्री.रविंद्रकुमार श्रीवास्‍तव व सामनेवाले 1 यांचे वकील श्री.मेनन यांची स्‍वाक्षरी दिसून येते. आजरोजी सामनेवाले 1 यांनी तक्रारदारांना सदर कन्‍सेंट टर्ममध्‍ये नमूद केलेल्‍या  तपशि‍लानुसार रक्‍कम रु.80,500/- व रक्‍कम रु.1,98,417.65 या रकमेचे धनाकर्ष दिले, ते प्राप्‍त झाल्‍याबाबत तक्रारदारांनी सदर धनाकर्षांच्‍या छायांकित प्रतीवर स्‍वाक्षरी दिली. तक्रारदारांनी उभय पक्षात तडजोड झाली असल्‍याने सामनेवाले 1 ते 4  यांचे विरुध्‍द दाखल केलेली प्रस्‍तूत तक्रार विनाशर्त मागे घेत असल्‍याबाबत सदर कन्‍सेंट टर्ममध्‍ये नमूद केले आहे. तसेच त्‍याबाबत त्‍यांनी स्‍वतंत्र अर्ज दाखल केला. वर नमूद केल्‍याप्रमाणे उभय पक्षात अंतिम तडजोड झाली असल्‍याने तक्रारदाराच्‍या विनंतीवरुन सामनेवाले 1 ते 4 यांचे विरुध्‍द  प्रस्‍तूत प्रकरण मागे घेण्‍यास तक्रारदारांना परवानगी देण्‍यात येते. कन्‍सेंट टर्मसमध्‍ये नमूद बाबी ह्या प्रस्‍तूत आदेशाचा अविभाज्‍य भाग समजण्‍यात यावा. प्रकरण निकाली.