आदेश नि. 1 वर

(दि.08-08-2024)

व्दारा- श्री.अरुण रा.गायकवाड, अध्यक्ष

1) तक्रारदार गैरहजर. सामनेवाला क्र.1 व 2 तर्फे वकीलांचे प्रतिनिधी श्री दळी हजर. सामनेवाला क्र.3 तर्फे वकीलांचे प्रतिनिधी श्रीमती पाटील हजर. प्रस्तुत कामी तक्रारदार हे मागील 1-03-2023 पासून 21 तारखांना गैरहजर आहेत. सामनेवाला यांनी नि.29 कडे दि.12/07/2024 रोजी अर्ज दाखल केलेला आहे. सदर अर्जामध्ये सामनेवाला क्र.1 व 2  कथन करतात की, तक्रारदार यांनी प्रशांत मधुसुदन नाईक या इसमास वादातील वाहनाची विक्री केलेचे आरटीओ खात्याकडून सामनेवाला यांना समजले. नि.31 कडे सदर वाहनाचे आर सी बुक दाखल केले आहे. त्यामुळे सदर तक्रारीस Locus Standi राहिलेली नसलेने सदरची तक्रार काढून टाकण्यात यावी अशी विनंती केली आहे. सदर अर्जावर तक्रारदार यांना म्हणणे देणेसाठी वारंवार संधी देऊनही तक्रारदाराने सदर अर्जावर म्हणणे दाखल केलेले नाही किंवा याकामी मागील ब-याच तारखेपासून गैरहजर आहेत. सबब तक्रारदारास सदरचा तक्रार अर्ज पुढे चालू ठेवण्यात कोणतेही स्वारस्य असलेने दिसून येत नाही. सबब प्रस्तुत तक्रार अर्ज निकाली काढणे न्यायोचित होईल. सबब आदेश खालीलप्रमाणे.

-आ दे श-

1)  प्रस्तुत तक्रार अर्ज तक्रारदाराचा हक्क अबाधित ठेवून निकाली काढण्यात येतो.

2) खर्चाबाबत कोणतेही आदेश नाहीत.

3)  प्रकरण नस्तीबध्द करुन दप्तरी दाखल करणेत येते.

4)  उभय पक्षकारांना सदरच्या आदेशाची प्रत विनामुल्य दाव्यात.