निशाणी क्र. 1 वरील आदेश

तक्रारकर्त्‍याने विरुध्‍द पक्षाविरुध्‍द नियमीत पाणी पुरवठा देत नसल्‍याने तसेच देयकात वाढ असल्‍याने सदर तक्रार मंचात दाखल केलेली आहे. तक्रारकर्त्‍यातर्फे प्राथमिक युक्तिवाद ऐकण्‍यांत आला. तक्रारकर्त्‍याची तक्रार व दस्‍तावेज क्र.10 ची पडताळणी करतांना  असे दिसुन आले की, विरुध्‍द पक्षांनी पाणी पुरवठ्या संबंधीत पाठविलेल्‍या देयकांची पडताळणी केली व त्‍यांना इंटरनल  प्‍लबिंग लिकेज असल्‍याचे निदर्शनास आले. तक्रारकर्त्‍याने तक्रारीत प्रार्थना क्र. 'ब' मध्‍ये अशी मागणी केली आहे की, विरुध्‍द पक्षांनी तक्रारकर्त्‍यास आंतरिक प्‍लबिंगची दुरुस्‍ती घरामध्‍ये करुन द्यावी. प्राथमिक दृष्‍टीने मंचाचे असे निदर्शनास आले की, तक्रारकर्त्‍याच्‍या घराच्‍या आंतरिक प्‍लबिंगमध्‍ये लिकेज असल्‍याने तक्रारकर्त्‍याचे जास्‍त देयक येत आहे. सदर वाद हा ग्राहक वाद नसुन, सदर वादाबाबत केलेली तक्रार या मंचासमक्ष चालविण्‍याचे अधिकारकक्षा नाही. सबब खालिल प्रमाणे अंतिम आदेश पारित करण्‍यांत येत आहे.

- // अंतिम आदेश // -

1.   तक्रारकर्ता व विरुध्‍द पक्षांमध्‍ये असलेला वाद हा ग्राहक वाद नसल्‍यामुळे तक्रारकर्त्‍याची तक्रार अस्विकृत करण्‍यांत येते.

2.   तक्रारकर्त्‍याने तक्रारीचा खर्च स्‍वतः सहन करावा.

3.   तक्रारकर्त्‍यास आदेशाची प्रथम प्रत निशुल्‍क द्यावी.

4.   तक्रारकर्त्‍यास प्रकरणाची 'ब' व 'क' फाईल परत करावी.