(पारित दिनांक - 11 मार्च, 2014)

तक्रारकर्त्‍याने त्‍याच्‍या घरी लावलेले मिटर वि.प.यांनी ते परिवारासह दि.02.12.2013 रोजी चंद्रपूर येथे गेले असतांना त्‍यांच्‍या अपरोष बदलवून नविन मिटर लावण्‍यात आले. तक्रारकर्त्‍याच्‍या म्‍हणण्‍यानुसार त्‍याचे घरी लावलेले मिटर व्‍यवस्थित चालु होते व तक्रारकर्ते त्‍यांना देण्‍यात येणारे बिल व्‍यवस्थित भरत होते. त्‍याबद्दल त्‍यांची कोणतीही तक्रार नव्‍हती किंवा बिलासंबंधी तक्रार नसतांना वि.प. यांनी जुने मिटर बदलवून नविन मिटर लावणे ही वि.प. यांची सेवेतील त्रुटी असल्‍याने तक्रारकर्त्‍याने जुने मिटर लावून नविन मिटर काढून घ्‍यावे व मानसिक त्रासाबद्दल रु.50,000/- द्यावे अशी मागणी केली आहे.

तक्रारकर्त्‍याच्‍या तक्रार व कागदपत्रांचे अवलोकन केले असता तक्रारकर्त्‍याला वि.प. यांनी दोषपूर्ण सेवा दिली आहे असे दिसून येत नाही. तसेच जुने मिटर बदलवून नविन मिटर लावणे हा वि.प.यांचा अधिकार आहे. कारण मिटरची मालकी ही वि.प.यांचीच असते व सदर मिटर तक्रारकर्त्‍याने स्‍वतः विकत घेतले असल्‍याचे कुठेही म्‍हटलेले नाही. तक्रारीमध्‍ये तथ्‍य दिसून येत नाही. सबब तक्रार खारीज करण्‍यात येत आहे.