जिल्‍हा ग्राहक तक्रार निवारण न्‍यायमंच, धुळे.
ग्राहक तक्रार क्रमांक – १२९/२०११
तक्रार दाखल दिनांक – १२/०७/२०११
तक्रार निकाली दिनांक – ३१/०१/२०१३
पार्वतीबाई पंडित पवार .............. तक्रारदार
उ.वय-७५ वर्षे, धंदा – काही नाही,
रा. तुषार चप्‍पल, विष्‍णु नगर,
देवपुर, धुळे.
विरुध्‍द
दि. दादासाहेब वामन विष्‍णु शिनकर
नागरी सहकारी पतपेढी मर्या.धुळे.
चितळे हॉस्‍पीटल समोर, देवपूर, धुळे.
१. चेअरमन श्री. देविदास वामन शिनकर
रा.शिनकर मातृसदन
गल्‍ली नं.४, देना बॅंकेच्‍यावर, धुळे.
२. व्‍हा. चेअरमन श्री. आनंदा धोंडु सुर्यवंशी
रा. सुभाष नगर, अरनंदभवन, जुनेधुळे, धुळे.
३. संचालक श्री. अनिल गंगाधर सोनगिरे
रा. गल्‍ली नं.६, सोनगिरे सदन,
श्री. भगवान करनकाळ यांचे घराशेजारी,
जयप्रकाश चौक, धुळे.
४. संचालक श्री. प्रभुलाल हरी कासोदेकर
रा.३२, गरूड कॉलनी, कॉजवे रोड, धुळे.
५. श्री. भिका सिताराम अमृतकर
ज्ञानेश्‍वर मंदिरासमोर,
पहिला मजला, जुने धुळे, धुळे.
६. श्री. अनिल मुरलीधर कोठावदे
रा. मुलींच्‍या अंधशाळेजवळ,
विजय टाईपरायटींग इन्‍स्‍टीटयुट,
गणपती पुल रोड, जैन मंदिराजवळ, धुळे.
७. संचालक श्री विवेक दिनकर विसपुते
रा. रंगश्री, गणपुले दत्‍त मंदिर कॉम्‍प्‍लेक्‍स,
गल्‍ली नं.४, सिटी पोष्‍टाच्‍या बाजला, धुळे. ........... विरूध्‍द पक्ष
कोरम
(मा.अध्‍यक्ष – श्री.डी.डी.मडके)
(मा.सदस्‍या – सौ.एस.एस.जैन)
उपस्थिती
(तक्रारदारा तर्फे – अॅड.मोनाली खैरनार)
(विरुध्‍दपक्ष तर्फे – एकतर्फा)
निकालपत्र
श्री.डी.डी.मडके, अध्‍यक्षः तक्रारदार यांनी विरुध्‍द पक्ष पतसंस्‍थेत मुदत ठेव पावती व बचत खाते अन्‍वये गुंतवलेली रक्‍कम मागणी करुनही परत दिली नाही म्‍हणून त्‍यांनी प्रस्‍तुत तक्रार या मंचात दाखल केली आहे.
२. तक्रारदार यांची थोडक्‍यात अशी तक्रार आहे की, तक्रारदार यांनी विरुध्‍द पक्ष दि. दादासाहेब वामन विष्‍णु शिनकर नागरी सहकारी पतपेढी मर्या.धुळे. (यापुढे संक्षीप्‍तेसाठी पतसंस्‍था असे संबोधण्‍यात येईल) या पतसंस्‍थेत मुदत ठेव पावती व बचत खाते अन्‍वये रक्‍कम गुंतविली होती त्‍याचा तपशील खालील प्रमाणे.
अ.क्र. |
पावती नंबर |
देय दिनांक |
रक्‍कम |
१. |
०१९४५८ |
२८/०४/२००८ |
१८००१/- |
२. |
०१९४५९ |
२८/०४/२००८ |
१८००१/- |
३. |
०१९८८५ |
१५/०६/२००९ |
५२११५/- |
४. |
०१९८८६ |
१५/०६/२००९ |
५२११५/- |
५. |
०१९८८७ |
१५/०६/२००९ |
५३३५१/- |
६. |
०२०१४२ |
०६/०७/२००८ |
२७२५१/- |
७. |
०२०१४५ |
०६/०७/२००८ |
२७२५१/- |
बचत खाते क्र.५८८० रक्‍कम रू.७२,४५५/- |
३. तक्रारदार यांनी गुंतवलेल्‍या रकमेची मागणी विरुध्‍द पक्ष पतसंस्‍थेत केली असता पतसंस्‍थेने रक्‍कम देण्‍यास नकार दिला अशी तक्रारदार यांची तक्रार आहे. सबब विरुध्‍द पक्ष यांचेकडून मुदत ठेव पावती व बचत खात्‍यातील व्‍याजासह होणारी संपुर्ण रक्‍कम तसेच मानसिक त्रास व अर्जाच्‍या खर्चापोटी भरपाई मिळावी अशी विनंती तक्रारदार यांनी केली आहे.
४. विरुध्‍द पक्ष यांना नोटीसीची बजावणी होऊनही ते हजर झाले नाहीत व खुलासाही दाखल केला नाही त्‍यामुळे त्‍यांच्‍या विरुध्‍द एकतर्फा आदेश करण्‍यात आले आहेत.
५. तक्रारदार यांची तक्रार व दाखल कागदपत्रे व युक्‍तीवाद यांचा विचार होता तक्रारीच्‍या न्‍यायनिर्णयासाठी खालील मुद्दे उपस्थित होतात.
मुद्दे उत्‍तर
१. तक्रारदार हे ग्राहक आहेत काय? होय.
२. विरुध्‍द पक्ष यांनी तक्रारदार यांना दयावयाच्‍या सेवेत त्रुटी
केली आहे काय? होय.
३. तक्रारदार कोणता अनुतोष मिळण्‍यास पात्र आहे? अंतिम आदेशा प्रमाणे.
४. आदेश काय? खालील प्रमाणे.
विवेचन
६. मुद्दा क्र.१- तक्रारदार यांनी मुदत ठेव पावत्‍या व पासबुक ची झेरॉक्‍स प्रत सादर केली आहेत. विरुध्‍द पक्ष यांनी तक्रारदार यांच्‍या मुदत ठेव पावत्‍या व बचत खात्‍यावरील रक्‍कमा नाकारलेल्‍या नाहीत. मुदत ठेव पावत्‍या व बचत खाते तसेच त्‍यातील रक्‍कम यांचा विचार होता तक्रारदार हे विरुध्‍द पक्ष यांचे ग्राहक आहेत असे या मंचाचे मत आहे. म्‍हणून मुद्दा क्र.१ चे उत्‍तर आम्‍ही होकारार्थी देत आहोत.
७. मुद्दा क्र.२- प्रस्‍तुत प्रकरणात तक्रारदार यांनी तक्रारीचे अनुषंगाने दाखल केलेली कागदपत्रे पाहता त्‍यांनी पतसंस्‍थेत मुदत ठेव पावती व बचत खाते मध्‍ये रक्‍कमा गुंतवल्‍या होत्‍या ही बाब सिध्‍द होते. तक्रारदार यांनी विरुध्‍द पक्ष यांच्‍याकडे मुदत ठेव पावती व बचत खाते अन्‍वये गुंतवलेली रक्‍कम परत करणे पतसंस्‍थेचे कर्तव्‍य होते. परंतू मागणी करुनही रक्‍कम न देणे ही विरुध्‍द पक्ष यांची तक्रारदार यांना द्यावयाच्‍या सेवेतील त्रुटी आहे असे या मंचाचे मत आहे. म्‍हणून मुद्दा क्र.२ चे उत्‍तर आम्‍ही होकारार्थी देत आहोत.
८. मुद्दा क्र.३- तक्रारदार यांनी दाखल केलेली मुदत ठेव पावती व बचत खाते मधील व्‍याजासह होणारी रक्‍कम दि. दादासाहेब वामन विष्‍णु शिनकर नागरी सहकारी पतपेढी मर्या.धुळे. यांचेकडून मिळावी अशी मागणी केलेली आहे. तसेच तक्रारदार यांनी विरूध्‍द पक्ष यांच्‍याकडून मानसिक व शारिरिक व आर्थिक त्रासापोटी रक्‍कम रू. ५०,०००/- व तक्रारी अर्जाच्‍या खर्चापोटी रककम रू.१०,०००/- दयावेत अशी मागणी केली आहे.
९. तक्रारदार यांनी दाखल केलेली मुदत ठेव पावत्‍या व बचत खाते यांची व्‍याजासह होणारी रक्‍कम दि. दादासाहेब वामन विष्‍णु शिनकर नागरी सहकारी पतपेढी मर्या.धुळे. व विरूध्‍द पक्ष क्र.१ ते ७ संचालक मंडळ यांच्‍याकडून मिळावी अशी विनंती केली आहे. या संदर्भात मा.मुंबई उच्‍च न्‍यायालय खंडपिठ औरंगाबाद यांनी रिट याचिका क्र.5223/09 सौ.वर्षा रविंद्र ईसाइ विरुध्‍द राजश्री राजकुमार चौधरी या न्‍यायिक दृष्‍टांतामध्‍ये पुढील प्रमाणे मत व्‍यक्‍त केले आहे.
As has been recorded above, I am of the view that a society registered under the provision of Maharashtra Co-operative Societies Act 1960, although can be proceededagainst and a complaint under the provision of Consumer Protection Act is entertain ableagainst the society, the Directors of members of the managing committee cannot be heldresponsible in view of the scheme of Maharashtra Co-operative Societies Act. To holdthe Directors of the banks/members of the managing committee of the societiesresponsible, without observing the procedure prescribed under the Act, would also beagainst the principles of co-operation, which is the very foundation of establishment ofthe co-operative societies.
वरील न्‍यायिक दृष्‍टांतामध्‍ये संचालकांना रक्‍कम देण्‍यासाठी वैयक्‍तीकरित्‍या जबाबदार ठरविता येणार नाही असे तत्‍व विषद करण्‍यात आले आहे. त्‍यामुळे संचालक मंडळाला वैयक्तिक जबाबदार ठरविता येणार नाही. तक्रारदार हे दि. दादासाहेब वामन विष्‍णु शिनकर नागरी सहकारी पतपेढी मर्या.धुळे. यांच्‍याकडुन रक्‍कम मिळण्‍यास पात्र आहे. तसेच रक्‍कम परत मिळावी म्‍हणून तक्रारदार यांना दि. दादासाहेब वामन विष्‍णु शिनकर नागरी सहकारी पतपेढी मर्या. धुळे यांच्‍या विरुध्‍द या मंचात दाद मागावी लागली आहे. त्‍यामुळे अर्ज दाखल करण्‍यासाठी खर्चही करावा लागलेला आहे. सबब तक्रारदार हे दि. दादासाहेब वामन विष्‍णु शिनकर नागरी सहकारी पतपेढी मर्या.धुळे. यांच्‍या कडून अर्जाच्‍या खर्चापोटी रक्‍कम रू.५००/- व मानसिक त्रासापोटी रु.१०००/- वसुल होऊन मिळण्‍यास पात्र आहेत असे आम्‍हांस वाटते.
१०. मुद्दा क्र.४ - सबब आम्‍ही खालीलप्रमाणे आदेश देत आहोत.
आ दे श
१. तक्रारदार यांचा तक्रार अर्ज अंशतः मंजूर करण्‍यात येत आहे.
२. दि. दादासाहेब वामन विष्‍णु शिनकर नागरी सहकारी पतपेढी मर्या.धुळे. यांनी तक्रारदार यांना खालील तपशीलात नमुद असलेल्‍या मुदत ठेव पावत्‍या व बचत खाते मधील मुदतअंती देय रक्‍कम ठरलेल्‍या व्‍याजदरानुसार व त्यावर देय तारखेपासून संपुर्ण रक्‍कम फिटे पर्यंत द.सा.द.शे.६ टक्‍के प्रमाणे व्‍याज या आदेशाच्‍या प्राप्‍तीपासून ३० दिवसाचे आत अदा करावेत. मुदत ठेव पावतींचा तपशील खालील प्रमाणे.
अ.क्र. |
पावती नंबर |
देय दिनांक |
रक्‍कम |
१. |
०१९४५८ |
२८/०४/२००८ |
१८००१/- |
२. |
०१९४५९ |
२८/०४/२००८ |
१८००१/- |
३. |
०१९८८५ |
१५/०६/२००९ |
५२११५/- |
४. |
०१९८८६ |
१५/०६/२००९ |
५२११५/- |
५. |
०१९८८७ |
१५/०६/२००९ |
५३३५१/- |
६. |
०२०१४२ |
०६/०७/२००८ |
२७२५१/- |
७. |
०२०१४५ |
०६/०७/२००८ |
२७२५१/- |
बचत खाते क्र.५८८० रक्‍कम रू.७२,४५५/- |
३. दि. दादासाहेब वामन विष्‍णु शिनकर नागरी सहकारी पतपेढी मर्या.धुळे. यांनी तक्रारदार यांना मानसिक त्रासापोटी रु.१०००/- तसेच अर्जाचा खर्च रू.५००/- या आदेशाच्‍या प्राप्‍तीपासून ३० दिवसाचे आत अदा करावेत.
४. वर नमुद आदेश क्र.२ मधील रकमेपैकी काही रक्‍कम अगर व्‍याज दिले असल्‍यास त्यावर कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.
(सौ.एस.एस. जैन) (डी.डी.मडके)
सदस्‍या अध्‍यक्ष
जिल्‍हा ग्राहक तक्रार निवारण न्‍याय मंच, धुळे.
