सदरची तक्रार जालना नगर परिषदेच्‍या मुख्‍याधिका-या विरुध्‍द तक्रारदाराने केलेली आहे. तक्रारदाराचे म्‍हणणे की, तो कर भरुन गैरअर्जदाराची सेवा घेत असतो. तक्रारदार राहतो तेथे मोठे “मॅनहोल” आहे जे उघडे आहे. ते झाकण्‍याची जबाबदारी गैरअर्जदाराची आहे. ती त्‍याने पार न पाडल्‍याने सेवेत त्रुटी दिली आहे. म्‍हणून तक्रारदाराची गैरअर्जदारा विरुध्‍द तक्रार आहे.

      सदरची तक्रार चालविण्‍याचा मंचाला अधिकार आहे हे दाखवण्‍यासाठी अर्जदार विद्वान वकील श्री.महेश एस धन्‍नावत यांनी 2009 S T P L (C L) 606 N C कन्‍झुमर एज्‍युकेशन सोसायटी वि. अहमदाबाद महानगर पालिका व इतर या निकालाचा दाखला दिला. तसेच 2006  S T P L (C L) 1012  N C उषा अग्रवाल वि. नगर परिषद हलद्वानी या निकालाचा दाखला दिला.