::: नि का ल प ञ:::

निशाणी क्रं. ०१ वर आदेश

(मंचाचे निर्णयान्‍वये, श्री. विजय चं. प्रेमचंदानी मा.अध्‍यक्ष)

(पारीत दिनांक :- १५/०२/२०१६)

अर्जदाराने गैरअर्जदार क्रं. १ व २ कडून रु. २५,००,०००/- चे कर्ज घेतले होते. त्‍याकरीता अमित कुंभारे जनमानतदार होते. गैरअर्जदाराने अर्जदाराला कोणतेही नोटीस व सूचना न देता अर्जदाराचे जमानतदार श्री. अमित कुंभारे यांचे खाते दि. ११.१२.२०१५ रोजी बंद करुन टाकले. गैरअर्जदाराने अर्जदाराला न्‍युनतम सेवा दिली म्‍हणून सदर तक्रार मंचासमक्ष दाखल करण्‍यात आली. सदर तक्रारीत असे निर्देशनास येते कि, जमानतदार यांचे खाते गैरअर्जदाराकडे आहे व ते गैरअर्जदाराचे ग्राहक आहेत. त्‍यांचे खाते गैरअर्जदाराने अर्जदारामूळे बंद केले आहे याबाबत जमानतदाराने गैरअर्जदाराविरुध्‍द कोणतीही तक्रार केलेली नाही. या प्रकरणात जमानतदार पक्षकार म्‍हणून जोडण्‍यात आलेले नाही असे मंचाचे मत ठरले आहे की. अर्जदाराचे जमानतदाराचे खाते विषयी उदभवीत असलेला विवाद अर्जदार व गैरअर्जदारामध्‍ये ग्राहक वाद नाही. सबब खालील प्रमाणे  अंतीम आदेश पारीत करण्‍यात येत आहे.

//अंतीम आदेश//      

             १) अर्जदाराची तक्रार अस्विकृत करण्‍यात येते.

             २) अर्जदाराने आपला खर्च स्‍वतः सहन करावा.

             ३) अर्जदाराला आदेशाची प्रत विनामुल्‍य पाठविण्‍यात यावी.

चंद्रपूर

दिनांक -   १५/०२/२०१६