| Complaint Case No. CC/327/2018 | | ( Date of Filing : 21 Apr 2018 ) |
| | | | 1. INDER AADUMAL KESHWANI | | R/O. FLAT NO. 16, PREETAM VIHAR, AUTOMOTIVE SQUARE, KAMPTEE ROAD, NAGPUR | | NAGPUR | | MAHARASHTRA |
| ...........Complainant(s) | |
| Versus | | 1. THE BRANCH MANAGER, NATIONAL INSURANCE CO. LTD. | | BRANCH BHILAI CBO-I, BHILAI, ABOVE BHUTANI COMPLEX, POWER HOUSE, BHILAI (cg) 490001 | | BHILAI | | CG | | 2. THE REGIONAL MANAGER, NATIONAL INSURANCE CO. LTD. | | FIDVI CHAMBERS, MOUNT ROAD, SADAR, NAGPUR-440001 | | NAGPUR | | MAHARASHTRA |
| ............Opp.Party(s) |
|
|
| Final Order / Judgement | आदेश मा. सदस्‍या, श्रीमती चंद्रिका बैस यांच्‍या आदेशान्‍वये – - तक्रारकर्त्‍याने प्रस्‍तुत तक्रार ग्राहक संरक्षण कायद्याच्‍या कलम 12 अंतर्गत दाखल केली असून त्‍यात असे नमूद केले की, त्‍याने विरुध्‍द पक्षाकडून त्‍याची कार (BMW)बी.एम.डब्‍ल्‍यू क्रमांक CG-07/AK-3111 चा विमा दिनांक 23.06.2017 ते 22.06.2018 या कालावधीकरिता पॉलिसी क्रं. 285203/31/17/6100003195 अन्‍वये विमा मुल्‍य रुपये 22,00,000/- एवढया किंमतीचा विमा उतरविला होता. विरुध्‍द पक्षाने सदर पॉलिसी अंतर्गत अपघात व थर्ड पार्टी शून्‍य घसारा चा लाभ मिळण्‍याकरिता निल डिप्रिसेशनचा प्रिमियम विरुध्‍द पक्षाकडे जमा केला होता.
- तक्रारकर्त्‍याने पुढे असे नमूद केले की, दि. 28.08.2017 रोजी संध्‍याकाळी 6.00 वा. राजनांदगांव रोडवर छत्‍तीसगढ राज्‍यात अपघात झाला. तक्रारकर्त्‍याने तात्‍काळ विरुध्‍द पक्षाला वाहनाच्‍या अपघाताबाबत भिलाई येथील कार्यालयात त्‍वातिर सूचना दिली. तसेच तक्रारकर्त्‍याने त्‍याचे वाहन दुरुस्‍तीकरिता मुनीच मोटर्स रायपूर यांच्‍याकडे विमा दावा मिळण्‍याकरिता आवश्‍यक ते दस्‍तऐवज विरुध्‍द पक्षाकडे जमा केले. विरुध्‍द पक्षाने तक्रारकर्त्‍याचे वाहनाचा दावा मुल्‍य वाहन तपासणीकरिता सर्वेअरची नेमणूक केली . त्‍याप्रमाणे सर्वेअरने वाहनाची तपासणी केली व तक्रारकर्त्‍याची विमा मागणी मंजूर करण्‍यात आली.
- तक्रारकर्त्‍याने पुढे नमूद केले की, त्‍याने सदरच्‍या अपघातग्रस्‍त वाहन दुरुस्‍तीकरिता मानधन मोटर्स प्रा.लि. रायपूर यांच्‍याकडे रुपये 4,29,040/- आय.डी.बी.आय.बॅंक, नागपूर द्वारे आर.टी.जी.एस. केले होते. परंतु विरुध्‍द पक्षाने दि. 13.11.2017 च्‍या पत्रानुसार विमा घसारा काढून रुपये 2,48,812/- इतक्‍या रक्‍कमेचा विमा दावा मंजूर केला. ही रक्‍कम विरुध्‍द पक्षाने आर.टी.जी.एस. द्वारे तक्रारकर्त्‍याच्‍या आय.डी.बी.आय.बॅंकेच्‍या खात्‍यात जमा केली. विरुध्‍द पक्षाने कोणते कारण न देता तक्रारकर्त्‍याची वाहनाचे विमा मुल्‍य स्‍वीकृत केले नाही. याकरिता तक्रारकर्त्‍याने विरुध्‍द पक्षाशी संपर्क साधला असता त्‍याने नेमून दिलेल्‍या सर्व्‍हेअरच्‍या अहवालानुसारच विमा दावा मंजूर करण्‍यात आल्‍याचे सांगण्‍यात आले. त्‍यामुळे तक्रारकतर्याने दि. 24.02.2018 रोजी वि.प.ला कायदेशीर नोटीस बजाविली. परंतु विरुध्‍द पक्षाने त्‍याची दखल न घेऊन दोषपूर्ण सेवा दिली असून अनुचित व्‍यापार पध्‍दतीचा अवलंब केला आहे. म्‍हणून तक्रारकर्त्‍याने प्रस्‍तुत तक्रार मंचासमक्ष दाखल करुन मागणी केली की, विरुध्‍द पक्षाने तक्रारकर्त्‍याचा उर्वरित विमा दावा रक्‍कम रुपये 1,80,228/- दि. 28.08.2017 पासून ते प्रत्‍यक्ष रक्‍कम अदायगीपर्यंत द.सा.द.शे. 18 टक्‍के व्‍याजासह देण्‍याचा आदेश द्यावा. तसेच शारीरिक, मानसिक त्रासाकरिता नुकसानभरपाई व तक्रारीचा खर्च देण्‍याचा आदेश द्यावा अशी विनंती केली आहे.
- विरुध्‍द पक्षाने आपला लेखी जबाबात नमूद केले की, तक्रारकर्त्‍याने त्‍याचे (BMW)वाहन क्रं. CG-07/AK-3111 चा विमा दिनांक 23.06.2017 ते 22.06.2018 या कालावधीकरिता पॉलिसी क्रं. 285203/31/17/6100003195 अन्‍वये विमा मुल्‍य रुपये 22,00,000/- एवढया किंमतीचा विमा उतरविला होता. तक्रारकर्त्‍याच्‍या वाहनाचा दि. 28.08.2017 रोजी संध्‍याकाळी 6.00 वा. राजनांदगांव रोडवर छत्‍तीसगढ राज्‍यात अपघात झाला होता याबाबत तक्रारकर्त्‍याने तात्‍काळ विरुध्‍द पक्षाच्‍या भिलाई येथील कार्यालयात सूचना दिली होती. त्‍यानंतर तक्रारकर्त्‍याने त्‍याचे वाहन दुरुस्‍तीकरिता मुनीच मोटर्स रायपूर यांच्‍याकडे विमा दावा मिळण्‍याकरिता आवश्‍यक ते दस्‍तऐवज जमा केले होते. त्‍याप्रमाणे विरुध्‍द पक्षाने अपघातग्रस्‍त वाहनाच्‍या तपासणीकरिता सर्वेअरची नेमणूक केली असता सर्वेअरने दि. 14.10.2017 रोजी वाहनाची तपासणी करुन अहवाल सादर केला त्‍याप्रमाणे तक्रारकर्त्‍याच्‍या अपघातग्रस्‍त वाहनाचा रुपये 2,48,812/- इतक्‍या रक्‍कमेचा विमा दावा मंजूर केला. तसेच सदरची रक्‍कम ही आर.टी.जी.एस. द्वारे तक्रारकर्त्‍याच्‍या आय.डी.बी.आय.बॅंकेच्‍या खात्‍यात जमा केलेली आहे. विरुध्‍द पक्षाच्‍या सर्व्‍हेअरच्‍या अहवालात काही त्रुटया आढळल्‍या सर्वेअरने डिप्रिसेशन घसारा न लावल्‍यामुळे पुनश्‍च सर्वेअरला फेर तपासणीकरिता सांगण्‍यात आले व त्‍यानंतर पुन्‍हा अहवाल दाखल करण्‍यात आला. त्‍यानंतर विभागीय कार्यालयाच्‍या आदेशानुसार सर्व्‍हेअरने पुनश्‍च तपासणी केली आणि घसारा लावून रुपये 2,48,812/- इतक्‍या रक्‍कमेचे नुकसान झाल्‍याचा अहवाल दाखल केला. तसेच सदरची रक्‍कम तक्रारकर्त्‍याने कोणताही आक्षेप न घेता स्‍वीकारली व तक्रारकर्त्‍याला सर्व्‍हेअरचे फेर तपासणीप्रमाणे काढलेल्‍या विमा मुल्‍य रक्‍कमेबाबत अवगत करण्‍यात आले होते परंतु तक्रारकर्त्‍याने सवर्हेअरच्‍या फेरतपासणी अहवालाबाबत आक्षेप घेतला नाही व तक्रारकर्त्‍याला विमा रक्‍कम मिळे पर्यंत कोणताही आक्षेप घेतला नाही. त्‍यामुळे तक्रारकर्त्‍याची तक्रार खारीज करण्‍यात यावी अशी विनंती केली आहे.
- उभय पक्षांनी दाखल केलेले दस्‍तऐवज, लेखी युक्तिवाद व त्‍यांच्‍या वकिलांनी केलेला तोंडी युक्तिवाद ऐकून घेतल्‍यावर मंचाने खालील मुद्दे विचारार्थ घेऊन त्‍यावरील निष्‍कर्ष खालीलप्रमाणे नोंदविले.
अ.क्र. मुद्दे उत्‍तर 1 तक्रारकर्ता विरुध्‍द पक्षाचा ग्राहक आहे काय ? होय - विरुध्‍द पक्षाने तक्रारकर्त्‍याला दोषपूर्ण सेवा दिली काय ? होय
- काय आदेश ? अंतिम आदेशानुसार
- मुद्दा क्रमांक 1 व 2 बाबत – तक्रारकर्त्‍याने विरुध्‍द पक्षाकडून (BMW)बी.एम.डब्‍ल्‍यू कार क्रमांक CG-07/AK-3111 चा विमा दिनांक 23.06.2017 ते 22.06.2018 या कालावधीकरिता पॉलिसी क्रं. 285203/31/17/6100003195 अन्‍वये विमा मुल्‍य रक्‍कम रुपये 22,00,000/- एवढया किंमतीचा विमा उतरविला होता. तसेच सदरची घटना विमा कालावधीत घडलेली आहे, याबाबत उभय पक्षात वाद नाही. तक्रारकर्त्‍याच्‍या वाहनाचा दि. 28.08.2017 रोजी संध्‍याकाळी 6.00 वाजता राजनांदगांव रोड, छत्‍तीसगढ राज्‍यात अपघात झाला. तक्रारकर्त्‍याने सदरच्‍या घटनेची सूचना त्‍वरित विरुध्‍द पक्षाच्‍या भिलाई येथील कार्यालयाला दिली होती. त्‍याप्रमाणे सर्वेअरची नियुक्‍ती करण्‍यात आली होती. परंतु विरुध्‍द पक्षाच्‍या आदेशानुसार पुनश्‍च तपासणी करुन रुपये 2,48,812/- इतक्‍या रक्‍कमेचा विमा दावा मंजूर करुन तक्रारकर्त्‍याला अदा करण्‍यात आला. तक्रारकर्त्‍याने वाहनाचा विमा उतरवितांना विमा पॉलिसी अंतर्गत zero Depreciation चा लाभ मिळण्‍याकरिता Nil Depreciation Premium रुपये 19,800/- चा विरुध्‍द पक्षाकडे भरणा केला आहे व त्‍याची नोंद विरुध्‍द पक्षाने विमा पॉलिसीमध्‍ये घेतलेली आहे. सदरच्‍या अपघातग्रस्‍त वाहन दुरुस्‍तीकरिता तक्रारकर्त्‍याने मानधन मोटर्स प्रा.लि. रायपूर यांच्‍याकडे रुपये 4,29,040/- आय.डी.बी.आय.बॅंक, नागपूर द्वारे आर.टी.जी.एस. केले होते. त्‍यामुळे विरुध्‍द पक्षाने तक्रारकर्त्‍यास रुपये 4,29,040/- चा विमा दावा मंजूर करणे आवश्‍यक होते.
- तक्रारकर्त्‍याने सदरचा विमा दावा आक्षेपासह स्‍वीकारला. नि.क्रं. 2 वर दाखल केलेले अहवालाप्रमाणे रुपये 4,29,040/- चा विमा दावा मंजूर करण्‍याची विरुध्‍द पक्षाची जबाबदारी होती. परंतु विरुध्‍द पक्षाने तक्रारकर्त्‍याचा रुपये 2,48,812 चा विमा दावा मंजूर केला आहे. तक्रारकर्त्‍याने विरुध्‍द पक्षाकडून zero Depreciation विमा दावा काढला होता, असे असतांना सुध्‍दा विमा घसाराची रक्‍कमेची कपात करुन विरुध्‍द पक्षाने सेवेत त्रुटी केली असल्‍याचे स्‍पष्‍ट दिसून येते. त्‍यामुळे तक्रारकर्ता विमा दाव्‍याची उर्वरित रक्‍कम रुपये 1,80,228/- मिळण्‍यास पात्र आहे असे मंचाचे स्‍पष्‍ट मत आहे.
सबब खालीलप्रमाणे अंतिम आदेश पारित. अंतिम आदेश - तक्रारकर्त्‍याची तक्रार अंशतः मंजूर.
- विरुध्‍द पक्षाने तक्रारकर्त्‍याला त्‍याच्‍या क्षतिग्रस्‍त वाहनाच्‍या नुकसानी पोटी उर्वरित विमा रक्‍कम रुपये 1,80,228/- द्यावे व सदरच्‍या रक्‍कमेवर दि.28.08.2017 पासून ते रक्‍कमेच्‍या प्रत्‍यक्ष अदायगीपर्यंत द.सा.द.शे. 14 टक्‍के दराने व्‍याज तक्रारकर्त्‍याला अदा करावी.
- विरुध्‍द पक्षाने तक्रारकर्त्‍याला झालेल्‍या शारीरिक, मानसिक त्रासापोटी नुकसान भरपाई म्‍हणून रुपये 30,000/- व तक्रारीचा खर्च म्‍हणून रुपये 10,000/- द्यावे.
- वरील आदेशाची पूर्तता आदेशाची प्रत प्राप्‍त झाल्‍याच्‍या तारखेपासून 30 दिवसाच्‍या आंत विरुध्‍द पक्षाने करावी.
- उभय पक्षांना आदेशाची प्रथम प्रत निःशुल्‍क द्यावी.
- तक्रारकर्त्‍याला तक्रारीची ब व क प्रत परत करावी.
| |
