निशाणी क्र.1 वर आदेश  :::

(मंचाचे निर्णयान्‍वये, श्री. विजय चं. प्रेमचंदानी मा.अध्‍यक्ष)

(पारीत दिनांक :- 31/05/2016)

        अर्जदार व त्‍याचे वकील गैरहजर. अर्जदाराने सदरची तक्रार ग्राहक सरक्षंण कायदयाचे कलम १२ अन्‍वये दाखल केली आहे. वादातील ट्रकची किंमत एकुण रू.22 लाख असून वादातील ट्रकसाठी अर्जदाराने गैरअर्जदाराकडून 20 लाखांचे कर्ज घेतले होते. अर्जदाराने तक्रारीत असे सांगितले आहे की, अर्जदाराने गैरअर्जदाराकडून घेतलेल्‍या कर्जाच्‍या परतर्फडीपोटी तक्रारकर्त्‍याने दिलेल्‍या धनादेशांबाबत गैरअर्जदाराने न्‍यायालयांत कारवाई सुरू केलेली आहे. सदर धनादेशाबाबतगैरअर्जदाराने सुरू केलेली न्‍यायालयीन कारवाई त्‍वरीत थांबविण्‍याचा आदेश देण्‍यांतयावा अशी मागणी तक्रारकर्त्‍याने केलेली आहे. परंतु वादातील एकुण रक्‍कम रू.20 लाखांचे वर असल्‍याने सदर प्रकरण ग्राहक संरक्षण कायदा 1986 चे कलम 11(1) अन्‍वये या मंचाचे अधिकारक्षेत्रात बसत नाही. तसेच तक्रारकर्त्‍याने दिलेल्‍या धनादेशांबाबत गैरअर्जदाराने न्‍यायालयांत सुरू केलेली न्‍यायालयीन कारवाई थांबविण्‍याचा आदेश देण्‍याची तक्रारकर्त्‍याची मागणी मान्‍य करण्‍याचे अधिकारही या मंचाला नसल्‍यामूळे खालीलप्रमाणे अंतीम आदेश पारीत करण्‍यांत येतो.

1. तक्रारकर्त्‍याची तक्रार अस्विक़़त करण्‍यांत येते.
2. तक्रारअर्जाची मुळ प्रत ठेवून इतर प्रती तक्रारकर्त्‍याला परत करण्‍यांत याव्‍यात.
3. अर्जदारानेतक्रारीचा खर्चस्‍वतःसहनकरावा.
4. आदेशाची प्रत विनामुल्‍य अर्जदारांस द्यावी.