तक्रारदार स्‍वतः त्‍यांचे वकील श्री.गौरव पांडे यांचेसह हजर. सामनेवालेतर्फे वकील श्रीमती जागृती ठक्‍कर हजर.

तक्रारदार यांनी सदर प्रकरणी सामनेवाले यांचेविरुध्‍द असलेला वाद आपसांत मिटवून सामनेवाले यांचेविरुध्‍द त्यांना प्रस्‍तूतचे तक्रार प्रकरण पुढे चालविणे नाही, असे नमुद करुन प्रकरण मागे घेण्याबाबतचा ओळखपत्राच्या छायांकित प्रतीसह (आधार कार्ड) अर्ज दिला. अर्जातील मजकुर खरा व बरोबर असल्याचे तसेच अर्जावरील सह्या त्यांच्याच असल्याचे आज या प्रकरणी हजर असलेल्‍या वकीलांनी आयोगासमोर मान्य केले. आपसांत तडजोडीनुसार सामनेवाले यांनी तक्रारदारास रक्‍कम रु.89,500/-दिलेली असून, रक्‍कम मिळाल्‍याचे तक्रारदार यांनी आयोगासमोर कबूल केले. सबब, तक्रारदाराचा प्रस्तुतचे तक्रार प्रकरण मागे घेण्याबाबतचा अर्ज मंजूर करण्यात येतो व प्रकरण निकाली काढण्‍यात येते. प्रकरण समाप्‍त.