तक्रारदाराचे वकील श्री.अभयकुमार जाधव हजर.  सामनेवालेंचे वकील श्रीमती वंदना मिश्रा हजर. उभयपक्षांचा विलंब माफीच्‍या अर्जावर युक्‍तीवाद ऐकला.  सामनेवालेंचे युक्‍तीवादात असे नमुद केले आहे की, मयताचे नाव पॉलीसी पिरीयड नंतर दाखल करण्‍यात आले आहे. ही बाब पुराव्‍यावेळी विचारात घेण्‍यात येईल.  झालेला विलंब हा २ वर्षे ०७ महिन्‍याचा आहे विलंब झाल्‍याबाबतचा तसेच त्‍यांचा क्‍लेम कधी रिजेक्‍ट झाला व तो तक्रारदारांना कधी कळविला याबाबत कोणताही दस्‍तऐवज अभिलेखावर सामनेवालेंनी दाखल केलेला नाही. तक्रारदार हे ग्रामीण भागातील असल्‍यामुळे  पॉलीसीचा उद्देश  विचारात घेऊन, नैसर्गिक न्‍यायाच्‍या दृष्‍टीने तक्रारदारांचा झालेला विलंब माफ करण्‍यात येतो. मूळ तक्रार स्वीकृत करण्‍यात येते. प्रकरण सामनेवालेच्‍या लेखी जबाब दाखल करणे कामी पुढील पेशी तारीखः१५/०२/२०२१