- नि.क्र. 1 वरील आ दे श -

                           (पारित दिनांक –   25 एप्रिल, 2019)

श्री. शेखर मुळे, मा. अध्‍यक्ष यांचे आदेशांन्‍वये.

1.               तक्रारकर्तीने सदर तक्रार तिच्‍या पतीच्‍या मृत्‍युनंतर शेतकरी अपघात विमा योजनेंतर्गत विम्‍याची रक्‍कम मिळण्‍यासाठी दाखल केली आहे.

2.               या तक्रारीत वि.प.ला नोटीस गेल्‍यानंतर ते वकीलांमार्फत हजर झाले. वि.प.ने दि.21.02.2019 ला पुरसिस दाखल करुन मंचाला कळविले की, याच वादासंबंधी तक्रारकर्तीने मुंबई येथील बांद्रा ग्राहक तक्रार निवारण मंचामध्‍ये वि.प.विरुध्‍द ग्राहक तक्रार सन 2015 मध्‍ये दाखल केली आहे आणि ती प्रलंबित आहे. त्‍यामुळे सदरहू तक्रार मुंबई मंचासमोरील तक्रार प्रलंबित असतांना दाखल करण्‍यात आली असल्‍याने आणि दोन्‍ही तक्रारीतील वस्‍तुस्थिती आणि वाद एकच असल्‍याने सदरहू तक्रार खारीज करण्‍यात यावी.

3.               वि.प.ने पुरसिस सोबत मुंबई येथील ग्राहक मंचात दाखल केलेल्‍या तक्रारीची प्रत दाखल केली आहे. त्‍यातील मजकूर आणि सदरहू तक्रारीतील मजकूर वाचल्‍यावर हे स्‍पष्‍ट होते की, दोन्‍ही तक्रारी या एकाच वस्‍तूस्थितीवर दाखल केलेल्‍या आहेत. परंतू तक्रारकर्तीने या तक्रारीत असे खोटे नमूद केले आहे की, तिने सदर वादाबाबत तक्रार इतर कुठल्‍याही न्‍यायालयात दाखल केलेली नाही. मागिल तारखेला मंचाने तक्रारकर्तीला यावर स्‍पष्‍टीकरण देण्‍याकरीता वेळ दिला होता. परंतू आज तक्रारकर्ती आणि तिचे वकील गैरहजर आहेत.

4.               उपरोक्‍त नमूद परीस्थितीचा विचार करता, तक्रारकर्तीची या मंचासमोरील तक्रार चालू शकत नाही. तिने मुंबई येथे दाखल केलेल्‍या तक्रारीचा पाठपुरावा करावा. सबब, सदर तक्रार वरील कारणास्‍तव खारिज करण्‍यात येते.