तक्रारकर्ता हे एसटीडी/पिसिओ धारक असून त्‍यांनी वि.प. भारत संचार निगम लि. यांचे विरोधात तक्रार दाखल केली आहे.

तक्रारकर्ता यांनी त्‍यांच्‍या तक्रारीत परिच्‍छेद क्रं. 3 मध्‍ये म्‍हटले आहे की, त्‍यांन वि.प. यांचेकडून पुढील प्रमाणे कमिशन मिळते.

रु. 1/- ते 1000/-        = 25%

रु.1000/- ते 3000/-                  = 27.5%

रु.3001/- ते 5000/-             = 30%

रु.5001/- ते 10,000/-             = 32.5%

रु.10001/- ते वर                   = 35%

अनिता मिना वि. बी.एस.एन.एल. व इतर या 1 (2007) सी.पी.जे.283 मध्‍ये प्रकाशित झालेल्‍या न्‍याय निवाडयात आदरणीय राजस्‍थान राज्‍य आयोगाने असे मत प्रदर्शित केले आहे की, एस.टी.डी./पी.सी.ओ.धारक हा ग्राहक संरक्षण कायद्याच्‍या कलम 2(1)(ड) (ii) प्रमाणे ग्राहक ठरत नाही.

सदर न्‍याय निवाडयात आदरणीय राष्‍ट्रीय आयोगाने I (1994)सीपीजे  14 (एनसी) व III (1995) सीपीजे 67 (एनसी) या प्रकरणांत निकाल देतांना एसटीडी/पीसीओ धारक हा ग्राहक या व्‍याख्‍येत बसत नाही असे म्‍हटल्‍याचा उल्‍लेख आहे.

तक्रारकर्ता यांनी दाखल केलेली तक्रार ही तक्रारकर्ता हे ग्राहक या सदरात न मोडत असल्‍यामुळे प्राथमिक स्‍तरावर खारीज करण्‍यात येत आहे.