जिल्‍हा ग्राहक तक्रार निवारण मंच, लातूर

ग्राहक तक्रार क्रमांक :      60/2011                 दाखल तारीख :07/03/2011

                                          निकाल तारीख :06/02/2015   

                                          कालावधी   :03 वर्षे 10 म.03 दिवस

मेहताब बशीर शेख,

वय 50 वर्षे, धंदा पेन्‍शनर,

रा. चौधरी  नगर, लातूर.                                  ...तक्रारदार.

   -विरुध्‍द-

1) उपकार्यकारी अभियंता,

  महाराष्‍ट्र  विदयुत  वितरण कंपनी लि.

  ग्रामीण सब डिवीजन, साळे गल्‍ली, लातूर .

2) कनिष्‍ठ अभियंता,

  महाराष्‍ट्र विदयुत  वितरण कंपनी  लि.

  काटगाव सब डिव्‍हीजन, ता.जि. लातूर.                           ..... गैरअर्जदार

      कोरम   : 1) श्रीमती ए.जी.सातपुते, अध्‍यक्षा.

               2) श्री.अजय भोसरेकर, सदस्‍य

               3) श्रीमती रेखा जाधव, सदस्‍या.

                        तक्रारदारातर्फे   : अॅड.अनिल के. जवळकर

                        गै.अ.क्र.1 व 2  तर्फे :अॅड. आर.बी.पांडे  

                        ::: निकालपत्र    :::

(घोषित द्वारा: श्री.अजय भोसरेकर, मा. सदस्‍य.)

      तक्रारदाराने  सदर तक्रार ग्राहक संरक्षण कायदा 1986 चे कलम 12 अंतर्गत गैरअर्जदारा विरुध्‍द  दाखल  केली  आहे. तक्रारदाराची  तक्रार थोडक्‍यात अशी की,

      तक्रारदार  हा लातूर  येथील रहिवाशी  असून  निवृत्‍त  माजी सैनिक आहे.  तक्रारदाराने  नौकरी  कालावधीमध्‍ये  असतांना दिंडेगाव  येथे  गट क्र. 77 मध्‍ये  6 एकर  जमीन खरेदी घेतली होती.  सदर जमीनीमध्‍ये  तक्रारदाराने  दि. 23.05.2002 रोजी  सामनेवाला  यांच्‍या नियमानुसार सर्व  कागदपत्रांची पुर्तता  करुन 5 एच.पी.   शेती पंपाकरीता  रक्‍कम 6470/-  डिमांड भरले.  तक्रारदारास  विदयुत पुरवठा  न देता  दि. 07.11.2006  रोजी  रक्‍कम रु. 8180/-  चे  बिल  शेख महेबुब  बशीर  या नावाने  दिले. सदर बिलावर मिटर क्र. 7000114238  व  ग्राहक  क्र.611300243290  चे दिले,  तक्रारदाराने दि. 31.01.2007  रोजी सामनेवाला  यांना  सदर घटनेची  लेखी  तक्रारीद्वारे  विदयुत  पुरवठा न देता  वीज  देयके दिल्‍या बद्दलची  व नावातील  चुकीची दुरुस्‍ती  करण्‍या बाबत  लेखी कळवले.  

      तक्रारदाराने  पाठपुरावा करुन  पुरवठा  प्राप्‍त  होत  नाही म्‍हणुन  दि. 02.08.2008  रोजी पुन्‍हा  लेखी  तक्रार  मीटर बवण्‍याबाबत  केली. तक्रारदारास  दि. 24.07.2008  रोजी  विदयुत  पुरवठा  न देता  रक्‍कम रु. 24,050/-  चे  वीज देयक देण्‍यात आले.   तक्रारदारास  दि. 08.08.2008 रोजी मिटर क्र 178449  या नंबरच्‍या मीटरद्वारे  वीज पुरवठा  देण्‍यात आला. सामनेवाला  यांनी तक्रारदारास  दि.16.10.2010  रोजी मीटर  क्र. 114238  त्‍यावर  देवुन  ग्राहक क्र. 611300243290 द्वारे रक्‍कम  रु. 24,050/-  वीज देयक  दिले. प्रत्‍यक्षात तक्रारदारास  मीटर क्र. 178449 असा  बसवण्‍यात आला  आहे.

       तक्रारदाराने शेती पंपासाठी  वीज  पुरवठा  प्राप्‍त  केला,  तो  ग्रामीण  भागातील  आहे  व ग्रामीण्‍  भागात  12 ते  14 तास  लोडशेडीग  असतांना,  ऑगष्‍ट 2008  ते  मार्च 2009  या कालावधीमध्‍ये प्रत्‍यक्षात रिडींग न घेता  4500 रिडींग दर्शवुन  चुकीचे  वीज देयक  दिले, असे  म्‍हटले  आहे.  तसेच  सविस्‍तर  विवरण  तक्रारदाराने त्‍याच्‍या  तक्रारीच्‍या  परिच्‍छेद 9 मध्‍ये कथन  केले आहे.  तक्रारदाराने वारंवार  तक्रार करुन  दि. 08.08.2008  पासुन  दि. 19.01.2011 पर्यंत  वीज देयके  दिली नाहीत  म्‍हणुन तक्रार  करत  राहीला. तक्रारदारास  दि. 29.01.2011  रोजी  प्रथम  वीज  देयक देण्‍यात आले.  त्‍यावर रक्‍कम  रु. 25,170/-  चे  देण्‍यात आले. सदर बिल  चुकीचे दिल्‍यामुळे  तक्रारदाराने सदर  तक्रार  या न्‍यायमंचात  दाखल  केली  आहे.

      तक्रारदाराने दि. 29.01.2011 रोजीचे बिल  चुकीचे जाहीर  करुन रद्द  करावे,  दि. 08.08.2008 पासुन  वापर केल्‍याप्रमाणे  व  रिडींगप्रमाणे विना व्‍याज व दंड  व्‍याज  न लावता वीज देयक  देण्‍याचा  आदेश व्‍हावा, 6  वर्षे विदयुत पुरवठा  न दिल्‍यामुळे  प्रतिवर्ष रु. 10,000/-  याप्रमाणे रु. 60,000/- नुकसान भरपाईची मागणी केली  आहे, शारिरीक  व  मानसिक  त्रासापोटी रु. 7000/- व  तक्रारीचे  खर्च रु. 5000/-  मिळण्‍याची मागणी   केली आहे.

      तक्रारदाराने  आपले  तक्रारीचे पुष्‍टयर्थ  शपथपत्र व  एकुण 19 कागदपत्रे  दाखल  केली  आहेत.  तक्रारदाराने अंतरीम  आदेशाची  मागणी  केली आहे,  त्‍यात   रु. 5450/-  भरुन  वीज  पुरवठा  खंडीत  करुन नये अशी  विनंती  केली आहे.  त्‍यानुसार  न्‍यायमंचाने  तक्रारदारास दि. 7.3.2011  रोजी  अंतरीम आदेश पारीत करुन,  तक्रारदारास  रु; 5450/- भरणा करुन  सामनेवाला  यांनी  आपले  लेखी  म्‍हणणे  दाखल करे पर्यंत  तक्रारदाराचा  वीज  पुरवठा  खंडीत  करु नये,  असा आदेश पारीत  केला.

      सामनेवाला यांना  न्‍यायमंचाची  नोटीस प्राप्‍त  असून,  सामनेवाला यांच्‍या वतीने  दि. 15.02.2013  रोजी सामनेवाला  यांच्‍या वकीलानी  पुरसीस  देवुन म्‍हणणे दाखल  करण्‍यासाठी  मुदत  मागणारा अर्ज  दाखल  केला.  सदर अर्ज  न्‍यायमंचाने  मंजुर केला. सामनेवाला  यांनी  दि. 18.02.2013  रोजी  सहाय्यक विधी अधिकारी  यांचे  पत्र  दाखल  केले, त्‍यात  त्‍यांनी  8  दिवसाची वाढीव मुदत  लेखी  म्‍हणणे दाखल करणेसाठी  मागणी केली.  सदर  प्रकरणात सामनेवाला  यांनी  त्‍यांच्‍या  वकालतनामा  दाखल  केला नाही. व  लेखी  महणणेसाठी पुरेसी  मुदत देवुन दाखल  न केल्‍या  कारणाने  सामनेवाला  यांचे विरोधात  दि. 14.02.2013  रोजी  एकतर्फा आदेश पारीत  करण्‍यात आला.

      तक्रारदाराने  दाखल  केलेली  तक्रार  व  तक्रारदाराने  दि. 31.01.2015  रोजी  दाखल  केलेले  लेखी  पुरसीस  या नुसार तक्रारदाराच्‍या तक्रारीचे  बारकाईने  अवलोकन  केले असता,  तक्रारदाराने  वर कथन  केल्‍याप्रमाणे, गैरअर्जदार  यांनी  योग्‍य प्रकारे वापराचे  रिडींग  न घेता  वीज  देयके  चुकीच्‍या नावाने, मीटर नंबर चुकीचा टाकुन, विज पुरवठा  न देता  वीज  देयके  देवुन तक्रारदारास  दयावयाच्‍या  सेवेत कसुर केला  आहे  हे  तक्रारदाराने दाखल  केलेल्‍या कागदपत्रावरुन  व  सामनेवाला  यांनी  म्‍हणणे मांडण्‍याच्‍या अर्जाशिवाय वकालतनामा  न दाखल  करुन  व म्‍हणणे न दाखल  करुन,  हे  अप्रत्‍यक्षपणे  मान्‍य  केले  आहे.   तक्रारदाराने  केलेल्‍या मागणीचा  विचार  करता ,  दि. 29.01.2011 रोजीचे  वीज  देयक रद्द  करणे, दि. 08.08.2008 पासुन  वीज पुरवठा दिल्‍यापासुन ते  आज तारखेपर्यंत   मीटर रिडींग वापराप्रमाणे देयके विना दंड व्‍याज आकारता  तक्रारदार  भरु शकेल  अशा सवलतीने  मंजुर  करणे,  तक्रारदारास  मानसिक व शारिरीक त्रासापोटी रु. 3000/- तसेच  तक्रारीचे  खर्चापोटी  रु. 2000/-  सामनेवाला  यांनी  आपले  लेखी  म्‍हणणे  दाखल  केले नाहीत म्‍हणुन  सामनेवाला  यांना ग्राहक साहाय्यता  निधीमध्‍ये  रु. 2000/- दंड म्‍हणुन  भरण्‍याचा, व तक्रारदारान अंतरीम  आदेशाद्वारे भरणा केलेली  रक्‍कम रु. 5450/- ही रक्‍कम दि. 08.08.2008 च्‍या तयार होणा-या बिलात समायोजीत करावे, असा आदेश  करणे योग्‍य  व न्‍यायाचे  होईल  असे या न्‍यायमंचाचे  मत  आहे.

      सबब न्‍यायमंच  खालील प्रमाणे आदेशा पारीत करीत  आहे.

                              आदेश

1.  तक्रारदाराची  तक्रार  अंशत:  मंजुर  करण्‍यात येत आहे.
2. सामनेवाला  यांना आदेश  देण्‍यात येतो की,  तक्रारदारास  अदा केलेले वीज देयक  दि. 29.01.2011 रोजीचे  रद्द करण्‍यात येत आहे.
3. सामनेवाला  यांना  आदेश देण्‍यात येतो की,  तक्रारदारास  वीज  पुरवठा  दि. 08.08.2008 रोजी  दिली या तारखेपासुन   आज तारखेपर्यंत मीटर वापराप्रमाणे  रिडींगचे वीज  देयक  विना दंड व्‍याज  आकारता,  तक्रारदार  भरु  शकेल अशा सवलतीने  वीज  देयक भरुन  घ्‍यावेत.
4. सामनेवाला  यांना  आदेश  देण्‍यात येतो की, तक्रारदार यांना  मानसिक व शारिरीक  त्रासापोटी  रक्‍कम रु. 3000/-  व  तक्रारीचे  खर्चापोटी रु. 2000/- आदेश प्राप्‍ती  पासुन 30 दिवसाचे  आत अदा करावेत.
5. सामनेवाला  यांना आदेश देण्‍यता येतो की,  ग्राहक साहाय्यता  निधीमध्‍ये  रु. 2000/- दंड म्‍हणुन, आदेश प्राप्‍ती पासुन 30 दिवसाचे आत भरणा करावेत.
6. सामनेवाला यांना आदेश देण्‍यात येतो की, तक्रारदाराने  अंतरीम आदेशाद्वारे  भरणा केलेली  रक्‍कम रु. 5450/- ही आदेश क्र. 3 च्‍या वीज देयकात आदेश प्राप्‍ती पासुन 30 दिवसाचे  आत  समायोजित करावी.   

        (अजय भोसरेकर)             (श्रीमती ए.जी.सातपुते)    

             सदस्‍य                       अध्‍यक्षा                          

             जिल्‍हा ग्राहक  तक्रार निवारण  मंच  लातूर.

**//राजूरकर//**