निशाणी 1 वर आदेश 

दिनांक 15/11/2021

       तक्रारकर्त्‍याने त्यांची तक्रार विलंबमाफीच्‍या अर्जासह दाखल केली होती. त्‍यानंतर सदरहू अर्ज निकाली काढण्‍यापूर्वी सामनेवाले यांना नोटीस काढण्‍यात आली. त्‍या अर्जावर सामनेवाले यांचे आजरोजी निवेदन दाखल झाले.

       तक्रारकर्त्‍याचा विलंबमाफीचा अर्ज व त्‍यावरील जबाब वाचला व दोन्‍ही पक्षांच्‍या वकिलांचा युक्‍तीवाद ऐकण्‍यात आला. त्‍यावरुन असे लक्षात येते की, तक्रारकर्त्‍याने दिनांक 21/02/2006 रोजी सामनेवाले यांचेकडून गृहकर्ज घेतले होते. त्‍यावेळेसच्या कर्जावरील व्‍याजदर हा निश्चित केला होता असे तक्रारदाराचे म्‍हणणे आहे. परंतु सामनेवालेच्‍या दाखल केलेल्‍या जबाबामध्‍ये असे दाखल आहे की, तक्रारदाराचा गृहव्‍याज दर हा 3 वर्षानी बदलत जाईल असे कर्जाच्‍या करारामध्‍ये तक्रारकर्त्याने मंजूर केले आहे.

          सन 2006 पासून तक्रारकर्त्‍याने सदरहू गृहव्‍याज दराबाबत कुठलीही तक्रार केली नव्‍हती. सदरची तक्रार ही दिनांक 13/09/2019 रोजी दाखल झालेली आहे. सदरच्‍या विलंबमाफीच्‍या अर्जामध्‍ये तक्रारदाराने तक्रार दाखल करण्‍यास एवढा उशिर का झाला याबाबत कुठलेही न्‍यायोचित कारण दिले नाही. तसेच दिवसागणिक विलंब का झाला याबाबत कुठलेही स्‍पष्‍टीकरण दिलेले नाही.

त्‍यामुळे तक्रारकर्त्‍यास न्‍यायदृ्ष्टीने न्‍याय देण्‍याचा जरी विचार केला तरी सुध्‍दा आयोगास सदरहू विलंब माफीचा अर्ज मंजूर करता येणार नाही.

           करिता तक्रारकर्त्‍याचा विलंबमाफीचा अर्ज नामंजूर करण्‍यात येतो. सदरहू विलंबमाफीचा अर्ज नामंजूर केल्‍याने तक्रार दाखल करुन घेता येत नाही.