पार्श्‍वनाथ आण्‍णासाहेब मगदूम                  ...                      फिर्यादी

 

विरुध्‍द

स्‍टेट बँक ऑफ इंडिया एम्‍प्‍लॉईज श्री गणेश

को.ऑप.क्रे.सोसा.लि.                         ...                      जाबदार

 

 

     फिर्यादी आणि त्‍याचे वकिल पुकारता गैरहजर. जाबदार वकिलांमार्फत हजर. जाबदारांनी आज रोजी वकिलांचे वकिलपत्र दाखल करुन सोबत नि.27 ला पुरशीस दाखल करुन फिर्यादीस देय असणा-या सर्व रकमा फिर्यादीला दिल्‍याचे नमूद केले असून सोबत फिर्यादीचे दि.14/03/2012 रोजीचे नोटीरी पब्लिकसमोर लिहून दिलेले हमीपत्र नि.28 सोबत दाखल केलेले आहे. त्‍या हमीपत्रातील कथनानुसार फिर्यादीने मूळ तक्रार अर्जात नमूद केलेल्‍या ठेवपावत्‍या त्‍याचा मुलगा सुरेश पार्श्‍वनाथ मगदूम हयाने काढलेल्‍या कर्ज खात्‍यात वर्ग केल्‍या असून त्‍यायोगे सदर ठेवपावत्‍यांचे व्‍याजासह सर्व पैसे त्‍यास सुरेश पार्श्‍वनाथ मगदूम हयाकडून मिळाले असल्‍याचे नमूद केले आहे. तसेच ग्राहक तक्रार अर्ज क्र.1749/2009 मध्‍ये नमूद केलेली रक्‍कम त्‍यास मिळालेली असून सदरचा तक्रार अर्ज तो मागे घेत आहे आणि त्‍या तक्रार अर्जात नमूद केलेल्‍या रकमांसंदर्भात तो कोणत्‍याही न्‍यायालयात दाद मागणार नाही असे हमीपत्र त्‍याने जाबदार संस्‍थेच्‍या हक्‍कात करुन दिलेले आहे. सदर हमीपत्राच्‍या आणि जाबदारांनी दाखल केलेल्‍या नि.27 हया पुरशीसमधील कथनांच्‍या सत्‍याअसत्‍यतेबद्दल तक्रारदार हजर नसल्‍याने पडताळणी करता येत नाही. तथापी, रोजनाम्‍याप्रमाणे दि.15/05/2012 पासून तक्रारदार आजतागायत सातत्‍याने गैरहजर आहेत. हयावरुन सदरील मजकूर बरोबर असल्‍याचे अनुमान काढता येते. सबब, प्रस्‍तुतची तक्रार फौजदारी व्‍यवहार प्रकियेच्‍या कलम 257 खाली फिर्यादी गैरहजर या सबबीखाली खारीज करण्‍यात येते व आरोपींना सोडून देण्‍यात येते. प्रकरण दफतर दाखल करावे. 

दि.12/06/13.

ठिकाण – सांगली.

 

 

                        (के.डी.कुबल)                      (ए.व्‍ही.देशपांडे)