आदेश दि.02.07.2021    द्वारा:- मा. अध्‍यक्षा –सौ. सविता पी.भोसले.

निशाणी क्र.1 खालील आदेश        

            उभय पक्षकार व तर्फे वकील हजर. उभय पक्षकारातर्फे प्रस्‍तुतची काम क्रम सोडून बोर्डावर घेणेचा अर्ज दाखल. अर्ज मंजूर करण्‍यात आला. उभय पक्षकारांतर्फे तडजोड पुरसिस दाखल केली की, तक्रारदार व वि प यांचे दरम्‍यान आपापसात तडजोड झाली असून सदर तडजोडीप्रमाणे वि प यांनी तक्रारदार यांना तडजोडीची रक्‍कम रु.1,78,413/- पैकी एचडीएफसी बँकेच्‍या डीडी/चेक क्र.781298 दि.21/06/2021 रोजीने रक्‍कम रु.1,54,582/- स्‍पीड पोष्‍टाने तक्रारदारास पाठवली असून सदरचा डीडी तक्रारदारास दि.29/06/2021 रोजी मिळालेला आहे. उर्वरित रक्‍कम रु.23,831/- चा डीडी एचडीएफसी बँकेचा डीडी क्र.794825 दि.19/06/2021 रोजीचा आजरोजी तक्रारदारास अदा केलेला आहे. सबब प्रस्‍तुतची तक्रार निकाली काढण्‍यात यावी. सदर पुरसिसवर तक्रारदार व त्‍यांचे वकील तसेच वि प व त्‍यांचे वकील यांच्‍या सहया आहेत. सदर पुरसिसप्रमाणे प्रस्‍तुत प्रकरणामधील वादविषय संपुष्‍टात आलेने सदरचा तक्रार अर्ज निकाली करणेत येतो. आजरोजी तक्रारदार यांना तोंडी विचारले असता, वरीलप्रमाणे मान्यता व कबुली दिली. सबब, प्रस्‍तुतचा तक्रार अर्ज निकाली करणेत येतो. प्रकरण नस्‍तीबंद करुन दप्‍तरी दाखल.

                      - आ दे श –

1. तक्रारदाराचा तक्रार अर्ज निकाली काढणेत येतो.

2. सदर तक्रार अर्जामध्‍ये उभय पक्षांनी दाखल केलेली दि.02/07/2021 रोजीची संयुक्‍त पुरसिस या आदेशाचा एक भाग आहे.

3. सदर आदेशाच्‍या सही शिक्‍याच्‍या प्रतिलिपी उभय पक्षकारांना नि:शुल्‍क देण्‍यात याव्‍यात.