आदेश दि.23.12.2022    द्वारा:- मा. अध्‍यक्षा –सौ. सविता पी.भोसले.

निशाणी क्र.1 खालील आदेश               

      उभय पक्षकार व तर्फे वकील हजर. यातील तक्रारदार यांनी प्रस्‍तुतचे काम क्रम सोडून बोर्डावर घेणेचा अर्ज दिला. अर्ज मंजूर. उभय पक्षांतर्फे तडजोड पुरसिस दाखल केली की, तक्रारदार व वि प यांचेमध्‍ये तडजोड झाली असून तक्रारदार यांचे मालकीचे वाहन क्र.MH-43-E-5220 उभयतांच्‍या सहमतीने विक्री करुन त्‍यातून येणारी रक्‍कम व तक्रारदाराने अंतीम तडजोडीची रक्‍कम रु.50,000/- वि प कंपनीस कर्जापोटी देणेचे आहे. सदर रक्‍कमेतून तक्रारदाराचे कर्जखाते क्र.KLPRO301050005 हे पूर्ण फेड करुन घेऊन वि प यांनी तक्रारदारास ना हरकत दाखला देणेचा आहे. तक्रारदार यांनी तडजोडीची ठरलेली रक्‍कम रु.50,000/- पैकी रक्‍कम रु.40,000/- स्‍टेट बँक ऑफ इंडिया शाखा मलकापूर जि.कोल्‍हापूर यांचा डी डी क्र.088115 दि.20/12/2022 व रक्‍कम रु.10,000/- स्‍टेट बँक ऑफ इंडिया शाखा मलकापूर जि.कोल्‍हापूर यांचेकडील धनादेश क्र.459659 दि.23/12/2022 अन्‍वये  वि प कंपनीस आदा केलेली आहे. वादातील वाहनाचा प्रादेशिक परिवहन खाते कोल्‍हापूर यांचेकडील आजपर्यंतचे सर्व कर भरणेची जबाबदारी तक्रारदाराची राहणार आहे. तदनंतर वाहनाचे सर्व प्रकारची जबाबदारी ही नियोजित वाहन खरेदीदार यांची राहील. तक्रारदार यांची सदर तडजोडीनंतर वि प यांचेविरुध्‍द कोणतीही तक्रार राहिलेली नाही. सबब प्रस्‍तुतची तक्रार निकाली काढण्‍यात यावी. सदर पुरसिसवर तक्रारदार व त्‍यांचे वकील व वि प व तर्फे वकील यांच्‍या सहया आहेत. सदर पुरसिसप्रमाणे प्रस्‍तुत प्रकरणामधील वादविषय संपुष्‍टात आलेने सदरचा तक्रार अर्ज निकाली करणेत येतो. आजरोजी तक्रारदार यांना तोंडी विचारले असता, तक्रारदारांनी वरीलप्रमाणे मान्यता व कबुली दिली. सबब, प्रस्‍तुतचा तक्रार अर्ज निकाली करणेत येतो. प्रकरण नस्‍तीबंद करुन दप्‍तरी दाखल.

                      - आ दे श –

1. तक्रारदाराचा तक्रार अर्ज निकाली काढणेत येतो.

2. सदर तक्रार अर्जामध्‍ये उभय पक्षांनी दाखल केलेली आजरोजीची पुरसिस या आदेशाचा एक भाग आहे.

3. सदर आदेशाच्‍या सही शिक्‍याच्‍या प्रतिलिपी उभय पक्षकारांना नि:शुल्‍क देण्‍यात याव्‍यात.