तक्रारकर्ते हजर. त्‍यांचे म्‍हणणे ऐकले. गैरअर्जदार गैरहजर. तक्रारकर्त्‍यांच्‍या म्‍हणण्‍याप्रमाणे ही तक्रार त्‍यांनी, गैरअर्जदार हिला ’स्‍वस्‍त धान्‍याचे दुकान’ जे गैरअर्जदारांचे होते, ते चालविण्‍यास मिळावे याकरीता रु.25,000/- रक्‍कम दिली होती आणि कराराप्रमाणे ती रक्‍कम पुढे दुकान परत केल्‍यानंतर गैरअर्जदार तक्रारकर्त्‍यांना परत देणार होते. मात्र गैरअर्जदारांनी अशी रक्‍कम परत केली नाही, म्‍हणून दाखल केलेली आहे. 

सदरचे प्रकरण हे ग्राहक आणि सेवा देणारा किंवा ग्राहक आणि वस्‍तू विक्रेता या दोन्‍ही सदृश्‍य नाही. त्‍यामुळे तक्रारकर्ता हा गैरअर्जदारांचा  ग्राहक ठरत नाही व वाद हा ग्राहक वाद यामध्‍ये मोडत नाही. यास्‍तव सदर प्रकरण चालविण्‍याचे अधिकारक्षेत्र मंचाला नाही.  तक्रारकर्ते आपला वाद सोडवून घेण्‍यास योग्‍य त्‍या न्‍यायालयात दाद मागण्‍यास स्‍वतंत्र आहे. उभय पक्षांनी आप-आपला खर्च स्‍वतः सोसावा.