निशाणी 1 वर आदेश 

दिनांक 16/02/2022

तक्रारकर्ता व त्‍यांचे वकिल गैरहजर. तक्रारीचे अवलोकन केले असता असे दिसून येते की, तक्रारकर्त्‍याने सदरहू प्रकरणामध्‍ये जो वाद उपस्थित केलेला आहे, तो पूर्णपणे दिवाणी स्‍वरुपाचा आाहे. ज्‍यामध्‍ये सखोल पुराव्‍याची आवश्‍यकता आहे. तसेच सर तपासणी व उलट तपासणीची सुध्‍दा आवश्‍यकता आहे. त्‍याशिवाय सदरहू तक्रारीतील वाद निकाली काढता येणार नाही.

तसेच सदरहू प्रकरणातील वादाचे स्‍वरुप हे तक्रारकर्ता व सामनेवाले ह्यांच्‍यामध्‍ये झालेल्‍या करारनाम्‍यावर आधारीत आहे. सदरहू करारनाम्‍याचे अवलोकन केले असता असे दिसून येते की, या प्रकरणातील वाद निकाली काढण्‍याचे विद्यमान आयोगास कुठलेही अधिकार नाहीत.

त्‍यामुळे तक्रारकर्त्‍याची तक्रार चालविण्‍याचे विद्यमान आयोगास अधिकार नसल्‍याने, सदर तक्रार खारीज करण्‍यात येत आहे.