तक्रारकर्त्‍याचे वकीलांचा प्रकरण दाखल करुन घेण्‍याचाठीचा युक्तिवाद ऐकला. तक्रारकर्त्‍याचे म्‍हणणे आहे की, विरुध्‍द पक्षाने त्‍याला दि.11.12.2007 रोजी नोंदणीकृत विक्रीपत्राव्‍दारे सदनिकेचा ताबा दिला. तेव्‍हा पासुन तक्रारकर्त्‍याचे संमतीने विरुध्‍द पक्ष आपल्‍या दुकानाचा माल ठेवण्‍यासाठी गोडावुन म्‍हणून वापर करीत असल्‍याचा युक्तिवाद तक्रारकर्त्‍याचे वकीलांनी केला.

तक्रारकर्त्‍याला विरुध्‍द पक्षाकडून या सदनिकेचा ताबा मिळावा अशी प्रार्थना या तक्रारीमधे आहे.

तक्रारकर्त्‍याला दि.11.12.2007 रोजी ताबा दिल्‍याचे खरेदीखतामधे नमुद आहे, तक्रारीचे कारण या तारखेपासुन धरल्‍यास तक्रारकर्त्‍याची तक्रार मुदतबाह्य ठरते, असे मंचाचा निष्‍कर्ष आहे. शिवाय याप्रकरणात तक्रारकर्त्‍याचे संमतीने विरुध्‍द पक्ष त्‍याचा फ्लॅट वापरत असल्‍याचे तक्रारीतील अन्‍य दस्‍तांवरुन निष्‍पन्‍न होते. सबब मुदत बाह्य म्‍हणून ही तक्रार खारिज करण्‍यांत येते.