जिल्‍हा ग्राहक तक्रार निवारण मंच, सोलापूर.

ग्राहक तक्रार क्रमांक : 140/2010.

तक्रार दाखल दिनांक :  29/03/2010.    

तक्रार निर्णय दिनांक :01/02/2011.   

भिमराव विश्‍वनाथ उबाळे, वय 62 वर्षे,

रा. 22, अभिमानश्री, पुणे नाका, सोलापूर.                      तक्रारदार

                        विरुध्‍द

1. व्‍यवस्‍थापक, परिवहन उपक्रम व वाहन व्‍यवहार,

   सोलापूर महानगरपालिका, सोलापूर.

2. अध्‍यक्ष, वरिष्‍ठ श्रेणी सह. पतसंस्‍था, सोलापूर.

   सोलापूर महानगर पालिका, सोलापूर.                            विरुध्‍द पक्ष

                        कोरम          :-  सौ. संगिता एस. धायगुडे,  अध्‍यक्ष

                     सौ. प्रतिभा प्र. जहागिरदार, सदस्‍य

                   तक्रारदार यांचेतर्फे विधिज्ञ :  एस.एस. मचाले

                   विरुध्‍द पक्ष क्र.1 यांचेतर्फे प्रतिनिधी : ए.एम. गोरे

            विरुध्‍द पक्ष क्र.2 गैरहजर

आदेश

सौ. प्रतिभा प्र. जहागिरदार, सदस्‍य यांचे द्वारा :-

1.     तक्रारदार यांची थोडक्‍यात अशी तक्रार आहे की, ते विरुध्‍द पक्ष यांच्‍याकडे मुख्‍य वाहतूक निरीक्षक म्‍हणून नोकरीस आहेत. ते विरुध्‍द पक्ष क्र.2 संस्‍थेचे सभासद आहेत आणि त्‍यांनी विरुध्‍द पक्ष क्र.2 यांच्‍याकडून सन 1999 मध्‍ये रोजी रु.40,000/- कर्ज घेतले होते. कर्जाच्‍या हप्‍त्‍याची प्रतिमहा रु.800/- रक्‍कम त्‍यांच्‍या वेतनातून दरमहा कपात करुन पाठविण्‍याची जबाबदारी विरुध्‍द पक्ष क्र.1 यांनी घेतलेली होती. विरुध्‍द पक्ष क्र. 1 यांनी नोव्‍हेंबर 1999 ते ऑक्‍टोंबर 2000 कालावधीत कर्ज हप्‍त्‍यापोटी कपात केलेल्‍या रु.9,600/- रकमेसह कपात केलेली सभासद वर्गणी रु.2,400/- व व्‍याजाची रक्‍कम रु.4,368/- विरुध्‍द पक्ष क्र.2 यांच्‍याकडे न पाठविता अपहार केला आहे. विरुध्‍द पक्ष क्र.2 हे त्‍यांच्‍या विरुध्‍द कर्ज वसुलीची कार्यवाही करणार आहेत. त्‍यामुळे तक्रारदार यांनी प्रस्‍तुत तक्रार दाखल करुन रु.16,368/- त्‍यावरील रु.16,946/- व्‍याजासह विरुध्‍द पक्ष क्र.2 यांच्‍याकडील त्‍यांच्‍या कर्ज खात्‍यावर भरणा करुन उर्वरीत रक्‍कम मिळावी आणि नुकसान भरपाईपोटी रु.10,000/- मिळावेत, अशी विनंती केलेली आहे.

2.    विरुध्‍द पक्ष क्र.1 यांनी रेकॉर्डवर म्‍हणणे दाखल केले असून तक्रार अमान्‍य केली आहे. त्‍यांच्‍या म्‍हणण्‍यानुसार तक्रारदार व त्‍यांच्‍यामध्‍ये नोकर व मालक संबंध होते आणि तक्रारदार पतसंस्‍थेचे ग्राहक असून विरुध्‍द पक्ष यांचे ग्राहक नाहीत. त्‍यांची संस्‍था मागील 10 वर्षापासून आर्थिक संकटात सापडल्‍याने कर्मचा-यांचे वेतन देता आले नाही आणि त्‍यांच्‍या वेतनातून कपात केलेली रक्‍कम रु.13,834/- पतसंस्‍थेकडे पाठविता आलेली नाही. तक्रारदार यांची तक्रार चालविण्‍यास मंचाला अधिकारक्षेत्र नाही आणि शेवटी त्‍यांनी तक्रार खर्चासह रद्द करण्‍याची विनंती केली आहे.

3.    तक्रारदार यांची तक्रार, विरुध्‍द पक्ष यांचे म्‍हणणे व दाखल कागदपत्रांचे अवलोकन करता, तसेच युक्तिवाद ऐकल्‍यानंतर निष्‍कर्षासाठी खालील मुद्दे उपस्थित होतात.

            मुद्दे                            उत्‍तर

1. विरुध्‍द पक्ष यांनी तक्रारदार यांना त्रुटीयुक्‍त सेवा

     दिली आहे काय ?                                                                          होय.

2. काय आदेश ?                                 शेवटी दिल्‍याप्रमाणे.

निष्‍कर्ष

5.    मुद्दा क्र. 1 व 2 :- तक्रारदार यांनी सोलापूर महानगर पालिका वरिष्‍ठ श्रेणी पतसंस्‍थेकडून कर्ज घेतल्‍याविषयी विवाद नाही. तसेच विरुध्‍द पक्ष तक्रारदार यांच्‍या वेतनातून कर्जाचे हप्‍ते कपात करुन पतसंस्‍थेकडे पाठविण्‍याचे होते, याविषयी विवाद नाही. तक्रारदार यांच्‍या वेतनातून कपात केलेली रक्‍कम रु.16,368/- पतसंस्‍थेकडे पाठविली नसल्‍यामुळे पतसंस्‍था त्‍यांच्‍या विरुध्‍द वसुलीची कार्यवाही करणार असल्‍याचे तक्रारदार यांनी नमूद केले आहे.

6.    तक्रारदार यांची कर्ज घेतल्‍याचे व त्‍यांच्‍या वेतनातून सोसायटीकरिता कपात करण्‍यात आलेले रु.13,834/- पतसंस्‍थेकडे पाठविण्‍यात आले नसल्‍याचे विरुध्‍द पक्ष क्र.1 यांनी कबूल केले आहे. तक्रारदार यांच्‍या वेतनातून कर्ज हप्‍ते कपात करुन पतसंस्‍थेस पाठविण्‍याची विरुध्‍द पक्ष क्र.1 यांची जबाबदारी असताना सदर कर्तव्‍य पार पाडलेले नाही आणि त्‍यांनी तक्रारदार यांना द्यावयाच्‍या सेवेत त्रुटी केल्‍याचे निदर्शनास येते. अशा परिस्थितीत, विरुध्‍द पक्ष यांनी रु.13,834/- तक्रारदार यांच्‍या वेतनातून कपात केल्‍याच्‍या तारखेपासून तक्रारदार यांना संबंधीत पतसंस्‍थेने कर्जापोटी आकारणी केलेल्‍या व्‍याज दराने अदा करणे आवश्‍यक ठरते. तसेच तक्रारदार सदर तक्रारीचा खर्च मिळविण्‍यास पात्र ठरतात.

7.    शेवटी आम्‍ही खालील आदेश देत आहोत.  

आदेश

      1. विरुध्‍द पक्ष क्र.1 यांनी रु.13,834/- या आदेशाच्‍या प्राप्‍तीपासून तीस दिवसाचे आत तक्रारदार यांना द्यावेत.

      2. विरुध्‍द पक्ष क्र.1 यांनी रु.13,834/- रकमेवर सदर रक्‍कम कपात केल्‍याच्‍या तारखेपासून तक्रारदार यांना संबंधीत पतसंस्‍थेने कर्जापोटी आकारलेल्‍या दराने होणारे व्‍याज या आदेशाच्‍या प्राप्‍तीपासून तीस दिवसाचे द्यावे.

      3. विरुध्‍द पक्ष क्र.1 यांनी तक्रारदार यांना तक्रार खर्चापोटी रु.1,000/- या आदेशाच्‍या प्राप्‍तीपासून तीस दिवसाचे आत द्यावेत.

(सौ. प्रतिभा प्र. ज‍हागिरदार)                               (सौ. संगिता एस. धायगुडे÷)

सदस्‍य                                             अध्‍यक्ष

        जिल्‍हा ग्राहक तक्रार निवारण मंच, सोलापूर.

                        ----00----

 (संविक/स्‍व/25111)