(व्‍दारा, श्री.एम. वाय मानकर, मा. अध्‍यक्ष)

आदेश

तक्रारदार त्‍यांचे वकिल श्री. दलजित सिंग लाल हजर.

वकिलांना दाखल कामी ऐकण्‍यात आले.

तक्रार व त्‍यासोबतची कागदपत्रे पाहण्‍यात आली. तक्रारदारांनी सामनेवाले यांच्‍याकडून  वाहन खरेदीकरिता अर्थसहाय्य घेतले होते व रक्‍कम थकित झाल्‍यामुळे सामनेवाले यांनी ते वाहन त्‍यांच्‍या ताब्‍यामध्‍ये घेतले. सबब त्‍या वाहनाकरिता तक्रार दाखल करण्‍यात आली.

तक्रारदार यांनी परिच्‍छेद 7 मध्‍ये नमूद केल्‍याप्रमाणे त्‍यांनी सामनेवाले यांच्‍याकडून 04 वाहनांकरिता अर्थसहाय्य घेतले होते. परि. क्र.1 मध्‍ये नमूद केल्‍‍‍‍याप्रमाणे तक्रारदार यांचा ट्रान्‍सपोर्ट चा धंदा आहे. सबब ग्राहक  संरक्षण  कायद्याच्‍या कलम 2 (1) (डी) अनुसार तक्रारदार हे ग्राहक ठरत नाहीत. सबब ही तक्रार या मंचात चालू शकत नाही. त्‍यामुळे आम्‍ही खालील आदेश पारित करीत आहे.

1. तक्रार क्र. 187/2018 ग्राहक संरक्षण कायछयाच्‍या 12(3) प्रमाणे फेटाळण्‍यात येते.
2. खर्चाबाबत आदेश नाहीत.
3. आदेशाच्‍या प्रती उभय पक्षांना विनामुल्‍य पाठविण्‍यात याव्‍यात.
4. अतिरिक्‍त संच तक्रारदार यांना परत करण्‍यात यावेत.