नि. 1 खालील आदेश

                      (दि. 26/09/2017 रोजी पारीत ) 

द्वारा : मा. सौ सविता भोसले, अध्‍यक्षा

तक्रारदारतर्फे आजरोजी पुरसीस दाखल.  सदर पुरसीसनुसार तक्रारदारांनी आरोपी यांचेकडे कर्जाचे फेडीपोटी सर्व रक्‍कम भरली असलेने फिर्यादी हे आरोपी यांना कोणतीही रक्‍कम देय लागत नाहीत आणि फिर्यादी व आरोपी यांचे दरम्‍यान कोणतीही येणे-देणे रक्‍कम राहिलेली नाही.  सबब, तक्रारदार व वि.प. कंपनी यांचेतील वाद मिटलेने प्रस्‍तुतची तक्रार पुढे चालविणेचे कारण राहिलेले नाही. सबब, प्रस्‍तुतची तक्रार निकाली काढणेत यावी अशी पुरसीस तक्रारदार व त्‍याचे विधिज्ञांच्‍या सहीने दाखल करण्‍यात आली आहे.  सदरची पुरसीस या मंचाने तपासून, पडताळून मान्‍य केली आहे. सदरचे पुरसीसनुसार उभय पक्षांमध्‍ये आता कोणत्‍याही प्रकारचा वाद राहिलेला नाही व तक्रारदाराचे तक्रारीचे कारण संपुष्‍टात आले आहे.  सबब, तडजोडीप्रमाणे तक्रारदाराने तक्रार मागे घेतल्‍याने प्रस्‍तुतचा वसूली अर्ज निकाली काढण्‍यात येते.  तो दफ्तर दाखल करावा.